Michéle Clarke

Michele Clarke Mopalamente
Clarke ka Motsheganong 2019
Tona wa botsogo wa khduthamaga ya tshwantsho
In office Tlhakole a le masome mabedi le bobedi ngwaga wa 2022 – Phukwi a le lesome le bone ngwaga wa 2024
Deputy	Lindy Wilson
Leader	John Steenhuisen
Pele Ga Gagwe	Siviwe Gwarube
Mothusa tona wa dikgwebo tsa setshaba wa tshwantsho
In office Morule a le malatsi a matlhano ngwaga wa 2020 – Tlhakole a le masome mabedi le bobedi ngwaga wa 2022
Leader	John Steenhuisen
Pele Ga Gagwe	Erik Marais
Morago Ga Gagwe	Farhat Essack
Mothusa tona wa ditirelo tsa setshaba le tsamaiso wa tshwantsho
In office Seetebosigo a le malatsi a matlhano ngwaga wa 2019 – Morule a le malatsi a matlhano ngwaga wa 2020
Leader	Mmusi Maimane John Steenhuisen
Morago Ga Gagwe	Mimmy Gondwe
Mopalamente wa Aforika Borwa
Incumbent
Assumed office Motsheganong a le masome mabedi le motso ngwaga wa 2019
leloko la lekgotla la peo molao la Gauteng
In office Motsheganong a le masome mabedi le motso ngwaga wa 2014 – Motsheganong a le malatsi a supa ngwaga wa 2019
Ka Ga Ena
O tsetswe	Phukwi a le lesome le botlhano ngwaga wa 1963 Hillbrow Johannesburg Transvaal Aforika Borwa
Mokgatlho	Democratic Alliance
Botsalano	Tania Campbell (mogolowe wa mosadi)
Bana	ba le babedi
Tiro	Moplamente
Tiro	Mopolotiki

Michele Odette Clarke (o o tshotssweng ka Phukwi a le lesome le botlhao ngwaga wa 1963) ke mopolotiki wa kwa Aforika Borwa. Ke leloko la Democratic Alliance, Clarke o berekile e le mokhanselara wa mmasepala wa Ekurhuleni go tswa ka 2004 go fitlhelela a tlhophiwa go nna moemedi wa DA kwa palamenteng ya kgaolo ka 2014. Morago ga go bereka setlha se le sengwe fela mo palamenteng ya kgaolo, Clarke o ne a tlhophiwa go ya palamenteng ya lefatshe ka 2019. Mo khuduthamageng ya tshwantsho ya DA o ne a le mothusa tona wa ditirelo tsa setshaba le tsamaiso le mothusa tona wa dikgwebo tsa setshaba pele ga a nna tona wa botsogo.

Tiro ya sepolotiki

Clarke o nnilele leloko la Democratic Party, e e tsileng pele ga Democratic Alliance, ka 1997, a bereka e le modulasetilo wa lekalana la phathi la kwa Bedfordview go fitlhelela ka 2000. Clarke o ne a nna leloko la DA e e tlhamilweng ka go kopanya DP le phathi e ntsha ya National party ka 2000. O ne a tlhophilwe go nna mokhanselara wa kgotla ya Bedfordview kwa mmasepaleng wa Ekurhuleni mo ditlhophong tsa poeletso tsa 2004. O ne a tlhophiwa gape ka 2006 le 2011. Clarke o berekile e le motlhokomedi le mothusa motlhokomedi wa DA kwa mmasepaleng.

Clarke o ne a tlhophiwa mo palamenteng ya kgaolo ya Gauteng kwa ditlhophong tsa kgaolo tse di neng di tshwerwe ka Motsheganong a le malatsi a supa ngwaga wa 2014. O ne a tlhomamisiwa e le mopalamente ka Motsheganong a le masome mabedi le motso ngwaga wa 2014. O ne a le mo dikomiting tsa pabalelo setshaba le thuto, o ne a thapilwe gape go nna mmueledi wa phathi wa pabalesego ya setshaba. Ka Ngwanatsele 2014 le Ngwanatsele 2017, o ne a bereka e le modulasetilo wa kgaolo wa phathi.

Tiro ya gagwe kwa palamenteng

Pele ga ditlhopho tsa lefatshe tsa Motsheganong a le malatsi a robabobedi ngwaga wa 2019, o ne a le mo maemong a lesome le bobedi a lenaane la DA la kgaolo kgolo, a masome a marataro le botlhano mo lenaaneng la kgaolo le masome mane le botlhano mo lenaaneng la lefatshe ka bophara. Clarke o ne a tlhophiwa go ya palamenteng, a nna mo maemong a mopalamente ka Motsheganong a le masome mabedi le bobedi ngwaga wa 2019. Ka Seetebosigo a le malatsi a matlhano ngwaga wa 2019, moeteledipele wa DA wa palamente, Mmusi Maimane, o ne a mo tlhopha go nna mothusa tona wa ditirelo tsa setshaba le tsamaiso wa tshwantsho. Clarke o ne a nna leloko la komiti ya palamente ya maemo ao ka Seetebosigo a le masome mabedi le bosupa ngwaga wa 2019.

Ka Morule a le malatsi a matlhano ngwaga wa 2020, Clarke o ne a thapiwa e le mothusa tona wa tshwantsho wa dikgwebo tsa setshaba ke John Steenhuisen. Ka Morule a le malatsi a supa, o ne a tswa mo komiting ya ditirelo tsa setshaba le tsamaiso, a nna leloko la komiti ya dikgwebo tsa setshaba.

Ka Tlhakole 2022, Clarke o nea tlhatlositswe maemo go nna tona wa botso wa tshwantsho, a tlhatlhama Siviwe Gwarube, o a nenga dule mo maemong ao morago ga a sena go tlhophiwa mothusa motlhkomedi wa DA ka Morule 2021. Gompieno o bereka mo komiting ya botsogo. Clarke o kgatlhanong le molao wa bosetshaba wa insurance ya botsogo, e a reng e tlaa nna kgwebo e nngwe ya lefatshe.

Clrake o ne a tlhophiwa gape go ya palamenteng ka ditlhopho tsa 2024. Sebaka sa gagwe e le tona wa tshwanstho se ne sa fela fa DA e itsise gore e tsene mo tirisanong le ANC.

Botshelo jwa gagwe

Clarke o nna kwa Germiston le monna wa gagwe. Ba na le bana ba le babedi, mosetsana le mosimane. Clarke o na le setlankana sa molao, a thusiwa ke mmueledi.

Mogolowe ke Tania Campbell, o e leng mmatoropo wa pele wa Ekurhuleni.