Michael Scott (moruti)

Michael Scott
Tsalo	Phukwi a le malatsi a a masome mararo nwgaga wa 1907 Sussex, kwa England
Leso	Lwetse a le lesome le bone, ngwaga wa 1983
Tiro	Moruti
Organisation	Kereke ya England
Title	Moruti
Batsadi(s)	Caleb Scot le Ethel

Guthrie Michael Scott (o o tshotsweng ka Phukwi a le malatsi a a masome mararo ngwaga wa 1907, a tlhokafala ka Lwetse a le lesome le bone ngwaga wa 1983) e ne e le moruti wa kereke ya Anglican ebile e le molweladitshwanelo kgatlhanong le tlhaolele ya lotso le mmala, o a neng a nna bontlha jwa go lwantsha tsamaiso ya tlhaolele kwa Aforika Borwa ka dingwaga tsa 1940 - nako e telele ya go kgaratlhala tshiamololo mo lefatsheng leo. O ne gape e le mmueledi wa go emisa dibetsa.

Botshelo jwa gagwe

Scott o tsholetswe kwa Sussex ka Phukwi a le malatsi a a masome mararo ngwaga wa 1907, a tsena sekolo kwa King's College, kwa Taunton, Chichester Theological College le St. Paul's College, kwa Grahamstown. O ne a tlhomiwa boruti ke George Bell ka ngwaga wa 1932 a simolola tiro ya gagwe kwa Slaugham le Keningston.

E ne e le moemedi wa moruti wa Bombay go tswa ka ngwaga wa 1935 go tsena 1937; a bereka gape kwa kerekeng ya St. Paul kwa Calcutta.

Ka ngwaga wa 1943, o ne a fudugela kwa Johannesburg kwa a neng a nna moemedi wa borongwa jwa St. Alban. Fa a le koo o ne a nna motho mosweu wa ntlha go isiwa kgolegelong go bo a le kgatlhanong le melao ya lefatshe ya tlhaolele. Ka ngwaga wa 1952, o ne a tlhama Africa Bureau le ba bangwe, e le lekgotla le le gakololang ebile le ema nokeng ma Aforika a a eletsang go ema kgatlhanong le melaometheo le ditshwetso tsa sepolotiki tse di amang matshelo a bone le bokamoso jwa bone. E ne e le morotloetsi wa mafatshe wa boipuso jwa Namibia ene le kgosi Hosea Kutako le Hendrik Samuel Witbooi. Ka maiteko a gagwe ka nako ya ntwa ya Namibia ya boipuso, o na le tsela e e biditsweng ka ene kwa Windhoek.

Ene le Bertand Russell, ba tlhamile komiti ya lekgolo ka ngwaga wa 1960. O ne a kopana le Martin Luther King Jr. ka nako ya go ipelela boipuso jwa Ghana.

Mo botshekong jwa gagwe, Scott e ne e le tsala ya moitseanape Bertrand Russell. O tlhokafetse ka Lwetse a le lesome le bone nwgaga wa 1983. Go na le letlhabaphefo la segopotso sa gagwe kwa kerekeng ya St. Pancras, kwa Kingston gaufi le Lewes.

Ene le tsala ya gagwe Bertrans Russell, Scott e ne e le mongwe wa ba baya monwana tumalano ya bokopano jwa go kwala molaomotheo wa lefatshe. Ka jalo, e le lantlha mo ditsong tsa setho, bokopano jwa mafatshe bo ne jwa nna teng go kwala le go amogela molaomotheo wa lefatshe le kopane.

Ditiro

Scott o kwadile buka ka ga ene e e bidiwang A Time to Speak, e gatisitswe ke Faber and Faber ka ngwaga wa 1958.