Michelle Zatlyn

Michelle Zatlyn (o tshotswe ka kgwedi ya Phukwi ka ngwaga wa 1979) ke mosadi wa kgwebo wa kwa Canada. Ke mothei-mmogo, Tautona, le motsamaisi-kgolo wa khamphane ya American content delivery network provider le cybersecurity firm Cloudflare.

Botshelo jwa gagwe le thuto

Michelle Zatlyn o tshotswe kakgwedi ya Phukwi ka ngwaga wa 1979 kwa Prince Albert, Saskatchewan, Canada kwa a goletseng teng. O ne a tsena kwa Carlton Comprehensive High School koo a kileng a nna mokapotene wa setlhopha sa baseketebolo. O ne a aloga kwa Yunibesithing ya McGill ka dikirii ya Bachelor of Science mo khemising ka ngwaga wa 2001 mme morago a bona dikirii ya Master of Business Administration kwa Harvard Business School. Zatlyn o nyetse mme o na le bana ba le babedi. O nna kwa San Francisco.

Tiro ya botshelo jotlhe

Morago ga go dira tiro ya boitshupo ya selemo kwa Google le go nna mookamedi wa dikumo kwa Toshiba, Zatlyn o ne a tsenela setlhopha se se simolotseng sa kwa Toronto sa I Love Rewards (moragonyana ya nna Achievers), lenaneo la lefatshe lotlhe la go duela badiri. . O ne a thaya Cloudflare mmogo le baithuti ka ene ba kwa Harvard Business School e bong Matthew Prince le Lee Holloway ka 2009. O ntse mo lekgotleng la Cloudflare mme o direla jaaka moporesidente wa khamphane le COO.

Fa a bua ka go nna mongwe wa bathei ba Cloudflare, Zatlyn a re:

Fa re ne re tlhama Cloudflare, ke ne ke sa itse sepe ka tshireletsego ya inthanete, mme ke amega thata ka go rata se ke se dirang. Ke ne ke itse gore fa nka thusa go dira tshireletsego ya inthanete, ke sengwe se nka se dirang ka natla le go nna motlotlo ka sone; dingwaga di le 10 morago ga moo, re na le ditikwatikwe tsa data di le 165, mafelo a le dimilione di le 12 le badiri ba feta 800.

Zatlyn o ne a tlhophiwa go nna mo lekgotleng la batsamaisi ba khampani ya software ya Australia, Atlassian, ka kgwedi ya Lwetse ngwaga wa 2021.Gape ke leloko la setlhopha sa pabalesego ya inthanete sa Aspen Institute.

Go amogelwa

Zatlyn o ne a tlhophiwa jaaka mongwe wa "40 Under 40" wa makasine wa Fortune (2017) le "50 Self-Made Women" wa Forbes (2021); gape o ne a tlhophiwa jaaka "Icon of Canadian Entrepreneurship" wa C100 (2019). Go tloga ka ngwaga wa 2021, ke leloko la Young Global Leaders of the World Economic Forum. Ka kgwedi ya Motsheganong wa ngwaga wa 2025, Forbes o ne a lekanyetsa madi a gagwe go nna US$1.6 billion. Zatlyn o ne gape a kwadisitswe gareng ga basadi ba ba humileng go gaisa mo lefatsheng ba ba itiretseng ka bobona ke Forbes ka ngwga wa 2024.