Mimmy Gondwe

Mimmy Gondwe
Mothusa tona wa thuto e kgolwane
Incumbent
Assumed office Phukwi a le malatsi a mararo ngwaga wa 2024
President	Cyril Ramaphosa
Tona wa dikgwebo tsa setshaba wa tshwantsho
In office Ngwanatsele a rogwa ngwaga wa 2023 – Seetebosigo a le lesome le bone ngwaga wa 2024
Leader	John Steenhuisen
Pele Ga Gagwe	Ghaleb Cachaila
Mothusa tona wa ditirelo tsa setshaba le tsamaiso
In office Morule a le malatsi a matlhano ngwaga wa 2020 – Ngwanatsele a le malatsi a mabedi ngwaga wa 2023
Leader	John Steenhuisen
Pele Ga Gagwe	Michele Clarke
Mothusa tona wa tshireletso ya lefatshe wa tshwantsho
In office Seetebosigo a le malatsi a matlhano ngwaga wa 2019 – Morule a le malatsi a matlhano ngwaga wa 2020
Leader	John Steenhuisen Mmusi Maimane
Mopalamente wa Aforika Borwa
Incumbent
Assumed office Tlhakole a le malatsi a supa ngwaga wa 2018
Pele Ga Gagwe	Herman Groenewald
Morago Ga Gagwe	Dirk Stubbe
Ka Ga Ena
O tsetswe	Tlhakole a le malatsi a supa ngwaga wa 1977
Mosetshaba wa	mo Aforika Borwa
Mokgatlho	Democratic Alliance
Alma mater	University of Cape Town Rhodes University Stellenbosch University

Mimmy Martha Gondwe (o o tshotsweng ka Tlhakole a le malatsi a supa ngwaga wa 1977) ke mopolotiki wa kwa Aforika Borwa o o berekang e le mothusa tona wa thuto e kgolwane fa e sale ka 2024. ke leloko la Democratic Alliance, Gondwe e ne e le mothusa tona wa tshwantsho wa ditirelo tsa setshaba le tsamaiso go tswa ka 2020 go tsena 2023, le tona wa dikgwebo tsa setshaba wa tshwantsho go tswa ka 2023 go tsena 2024. O sale a nna mopalamente ka Motsheganong 2019.

Thuto

Gondwe o na le Bachelor of Arts ya sepolotiki le philosophy go tswa kwa University of Cape Town, Bachelor of Laws le Doctorate of Laws go tswa kwa University of  Stellenbosch.

Fa a ithutela go aloga ka PhD kwa University of Stellenbosch,Gondwe o ne a fiwa dithuso tsa madi tsa dithuto e le go lemoga katlego ya gagwe mo go tsa thuto. Di ne di akaretsa Fulbright Scholarship,Baden Wurttemberg Scholarship le NRF Thuthuka Research Grant.

Gondwe o feditse ditsebe tsa gagwe kwa Webber Wentzel kwa Kapa.

Tiro

Gondwe o berekile e le mogakolodi wa diteng tsa palamente le mosekaseki wa komiti e e tlhophilweng ya dikopo pele ga a nna le seabe sa sennela ruri mo polotiking.

Tiro ya sepolotiki

Ka Mopitlo 2019, Democratic Alliance e ne ya itsise lenaane la bo ntlhepheng ba yone mo ditlhophong tsa Motsheganong. Gondwe o ne a le mo maemong a lesome le bobedi mo lenaaneng la ntlha, e le maemo a a kwa godimo mo mothong o a ise keng a nne mopalamente. O ne a tlhophiwa go ya palamenteng.

Ka Seetebosigo a le malatsi a matlhano ngwaga wa 2019,Gondwe o ne a thapiwa e le mothusa tona ya tshireletso ya lefatshe wa tshwantsho ka fa tlase ga tona wa tshwantsho Dianne Kohler-Barnard. Gondwe o berekile mo komiting e e kopaneng ya go sekaseka molaomotheo, komiti ya botlhale, le komiti ya nakwana e e tlhophetsweng go simolola le go itsise phetolo molao ya kgaolo ya masome mabedi le botlhano ya molaomotheo.

Gondwe o ne a tlhatlosiwa maemo go nna mothusa tona wa ditirelo tsa setshaba wa tshwantsho ka Morule a le malatsi a matlhano ngwaga wa 2020. Ka Morule a le malatsi a supa, o ne a nna leloko la komitiya ditirelo tsa setshaba le tsamaiso, go tlhodumela go ntsha maduo mo tirong.

Gondwe gape e ne e le leloko la komit e e tlhamilweng ka Moranang a le malatsi a supa ngwaga wa 2021, e e tlhodumelang kgaolo ya lekgolo, masome a robabongwe le bone ya molaomotheo, e ne e tlhametswe go netefatsa gore a go na le bosupi jo bo lekaneng go ntsha mmueledi Busisiwe Mkhwebane mo maemong a mosireletsi wa setshaba.

Ka Ngwanatsele a le malatsi a mabedi ngwaga wa 2023, Gondwe o ne a thapiwa e le tona wa dikgwebo tsa setshaba wa tshwantsho ke John Steenhuisen, a tlhatlhama Ghaleb Cachila, o a neng a ntshitswe mo khuduthamageng ya tshwantsho go bo a dirile tshwaelo mo ntweng ya kwa Gaza.

Gondwe o ne a tlhophiwa gape mo palamenteng ka ditlhopho tsa lefatshe tsa 2024. DA e ne ya tsena mo tirsanongmmogo ya puso le African National Congress, se se ne sa baka gore Gondwe a thapiwe e le mothusa tona wa thuto e kgolwane.

Botshelo jwa gagwe

Gondwe o na le bana ba babedi. O  tlwaelesegile ka go ithaopa kwa kerekeng e a e tsenang.