Amantle Montsho
 Amantle Montsho at the 2011 Bislett Games | |
| Personal information | |
|---|---|
| Nationality | Botswana |
| Born | July 4, 1983 |
| Sport | |
| Sport | Track and field |
| Event(s) | 400 meters |
| Achievements and titles | |
| Personal best(s) | 100 m: 11.60 s 200 m: 22.89 s |
Medal record | |
Amantle Montsho, o tshotswe ka Phukwi a tlhola gane ngwaga wa 1983, kwa motsaneng wa Mabudutsamo, kgaolo ele ya Ngamiland, mo Botswana. Ke mme wa motabogi wa lobelo le lekhutshwane, a itebagantse le lebelo la 400 metres. O ne a emela lefatshe la gagwe ka ngwaga wa 2004 le Diolimpiki tsa Selemo tsa 2008, mme a fitlha kwa makgaolakgannyeng mo go tse di fa morago. E ne e le ene mosadi wa ntlha go emela lefatshe la Botswana kwa Diolimpiking.[1] O tseneletse gape dikgaisanyo tsa world Championships in Athletics le IAAF World Indoor Championships, mme e ne e le mmampudi wa lefatshe mo kgaisanyong ya gagwe ya lebelo la basadi la dimetara tsa makgolo a mane a fenya mo nakong ya 49.56 kwa Daegu.[2]
Amantle o ne a seegelwa fa tlhoko ngwaga tse pedi morago ga go nna le maduo a a supang fa a na le motswako wa Methylhexaneamine mo mmeleng wa gagwe fa a sena go tlhatlhobiwa ko metshamekong ya 2014 Commonwealth Games.[3][4]
Amantle Montsho yo a fentseng gabedi bo mmampudi jwa lebelo lwa di metara tse makgolo a mane mo Aforika, go ikgapela seetsele sa gauta, o ne itirela leina gape mo metshamekong ya 2007 All-Africa Games, 2010 IAAF Continetal Cup le 2010 CommonWealth Games. Phenyo ya gagwe mo motshamekong wa Commonwealth ya mo dira Motswana wa ntlha go fenya gauta mo Kgaisanyong e.
Nako ya gagwe e a gaisang thata ka yone mo lebelong la di metara tse lekgolo ke metsotswana e 11.60. Mo lebelong la di metara tse makgaolo a mabedi o ne gatisa nako ya metsotswana e 22.94, le metsotswana e 49.56 mo di metareng tse makgolo a mane. O ne a ikatisa kwa Dakar, Senegal mme o santse a tshwere rekote ya setshaba mo lebelong la di metara tse makgolo a mane mo lebaleng la mo teng ga mmogo le a kwa ntle.
Tiro
[fetola | Fetola Motswedi]O kile a tsenelela di kgaisanyo tsa 2004 Olympic Games, le 2006 Commonwealth Games ga mmogo le Dikgaisano tsa lefatse ka ngwaga wa 2005 le 2007, mme a tlhoka lesego la go fitlhelela kwa makgaolakgannyeng a kgaisanyo.
O fentse seetsele sa selefera mo kgaisanyong ya mabelo a 2006 African Championships le seetsele sa gauta mo mabelong a 2007 All-Africa Games. Kwa metshamekong ya 2007 All-Africa Games, o ne a fetsa a le mo maemong a botlhano mo lebelong la selekanyo sa makgolo a mabedi.[5] Mo kgaisanong ya mabelo ya 2006 IAAF World Cup o ne a fetsa a le mo maemong a borataro mo 4x400 metres relay. O ne a fenya ka nako ya gagwe e e gaisang ebile e le rekote ya Botswana ya metsotso e le 49.83 mo kgaisanong ya mabelo a African Championships in Athletics. Le jaana e ntse ke rekote ya metshameko eo.
O tabogile kwa dikgaisanong tsa 2008 IAAF World Indoor Championships mme ga a ka a fitlhelela kwa makgaolakgannyeng morago ga go sa dira bontle mo seka makgaolakgannyeng. Montsho o ne a tsenelela mabelo a mafatshe otlhe e le lantlha kwa 2008 Beijing Olympics, mme nako ya gagwe ya 51.18 ya mo tlogela mo maemong a bofelo mo lebelong le. Ngwaga o o latelang, o tabogile mo nakong ya 49.89 mo seke makgaolakgannyeng a dikgaisanyo tsa 2009 World Championships in Athletics, mo go neng go lekane go ka mo fetisetsa kwa makgaolakganyeng a selekanyo sa 400m. O tabogile ka bonya mo makgaolakganyeng fa go tshwantshangwa le se a se dirileng mo seka makgaolakganyeng ka go rialo a nna phokojwe yo o kwa morago. O feditse ngwaga a le mo legatong la botlhano mo dikgaisanong tsa 2009 IAAF World Athletics tsa makgaolakgang.
Ngwaga wa 2010 o ne a fitlhela mompudu o ole ka dikala wa mo tlela sentle:o ne a atamela gaufi kwa dikgaisanong tsa 2010 IAAF World Indoor Championships: ka go etelela dikgaisano tsa lebala le le mo teng le mo legatong la sekamakgaolakgang,o ne a palelwa ke go tsaya seetsele sa bronze se fenngwa keVania Stambolova. O ne a tla sentle mo dikgaisanong tsa kwa ntle mo lebelong la 400m ka go taboga, a fenya mme Gabriel Tiacoh mo nakong ya 50.35 seconds – gongwe e kanna bobedi jwa metsotswana fa pele ga motabogi ka ene ebong Ndeye Fatou Soumah yo o ileng a fetsa morago ga gagwe.[6] O ne a sireletsa totla ya gagwe ya bomampudi jwa lefatshe ka bophara mo lebelong la 400m kwa dikgaisanong tsa 2010 African Championships in Athletics ka go taboga mo nakong ya 50.03 seconds.[7]
Mo dikgaisanong tsa 2010 Diamond League o ne a fenya ko metshamekong ya Bislett, mme gape a nna mo boemong jwa bobedi mo lebelong la 400 m fa morago ga ga Allyson Felix. Montsho, ka nako e e kwa godimo ya ngwaga kwa dikgaisanong tsa 2010 Continental Cup kwa a neng a emetse Aforika, o ne a fenya Debbie Dunn go fenya seetsele sa gauta mo nakong ya 49.89 seconds.[8] O ne a tswelela ka go taboga le kwa dikgaisanong tsa 2010 Commonwealth Games. O ile a nna moabogi wa ntlha mo Botswana go fenya gauta mo metshamekong eo, ka go fenya lebelo la 400m mo nakong ya 50.10 second e le rekote ya metshameko eo.[9][10] O ne gape a thusa setlhopha sa Botswana mo lebelong la neelano la 4x400m la makgaolakgang mme ba fetsa ba le mo maemong a bosupa.
Kwa dikgaisanong tsa 2011 World Championships in Athletics kwa Korea Borwa, mo makgaolakgannyeng a dimitara di le 400, o ne a fenya Allyson Felix ka noko go nna mmampodi wa ntlha wa Botswana wa Lefatshe kgotsa wa Diolimpiki tsa mabelo le lebala.
Kwa makgaolakgannyeng a Diolimpiki tsa 2012 o ne a tsaya maemo a bone ka metsotswana e le 49.75.
Kwa 2013 World Championships in Athletics kwa Moscow, o ne a siiwa mo dimithareng tsa bofelo tsa makgaolakgang a dimitara di le 400 ke Christine Ohuruogu, a latlhegelwa ke dikete di le nne fela tsa motsotswana fa Ohuruogu a ne a inama mme Montsho a sala a tlhamaletse.[11]
O fentse seetsele sa gauta kwa Metshamekong ya Mafatshe a Selekane ya 2018 kwa Gold Coast, Queensland, Australia fa ene le motabogi ka ene Isaac Makwala ba ne ba dira ditso ka go nna batabogi ba ntlha go tswa kwa lefatsheng le le lengwe go fenya bobedi jwa basadi le banna ba 400 m mo tiragalong e le nngwe ya Metshameko ya Mafatshe a Selekane.[12]
Thibelo ya go dirisa diritibatsi
[fetola | Fetola Motswedi]Kwa Metshamekong ya Mafatshe a Selekane ya 2014, Montsho o ne a palelwa tlhatlhobo diritibatsi ya tlwaelo.[13] Morago ga moo, phitlhelelo eno e ne ya tlhomamisiwa ke maduo a sampole ya gagwe ya 'B' e le yone e neng ya fitlhelwa e na le methylhexaneamine e e tlhotlheletsang.[14] Ka Mopitlo 2015 Mokgatlho wa Batabogi wa Botswana o ne wa mo thibela go taboga dingwaga di le pedi.[3][4]
Thuto
[fetola | Fetola Motswedi]Amantle Montsho o tsene sekolo kwa sekolong se sebotlana sa Bonatla[15] kwa Maun.
Katlego ya setlhopha
[fetola | Fetola Motswedi]2009.
| 2004 | Olympic Games | Athens, Greece | 6th (heats) | 400 m |
| 2005 | World Championships | Helsinki, Finland | 7th (heats) | 400 m |
| 2006 | Commonwealth Games | Melbourne, Australia | 5th (semis) | {0}400 m{/0} |
| African Championships | Bambous, Mauritius | 2nd | {0}400 m{/0} | |
| 2007 | All-Africa Games | Algiers, Algeria | 1st | 400 m |
| Maemo a botlhano | 200 m | |||
| World Championships | Osaka, Japan | 4th (semis) | 400 m | |
| 2008 | Bomampudi jwa moteng lefatshe ka bophara | Valencia, Spain | 5th (semis) | 400 m |
| African Championships | Addis Ababa, Ethiopia | 1st | 400 m CR | |
| Metshameko ya mafatshefatshe | Beijing, China | maemo a borobabobedi | 400 m | |
| World Championships | Berlin, Germany | maemo a borobabobedi | 400 m | |
| 2010 | Bomampudi jwa moteng lefatshe ka bophara | Doha, Qatar | 4th | 400 m |
| African Championships | Nairobi, Kenya | 1st | 400 m | |
| Continental Cup | Split, Croatia | 1st | 400 m | |
| Commonwealth Games | New Delhi, India | 1st | 400 m | |
| 6th | 4×400 m relay | |||
| 2011 | World Championships | Daegu, South Korea | 1st | 400 m |
| All-Africa Games | Maputo, Mozambique | 1st | 400 m |
Metswedi
[fetola | Fetola Motswedi]- ↑ "First female competitors at the Olympics by country". Olympedia. Retrieved 16 Phalane 2025.
- ↑ "Biography of Amantle Montsho". www.biographies.net. Retrieved 16 Phalane 2025.
- 1 2 Duncan Mackay: Montsho banned for two years after positive drugs test at Glasgow 2014, insidethegames.biz, 18 March 2015
- 1 2 Xinhua: Botswana's Montsho handed a two year-ban from athletics for doping, china.org.cn, 18 March 2015
- ↑ "2007 All-Africa Games, women's 200 m final". Archived from the original on 2007-10-10. Retrieved 2023-09-30.
- ↑ Ramsak, Bob (2010-04-19). World-leading 50.35 by Montsho in Abidjan. IAAF. Retrieved on 2010-04-24.
- ↑ Negash, Elshadai (2010-07-30). Rudisha sizzles 1:42.84 in Nairobi as Kenya collects three golds in Nairobi – African champs, day 3. IAAF. Retrieved on 2010-10-15.
- ↑ EVENT Report – Women's 400 Metres. IAAF. Retrieved on 2010-10-15.
- ↑ Statistics of the Games. 2010 Commonwealth Games. Retrieved on 2010-10-15.
- ↑ Rowbottom, Mike (2010-10-09). Langat breaks Games 1500m record, Turner leads high hurdles sweep for England in Delhi – Commonwealth Games Day Three. IAAF. Retrieved on 2010-10-15.
- ↑ Kessel, Anna (27 December 2013). "Memorable moments of 2013: Christine Ohuruogu wins world gold with late dip". The Guardian. Retrieved 16 Phalane 2025.
- ↑ "MONTSHO Amantle". Tokyo2020. Archived from the original on 2 August 2021. Retrieved 16 Phalane 2025.
- ↑ "Commonwealth Games 2014: Amantle Montsho fails drug test". TheGuardian.com. 2 August 2014.
- ↑ "Glasgow 2014: Amantle Montsho B sample confirms positive drug test". bbc.co.uk. 13 August 2014. Retrieved 16 Phalane 2025.
- ↑ "Amantle Montsho Biography: Age, Family, Education, Career, Controversy, Networth". TSWAlebs. Retrieved 16 Phalane 2025.