Modise Mokwadi Fly

Modise Mokwadi Fly e ne e le radipolotiki wa Motswana le molweladitshwanelo yo o neng a bolawa ka ngwaga wa 2010 ka ntlha ya go bolaya morwawe wa dingwaga tse pedi ka ngwaga wa 2006.

Fly e ne e le mokwaledikakaretso wa League ya banana ya Lekoko la Botswana Congress. Ka di 27 tsa Ngwanatsele 2006, Fly o ne a bolaya morwawe e bong Tawana Mosinyi ka selepe fa mosimane a ne a robetse. O ne a bolela gore o bolaile mosimane yoo ka phoso, fa a ntse a latlhela mapodisi ka selepe kwa ntle ga fensetere ya gagwe. Fly o ne a nganga gore mapodise a mo thuntshitse.

Fly o ne a bonwa molato wa polao ke kgotlatshekelokgolo kwa Francistown ka di 17 tsa kgwedi ya phalane 2008. Ka di 21 tsa kgwedi ya phalane, Moatlhodi Thomas Masuku o ne a mo atlholela loso ka go lepelela mme a akantsha gore a ikuele kwa kgotlatshekelo ya Apeal ya Botswana. Boikuelo jwa ga Fly bo ne jwa kgaolwa mme morago ga moo a bolawa kwa Kgolegelong ya Bogare ya Gaborone ka di 24 tsa kgwedi Mopitlwe 2010.

Metswedi

• Oarabile Mosikare, "Death Penalty Clips Fly's Wings", Mmegi, 2008-10-27, accessed 2009-01-16
  • ——, "Botswana: BCP Activist Convicted of Murder", Mmegi, 2008-10-20, accessed 2009-01-16
    • "Fly faces gallows for son's murder", Republic of Botswana Daily News Archive, 2008-10-23, accessed 2009-01-16