Moepo wa Rosh Pinah

Moepo wa Rosh Pinah ke moepo o o gaufi le Rosh Pinah kwa kgaolong ya Karas kwa borwa jwa Namibia. Ke mongwe wa meepo e metona thata ebile e le botlhokwa thata ya Iloto le zinki kwa Namibia. Moepo o o kwa bofelelong jwa borwa-bophirima, dikhilomithara di le masome mabedi kwa bokone jwa noka ya Orange, le dikhilomithara di le masome a matlhano kwa botlhaba jwa lewatle la Atlantic. Moepo o ke wa Appian Capital Advisory LLP fa e sale ka 2023.

Ditso

Mojuta o o tsholetsweng kwa Jeremane Mose Kohan o ne a lemoga go nna teng ga zinki gautshwane le dithaba tsa Hunz ka 1963. ke ene a tsileng ka leina la Rosh Pinah le e leng lefoko la Sehebera le le rayang boremelelo. Moepo o o sale o bereka o sa eme go tswa ka 1969.

Glencore e ne ya tsaya taolo ya moepo ya sephatlo ka 2011 ya oketsa seabe sa yone morago go nna masome a robabobedi mo lekgolong. Diabe tse di setseng e ne e le tsa lekgotla la go tlhabolola itsholelo ya batho bantsho la BEE, le e leng la ga Aaron Mushimba, le lekgotla le le emetseng babereki ba meepo. Ka Seetebosigo ngwaga wa 2014, Glencore ba ne ba itsise fa ba tlaa rola marapo babereki ba le lekgolo, masome mabedi le bone kwa moepong wa Rosh Pinah.

Ka 2017, Glencore e ne ya rekisa diabe tsa yone le didrisiwa tsa zinki e rekisetsa koporase ya Trevali Mining ka didikadike di le makgolo mane a madi a America. ka Motsheganong 2018, Trevali e ne ya oketsa seabe sa yone go ya kwa masome a robabongwe mo lekgolong. Ka 2020, koporase ya Trevali Nining e ne ya simolola patlisiso ya go epa go akanyetsa go atolosa polokelo ya moepo, se se ne se akanyediwa se tlaa lopa didikadike di le masome a robabongwe le boraro jwa di dolara tsa America. Ka Seetebosigo 2023, kompone e e ikemetseng ya Appian Capital Advisory e ne ya tsaya kompone.

Ditswammung

Moepo o na le dipolokelo tse di ka nnang didikadike di le lesome le bone tsa tshipi, bobedi mo lekgolong la Iloto le borobabobedi jwa zinki. Moepo o gape o na le kopore, selefera le gouta e le tse ditlaleletsang.

Tlhotlheletso mo tikologong

Dingwaga ngwaga tsa go epa Iloto le zinki mo moepong o di bakile go nna mo kotsing ya malwetsi a a bakiwang ke Iloto ga batho ba ba nnang kwa Rosh Pinah. Ka 2020, pego e ne ya diriwa ke ngaka ya kompone ya moepo wa zinki, a tlhomamisa go aramela Iloto ga bana ba le masome mararo ba ba neng ba tlhatlhobilwe. Pego e ne ya seka ya gatisiwa, ngaka a kobiwa mo tirong. Fa go nna mo kotsing mo go nna phatlalatsa ka 2023, dingaka di ne tsa supa fa makgolo a batho ba amilwe ke se mo dingwageng.

Ditshedimosetso tse dingwe

• Skorpion Zinc
• Meepo mo Namibia