Mofikela o o tlwaelegileng

Common cold
Maina a mangwe	Cold, acute viral nasopharyngitis, nasopharyngitis, viral rhinitis, rhinopharyngitis, acute coryza, head cold
A representation of the molecular surface of one variant of human rhinovirus
Specialty	Infectious disease
Dikai	Cough, sore throat, runny nose, fever
Ditamorago	Otitis media, sinusitis
Ditshimologo tse ditwaelesegileng	~2 days from exposure
Duration	1–3 weeks
Causes	Viral
Differential diagnosis	Allergic rhinitis, bronchitis, pertussis, sinusitis
Prevention	Hand washing, covering coughs, face masks, avoiding sick people
Treatment	Symptomatic therapy, zinc
Medication	NSAIDs
Frequency	2–4 per year (adults); 6–8 per year (young children)

Mofikela o o tlwaelegileng, o o itsegeng gape jaaka mofikela, ke bolwetse jo bo tshelanwang ke megare ka tsela e e kwa godimo ya go hema jo bo amang thata nko . Mometso, di-sinus, le larynx le tsone di ka amega. dikai le ditshupo di ka tlhagelela mo malatsing a a kwa tlase ga a mabedi morago ga go tlhagelela mo mogareng ono. Tseno di ka akaretsa go gotlhola, mometso o o botlhoko, nko e e elelang, go ethimola, go opiwa ke tlhogo le letshoroma. Gantsi batho ba fola mo malatsing a le supa go ya go a le lesome, mme dikai ding we di ka nna tsa tsaya dibeke di le tharo. Gangwe le gape, ba ba nang le mathata a mangwe a boitekanelo ba ka nna le nyumonia.

Mefuta e e fetang makgolo a mabedi ya megare e amega mo go bakeng serame se se tlwaelegileng, mme megare ya ditshukudu ke yone e e tlwaelegileng thata. Di anama ka mowa, gantsi ka nako ya go kopana gaufi le batho ba ba amegileng, kgotsa ka tsela e e sa tlhamalalang ka go kopana le dilo tse di mo tikologong, mme morago ga moo di fetisediwa kwa molomong kgotsa mo nkong. Dintlha tsa kotsi di akaretsa go ya kwa mafelong a tlhokomelo ya bana, go sa robale sentle, le kgatelelo ya tlhaloganyo.Dikai tsa bolwetse jo di bakiwa thata ke tsela e masole a mmele a tsibogelang tshwaetsego ka yone go na le go senngwa ga dithishu ke megare ka boyone. Dikai tsa Mhikela di tshwana le tsa serame, le fa gantsi di le maswe thata e bile di sa akaretse go elela ga nko.

Ga go na mokento wa serame se se tlwaelegileng. Mekgwa ya konokono ya thibelo ke go tlhapa diatla ; go se ame matlho, nko kgotsa molomo ka diatla tse di sa tlhapiwang; le go nna kgakala le batho ba ba lwalang. Bosupi bongwe bo tshegetsa tiriso ya dibipamelomo kgotsa sefatlhego . Ga go na selekanyo se se khutshwafatsang nako ya bolwetse, fela dikai tsa bolwetse di ka alafiwa. Zinki e ka fokotsa bokete jwa dikai fa e ka simololwa ka bonako fela morago ga go simolola ga Dikai. Dipilisi tse di sa diriseng di-steroid tse di lwantshang thurugo (NSAIDs) tse di jaaka ibuprofen di ka thusa mo ditlhabing. Le fa go ntse jalo, dibolayamegare, ga di a tshwanela go dirisiwa, mme ga go na bosupi jo bo siameng jwa gore melemo ya go gotlhola e a thusa.

Mofikela o o tlwaelegileng ke bolwetse jo bo tshelanwang kgapetsakgapetsa mo bathong. Mogolo yo o tlwaelegileng o tsenwa ke serame gabedi go ya go gararo ka ngwaga, fa ngwana yo o tlwaelegileng a ka tsenwa ke tse thataro go ya go tse robedi. Ditshwaetso di diragala thata ka nako ya mariga. Ditshwaetso tseno di ntse di le teng mo ditsong tsothe tsa batho.