Monica Geingos

Monica Geingos
Geingos ka 2021
Mohumagadi wa ntlha wa Namibia
In office Mopitlo a le masome mabedi le motso ngwaga wa 2015 – Tlhakole a le malatsi a mane ngwaga wa 2024
President	Hage Geingob
Pele Ga Gagwe	Penehupifo Pohamba
Morago Ga Gagwe	Sustjie Mbumba
Ka Ga Ena
O tsetswe	Monica Kalondo Ngwanatsele a le lesome le botlhano ngwaga wa 1976 Ondonga
Mosetshaba wa	Namibian
Mokgatlho	SWAPO
Mo/Bakapelo	Hage Geingob
Bana	Ba le babedi
Bonno	Casa Rosalia, Windhoek
Alma mater	University of Namibia
Tiro	Mogwebi
Tiro	Mmueledi
Maranyane	https://www.oneeconomyfoundation.com/

Monica Geingos (o a neng a fana ka Kalondo pele; o tshotswe ka Ngwanatsele a le lesome le botlhano ngwaga wa 1976) ke mogwebi le mmueledi wa kwa Namibia, o o berekileng e le mohumagadi wa kwa Namibia wa boraro go tswa ka 2015 go fitlhelela monna wa gagwe a tlhokafala ka 2024. Ke leloko le mookamedi wa makgotla a le mantsi a dikompone tse ditona kwa Namibia. O kile a nna modulasetilo wa khansele e e gakololang tautona ka itsholelo. E ne e le tautona wa lekgotla la bahumagadi ba Aforika mo ditlhabololong. Mohumagadi wa pele wa Namibia gompieno o bereka e le mogokgo wa sekolo se segolwane sa Kepler College kwa Kigali, Rwanda.

Tiro

Geingos o na le dithuto tsa B.Juris le LLB o feditse dingwaga e le moitseanape wa puso mo lephateng la madi.

Ka 2012, o ne a tlhophilwe e le mongwe wa batho ba Namibia ba le lesome le bobedi ba ba nang le thotloetso, ka 2020 o ne a le mo lenaaneng la bomme ba Aforika ba le lekgolo ba ba nang le thotletso. Geingos ke sealogane sa University of Namibia, o feditse dingwaga tsa ntlha tsa pereko a berekela Namibia Stock Exchange (NSX) kwa Windhoek. Geingos o berekile e le modulasetilo wa lekgotla la eBank Namibia ke mookamedi wa Stimulus, e e leng kompone ya madi, le mogogi wa Point Break.

Ka 2025 Geingos e ne e le modulasetilo wa lekgotla la Ellen Johnson Sirleaf Presidential Center kwa Liberia.

Botshelo jwa gagwe

Geingos o ne a nyetswe ke tautona wa nako eo wa Namibia, Hage Geingob, ka Tlhakole a le lesome le bone ngwaga wa 2015, nakwana fela pele ga a tlhomamisiwa semmuso mo ofising. O berekile e le mohumagadi go tswa ka mopitlo a le masome mabedi le motso ngwaga wa 2015 go fitlhelela Tlhakole a le malatsi a mane ngwaga wa 2024, fa Geingob a tlhokafala. Kwa phitlhong ya ga Geingob, Geingos o ne a bua ka gore Geingob o tshotswe e le ese mang fela mme o tlhokafetse e le tautona. O ne a tswelela ka go tlhalosa gore go sa kgathalesege gore o godisitswe jang, Geingob o atlegile mo dilong di le dintsi ebile o rotloeditse matshelo a le mantsi.

Geingos o ne a tlhama setshwantsho sa motshikinyego se se supang bobueledi le seabe sa mohumagadi, se sebidiwang 'Lead From Where You Are: The Journey of the Office of the First Lady (2015 - 2024).

Dietsele

Mma Geingos o ne a fiwa tlotla ya World Without AIDS go tswa kwa lekgotleng la German AIDS Foundation.

Boswa

Sekolo kwa Otjiwarongo se se bidiwang Monica Geingos Jounior Secondary School se reeletswe ka Mma Geingos. Tsela kwa Swakopmund ya Monica Geingos Street kwa Mondesa e reeletswe ka ene.