Motlalepula Rosho

Motlalepula Rosho
Mokhanselara wa madi wa kwa Bokone Bophirima
In office Motsheganong a le amsome mabedi le borobabobedi ngwaga wa 2019 – Seetebosigo a le lesome le bone ngwaga wa 2024
Premier	Bushy Maape Job Mokgoro
Pele Ga Gagwe	Wendy Matsemela
Morago Ga Gagwe	Kenetswe Mosenogi
Mokhanselara wa Bokone Bophirima wa selegae le bonno
In office Morule a le malatsi a marataro ngwaga wa 2018 – Motsheganong a le masome mabedi le borobabobedi ngwaga wa 2019
Premier	Job Mokgoro
Pele Ga Gagwe	Fenny Gaolaolwe
Morago Ga Gagwe	Gordon Kegakilwe
Mokhanselara wa Bokone Bophirima wa tlhabololo itsholelo, tikologo, pabalelo le bojanala]]
In office Motsheganong a le malatsi a mararo ngwaga wa 2012 – Motsheganong a le masome mabedi le bosupa ngwaga wa 2014
Premier	Thandi Modise
Pele Ga Gagwe	Tebogo Modise
Morago Ga Gagwe	Wendy Nelson
Mothusa motsamaisa dipuisano tsa palamente ya Bokone Bophirima
In office 2010–2012
Ka Ga Ena
Mokgatlho	African National Congress

Motlalepula Ziphora Rosho (o o tshotsweng ka Phukwi a le lesome le borobabongwe ngwaga wa 1970) ke mopolotiki wa kwa Aforika Borwa. Ke leloko la African National Congress, o ne a tlhophilwe go nna mothusa motsamaisa dipuisano tsa palamente ya Bokone Bophirima ka 2010. Ka 2012 o ne a tlhomiwa go nna leloko ka khansele ya tlhabololo itsholelo, tikologo, tshomarelo le bojanala kwa kgaolong ya Bokone Bophirima. Rosho o ne a rolwa marapo mo khanseleng ka 2014, a ya go bereka mo palamenteng ya kgaolo e le modulasetilo wa komiti go fitlhelela ka 2018,fa a boela kwa khanseleng e le tona ya selegae le bonno. Rosho o ne a tlhomiwa tona wa madi morago ga ditlhopho tsa 2019. Morago ga ditlhopho tsa 2024,o ne a nna motlhokomela palamente.

Tse di diragetseng pele

Rosho o na le BA honors degree ya ditlhaeletsanyo, ga mmogo le postgraduate diploma ya melao le se Aforika. Ka 1989,o ne a bereka mo khanseleng ya baemaela baithuiti kwa Botoka Comprehension School. O ne a nna leloko la bokopano jwa banana jwa ANC ka 1992. Ngwaga o o latelang, Rosho o ne a nna bontlha jwa lekgotla la matlhale le tshireletso la ANC a ya go ithutela maranyane a matlhale le tshireletso kwa Egypt ka 1994. E ne e le mmegadikgang wa ditshelatsheko wa lekgotla la South African National Civic Organisation ka ngwaga wa 1990 go tsena 1994, le morulaganyi wa bobegadikgang wa Transvaal bophirima le dikgaolo tsa Kapa bokone,gape e le leloko la komiti potlana ya botsalano jwa babegadikgang kwa SANCO le Transvaal e e kwa bophirima.

Rosho o ne a nna leloko la setlhopha sa boeteledipele se se neng se tlhametswe go akaretsa dipuso tsaa Bophuthatswana le kgaolo ya Kapa le Transvaal morago ga ditlhopho tsa 1994. Ka 1995,Rosho o ne a nna motlhotlhomisi wa National Intelligence Agency. O ne gape e le mokwadi wa pampiri ya dikgang ua ANC Transvaal bophirima ya Moelatlhoko le leloko la African Union la babegadikgang. Rosho o ne a nna mmueledi wa lephata la temothuo, tshomarelo le tikologo ka 2004, a ya go bereka gape e le moetapele wa makgotla a boeteledipele a le mmalwa.

Tiro ya sepolotiki

Ka 2009,Rosho o ne a tlhophiwa go nna leloko la ANC la palamente ya Bokone Bophirima. O ne a tlhophiwa gape go nna modulasetilo wa komiti ya letlole la setshaba. Ka 2010, o ne a tlhophiwa go nna mothusa motsamaisa dipuisano tsa palamente ya kgaolo. Rosho o ne a tlhomiwa go nna leloko la khansele mo lephateng la tlhabololo itsholelo le bojanala ke moeteledipele Thandi Modise ka Motsheganong 2012. Morago ga ditlhopho tsa 2014 tsa kgaolo, Supra Mahumapelo o ne a tlhophiwa go nna moeteledipele. Rosho o ne a busediwa gape mo khanseleng ya kgaolo.

Rosho o ne a tlhomiwa modulasetilo wa komiti ya madi, itsholelo le tlhabololo itsholelo. Ka 2015, o ne a tlhophiwa go nna modulasetilo wa komiti ya selegae le bonno. O ne a boela kwa khanseleng ka Morule 2018, morago ga a sena go tlhomiwa tona wa selegae le bonno ke moeteledipele Job Mokgoro. Morago ga ditlhopho tsa 2019, Mokgro o ne a mo fudusetsa kwa lephateng la madi mo khanseleng.

Ka Seetebosigo 2021, Rosho e ne e le mongwe wa bo ntlhopheng ba ANC ba komiti ya nakwana ya kgaolo ba maina a bone a neng a isitswe kwa komiting ya pereko ya ANC go tlhatlhama Mokgoro jaaka moeteledipele morago ga gore Mokgoro a gane go ithola marapo le ntswa baeteledipele ba ANC le ba kgaolo ba ne ba laotse gore a dire jalo. Ka Phatwe a le lesome le bosupa ngwaga wa 2021, lebutswapele la phathi ya ANC Bushy Maape o ne a itsisiwe fa e le ntlhopheng o ANC e mmatlang go tlhatlhama Mokgoro jaaka moeteledipele. Mokgoro o ne a ithola marapo mo boeteledingpele ka Phatwe a le masomemabedi le borataro, khansele ya tlhopha Rosho go nna moeteledipele wa nakwana. O berekile mo maemong a go fitlhelela Maape tlhophiwa a bo a tlhomiwa moeteledipele ka Lwetse a le malatsi a supa.

Ka ngwaga wa 2002 a simologa, go ne ga begiwa fa Rosho a ne a tlhomile leitlho maemo a bodulasetilo jwa ANC, pele ga bokopano jwa kgaolo. Kwa bokopanong joo, Rosho o ne a seka a seka a emela bodulasetilo, mme o ne a atlega mo go emeleng boloko jwa komiti.

Rosho o ne a tlhophiwa motlhokomedi wa palamente morago ga ditlhopho tsa 2024.