Motsana wa Zutswa

From Wikipedia
Jump to navigation Jump to search
Motsana wa Zutswa is located in Botswana
Location of Zutswa

Zutswa ke motsana yo mo kgaolong ya Kgalagadi mo Botswana. O kwa bonwa kwa sekakeng sa Kalahari , gape o nale sekolo se se botana. Mo palo bathong ya ngwaga wa dikete tse pedi le bongwe dipalo di ne dile makgolo a mane masome a marataro le borobabongwe.[1]

Banna ba Zutswa ba gakolotswe go nna le seabe mo kgodisong ya bana[baakanya | edit source]

Banna ba lefatshe la Botswana ba kgothaditswe go nna le seabe mo kgodisong le tlhokomelo ya bana ba bone.Kgakololo e e ntshitswe ke mooki wa kokelo ya Zutswa, Mme Cecilia Boitshwarelo, mo thutopuisanong e e neng e tshwaretswe kwa Nata boeng.Mme Boitshwarelo o gakolotse borre gore tlhokomelo ya ngwana e simologa fela fa mme a sa ntse a itsholofetse, mme a gakolola ba e leng borabana go nne ba tsamaya le bomme ba bone kwa tshidilong le kwa sekaleng go tsaya botsipa mabapi le tlhokomelo ya ngwana.A re go itshupile gore seabe sa borre mo tlhokomelong ya ngwana fa a ise a belegwe le fa a sa ntse a le monnye thata se le kwa tlase.Mme Boitshwarelo o boletse gape gore go botlhokwa gore borre ba itse seemo sa ngwana fa a ise a belegwe gore ba tle ba tlhaloganye seemo sa ga mme botoka.Thutopuisano eo e ne e rulagantswe ke komiti ya botsogo ya kokelo ya Zutswa, mme e ne e itebagantse le go rotloetsa borre go nna le seabe mo go tsa botsogo le pelegi.

Banni ba kgotlhadiwa go dirisa mananeo a puso[baakanya | edit source]

Mopalamente wa kgaolo ya kgalagadi mo botlhaba Mme Botlogile Tshireletso o kgothaditse batlhophi ba kgaolo ya gagwe, go dirisa mananeo a puso go tlhabolola matshelo a bone le go nyeletsa lehuma le le apesitseng lefatshe leno.Mme Tshireletso yo e bileng e le mothusa tona mo lephateng la dikgaolo o dirile kgothatso e mo diphuthegong tsa gagwe kwa metseng ya Makwate, Kudumatse, Dovedale, Mmaphashalala, Mookane le Dibete tse mo go tsone a neng a lekodisa banni ba metse eo ka dikgang tsa palamente e e fetileng.A re maikaelelo a go simolola mananeo a ipelegeng, ISPAAD le la LIMID e ne e le maiteko a mmuso go lwantsha lehuma, letlhoko la ditiro le go tsosolosa mohama wa temo-thuo ka e le tsone tse di ka tswakanyang itsholelo le go nyeletsa lehuma.Mopalamente o boleletse banni ba metse eo gore lenaneo la LIMID le ka ba thusa go apola batho lehuma ka go ruwa dikgomo, dihutshane le dikoko tsa setswana gammogo le go epa didiba tse ba ka di dirisang mo temong ya nosetso. Mothusa tona a re fa Batswana ba ka ikemisetsa go dirisa lenaneo la ISPAAD le la LIMID ba ka kgona go ntsha dijo tse di lekaneng le go imolola lefatshe leno go ikaega ka dijo tse di rekwang kwa mafatsheng a sele.Mme Tshireletso o tsweletse ka go lekodisa batlhophi ba kgaolo ya gagwe ka maikaelelo a puso a go dira molao o o tlaa laolang dinako tsa thekiso ya majalwa mangwe a setswana le molao wa go simolola go kgwathisa basadi mo dikgotleng tsa ditsheko.A re puso e ikaelela go dira molao o o tlaa nyeletsaang thekiso ya majalwa a maitirelo jaaka mokoko o ntshebile, laela mmago, motse o teng godimo le sethulaphoko ka jaana go lemogilwe fa e le one a tsenyang botsogo jwa batho mo diphatseng, e bile a rotloetsa boganana jwa banana, dintwa, go thubega ga malwapa le dipolaano.

Mo diphuthegong tseo, batho ba ne ba itumelela ditlhabololo tse di dirilweng mo metseng ya bone jaaka tsela ya Mahalapye kudumatse, phatlalatso ya motlakase, ditlhaeletsano le ditiro tse di dirilweng ka lenaneo la IPELEGENG jaaka go aga diterata tse di kgaoganyang masimo le mahudiso, diofisi tsa makgotla a setswana, kagelelo ya mabitla le go baakanya ditsela le go phepafatsa tikologo ya metse ya bone.Le fa banni ba Makwate, Kudumatse, Dovedale, Mmaphashalala, Mookane le Dibete ba lebogetse ditlhabololo tse di dirilweng mo kgaolong ya bone,ba ne ba ngongorega thata ka ditsela tsa kgaolo eo tse ba reng ga di tsamaege ntateng ya dikhuti. Ba re e re ka jaanong puso e herekanetse go tshela ditsela tseo sekontere ntswa e sale e ba solofeditse mo dingwageng di le mmalwa tse di fetileng, ba kopa gore ditsela tseo di neelwe goromente yo motona ka jaana khansele ya kgaolo potlana ya Mahalapye e sa kgone go di tlhokomela ntateng ya go tlhaelelwa ke didirisiwa.Dingwe tse ba ngongoregileng ka tsone ke tlhaelo ya bodiredi mo kgaolong, tlhaelo ya dikoloi mo makgotleng a setswana, tlhaelo ya metsi, tiego ya go isa didirisiwa tsa lenaneo la Ipelegeng mo mafelong a bone le melelo ya naga e ba reng e gomagometsa go nyeletsa phulo ya diruiwa le diphologolo tsa naga.Mabapi le ditsela Mme Tshireletso o tlhalositse fa go dira ditsela mo kgaolong ya gagwe go kgoreleditswe ke go phutlhama ga itsholelo. A re ka ntlha ya letlhoko la madi puso e neng ya seegela kwa thoko go dira tsela ya Parrs Halt / Mahalapye le go dira tsela e e tshwaraganyang metse ya Dibete, Mookane, Makwate le Machaneng, mme a re fa madi a ka bonwa ditsela tseo di tlaa dirwa.

Dikgoge tsa kwa ntle[baakanya | edit source]

Botswana/Zutswa Botswana

Dipadi tse dingwe[baakanya | edit source]

  1. "Distribution of population by sex by villages and their associated localities: 2001 population and housing census". Archived from the original on 2007-11-24. http://web.archive.org/web/20071124145611/http://www.cso.gov.bw/html/census/dist90_91.html. Retrieved 2007-12-20. 

Template:Kgalagadi District Coordinates: 24°8′7″S 21°14′50″E / 24.13528°S 21.24722°E / -24.13528; 21.24722