Motse wa Malatswai

From Wikipedia
Jump to navigation Jump to search

Template:Orphan

Motse wa Malatswai is located in Botswana
Location of Malatswai

Malatswai ke motse o o mo kgaolong ya legare mo Botswana. Motse o dikhilomethara di le masome mabedi kwa bokone bophirima jwa Mahalapye, gape o na le sekolo se se botlana. Mo palong bathong ya ngwaga wa 2001 dipalo di ne dile makgolo a borobabobedi, masome a bosupa le bongwe.

Letlhoko la Madi kwa Malatswai le metse ya mabapi[baakanya | edit source]

Banni ba metse ya Malatswai, Dimajwe le Mmashoro ba kopilwe go nna pelotelele go emela gore itsholelo ya lefatshe leno e boele mannong, ka ke gone ditlamelo tsa metse ya bone di tlaa tsibogelwang.Ba boleletswe jalo kwa diphuthegong tsa kgotla tse di neng di tshwerwe ke mopalamente wa kgaolo ya bone ya Serowe Bokone Bophirima, Rre Tshekedi Khama, fa ba arabiwa ka ga tse ba di kopileng jaaka megala ya mosokela tsebeng kwa diofising tsa puso, koloi ya mapodisi go lwantsha borukutlhi le tse dingwe.Ba Malatswai ba ngongoregile ka khiro ya go kgaola ditlhare mo ditseleng, ba re ba lephata la ditsela ba hira banni ba motse wa Mmashoro go tswa kwa motseng oo go goroga kwa go wa Malatswai, mme ba kopa go kgaoganyediwa gore le bone ba bone go itshetsa.Kwa Dimajwe, banni ba ngongoregile ka tsela e e saleng e tshetswe mmu go e baakanya, mokhanselara o ne a solofetsa fa go le gaufi gore e simololowe ka thendara e setse e dule. Mopalamente le ene o ne a supa fa a tshwenyegile thata ka ntlha ya lebaka le le tserweng go baakanya tsela eo.Monana mongwe o kopile puso go romela badirela puso ba maphata a a farologaneng a mananeo a dithuso go etela motse wa bone, go ba rutuntsha ka one ka ba le mo lefifing fela ka mananeo a puso.Modulasetilo wa Mmashoro o ne a ngongorega ka boimana jwa baithuti ba sekole se segolwane sa motse oo, a re batsadi bangwe ba rotloetsa mowa wa boitaolo ka go ba rekisetsa ditagi.Ba Mmashoro ba kopile go fiwa motshine wa bobedi wa go jesa bolase ka kgaolo eo e dirisa o le mongwe fela mme go tlhokega wa bobedi go tsweledisa tiro fa o mongwe o ile merakeng.Mopalamente o ne a kopile ba kompone ya Kalahari Gas e e gaufi le motse wa Mmashoro go tla go tlhalosetsa banni ba motse oo, gore ba bokgakala bo kae le go simolola tiro ya go fetlha gase.Mogolwane wa kompone eo Rre Trevor Corrivan, o tlhalositse fa tiro ya go fetlha gas e sa ntse e le kgakala ka ba sa ntse ba tsweletse ka dipaakanyo.A re se a se solofetsang Batswana ke gore go tlile go thapiwa batho ba bantsi ka ditiro tsa teng di farologane mme di tlhoka go dirwa bosigo le motshegare malatsi otlhe, e bile go tlhoka tlhokomelo e e tseneletseng.Mopalamente o ne a tlhalosetsa banni ba metse eo ka ga ngalo ditiro.O tlhalositse gore itsholelo e ka tswa e ne ya amiwa ke ngalo ditiro e e neg ya diragala mo bosheng.

Dikgang tse di tshwenyang kwa Malatswai[baakanya | edit source]

Mapodisi a Letlhakane a tlhotlhomisa tiragalo e mo go yone monna wa dingwaga tse di masome a mane le botlhano a fitlhetsweng a akgega mo setlhareng a ikaleditse. Mogolwane wa mapodisi a Letlhakane Rre Loeto Ramabokwa, o boleletse lekalana Bopa mo potsolotsong gore monna yoo o bonwe ka Labobedi ke mofeti-ka-tsela yo o neng a ya kwa mabitleng mme a ya go begela mapodisi. Rre Ramabokwa a re ba ne ba ya kwa lefelong la tiragalo, kwa ba fitlhetseng monna yoo a lepeletse mo setlhareng, a ikaleditse ka terata. O boletse fa monna yoo a tlholega kwa motseng wa Malatswai mo kgaolong ya legare, mme go sa itsiwe se se ka tswang se bakile gore a ipolae ka jaana a sa tlogela molaetsa. Rre Ramabokwa o ne a tlhalosa le go re setopo sa gagwe se kwa setsidifatsing kwa kokelong ya Letlhakane, se letetse go tlhatlhobiwa ke dingaka. O bile a re go ipolaya ga se yone tharabololo ya mathata a re gagwe le gape ba gakolola batho gore fa ba na le mathata ba kope thuso mo batsading, bommaboipelego le baruti.

Dipadi tse dingwe.[baakanya | edit source]


Coordinates: 21°51′29″S 26°5′12″E / 21.85806°S 26.08667°E / -21.85806; 26.08667


Dikgoge tse dingwe[baakanya | edit source]

Botswana Mahalapye