Motse wa Radisele

From Wikipedia
Jump to: navigation, search

Template:Orphan

Motse wa Radisele is located in Botswana
Location of Radisele

Radisele ke motse o o mo kgaolong ya legare mo Botswana. Motse o fa tlase ga tsela e e kopanyang Palapye le Mahalapye.Ditoropo tse di kgaoganngwa ke dikilomethara di le masome a matlhano Ka ngwaga wa 2001 palo ya batho e ne ele 2,741.

Maitlamo a tebelopele ya Botswana ya Vision 2016[baakanya | edit source]

Banni ba motse wa Radisele ba kgotlhaditswe go nna le seabe mo go tsweledisetseng pele tebelopele ya lefatshe la Botswana ya Vision 2016.Se se builwe ke Mopalamente wa Palapye Rre Moiseraele Goya yo e neng e le sebui sa tlotla kwa moletlong wa kabo dimpho oo neng o dirilwe ke lekgotla la ditlhabololo tsa motse wa Radisele ka labone.Rre Goya a re Puso ya Botswana e dirile tebelopele ya lefatshe e le mola wa go betla tsela ya go lwantshana le dikgwetho di tshwana lehuma, leuba le go tlhabolola matshelo a batho.A re mongwe le mongwe o tlamega go nna senatla, go ipelega le gone go nna le maikaelelo le boikanyego.Rre Goya o ne a kgalela batho go nna le mowa wa go iketla ka e le o ne o o bolayang go itirela ka diatla.O ne a gwetlha batho go bereka ba tiisitse go ntsha lefatshe la Botswana kwa morago ka go tshwarwa ka natla.A re komiti ya ditlhabololo e dirile sekao ka go supa lorato le tlhokomelo ya bana ba ba senang batsadi ka go ba abela dimpho ka gotwe go sego letsogo le le abang gona le le amogelang.Ke mosupi wa gore VDC ya Radisele e ne ya dira moletlo wa kabo dimpho e le maiteko a matona a go fitlhelela Vision 2016.

Rre Goya a re Batswana ba tshwanetse go ipotsa gore seabe sa bone ke eng mo tebelopeleng ya lefatshe la Botswana.A re e ne ya re mo ngwageng oo fetileng palamente ya dumalana go fetisa molao wa bana o o itebagantseng le go tlhokomelwa ga bone.O ne a leboga batsadi ba ba tlhokomelang bana go tswelela ka tiro e ntle e bantseng ba e dira.Rre Goya a re e re ntswa go na le batho ba ba sotlang ka bana ba masiela molao o, o itebaganya le dikgang tse le gore go ka di dirwang go thusa bana ba.

O ne a tlatsa ka gore dilo tse di ka kgonwa fela fa batsadi le morafe ka karetso ba tshwaragane gore bana ba bone tlhokomelo e e lolameng.

A re dingwe tsa dilo tse Tautona Lt Gen Seretse Khama Ian Khama a di tlhomamisang ke gore Motswana mongwe le mongwe a nne le seriti mme a supa gape le ka ditiro go rurifatsa gore Batswana ba tshela sentle. Modulasetilo wa komiti ya ditlhabolo tsa motse Mme Botsang Balapi o ne a tlhalosa fa maikaelelo a letsatsi le e le go tshegetsa matshego a Vision 2016 bogolo jang letshego la setshaba se se kutlwelobotlhoko se se tlhokomelang.

Mme Balapi a re setlhogo sa letsatsi se se reng Le rona re bana re tlhoka lorato se maleba ka jaana bana ba masiela ba tshwanetse go tlhokomelwa le go fiwa lorato fela jaaka ngwana mongwe le mongwe.A re batho bangwe ba sotla bana ba masiela mo go utlwisang botlhoko, fa bangwe bone ba ba ntsha banna le basadi ba bone.Balapi a re ba itlamile ba le VDC gore ba tlile go dira ka natla go rurifatsa gore bana ba ba isiwa sekolong le tlhokomelo ya bone ke ya maemo a ntlha.O kgadile batsadi ba ba tsayang dithuso tsa bana ba masiela ba bo ba di itirisetsa, a supa fa e le go tlhoka lorato le kutlwelobotlhoko.Motlhokomedi wa bana bao Rre Osupang Maruswaneng a re batsadi ba lese go isa bana kwa masimong le kwa merakeng fa ba tshwanetse gore ba ka bo ba le kwa sekolong.O kgotlhaditse batsadi go lesa go raya bana maina aa utlwisang botlhoko le go ba kgoba ka dipuo ka di isa seriti sa bone kwa tlase.Rre Maruswaneng a re o itlamile go tlhokomela bana bao go fitlhela ba gola ba bo ba ba iperekela.Rre Goya o ne a abela VDC P400 go rotloetsa moletlo oo.

Dikgoge tse dingwe[baakanya | edit source]

Botswana Mahalapye

Dipadi tse dingwe.[baakanya | edit source]

Coordinates: 22°48′30″S 26°59′58″E / 22.80833°S 26.99944°E / -22.80833; 26.99944