Motswasele I

Motswasele I
Leso	1785 Shokwane
Title	Kgosi ya Bakwena
Term	1770 go tsena 1785
Predecessor	Motshodi
Successor	Seitlhamo
Bana	Seitlhamo Monametse
Batsadi(s)	Legojane (father)

Motswasele I (yo o tlhokafetseng ka ngwaga wa 1785) e ne e le kgosi ya Bakwena go tswa ka 1770 go fitlhelela a tlhokafala ka ngwaga wa 1790. O ne a tlhatlhama rraagwemogolo ebong Motshodi, mme ene a tlhatlhamiwa ke ngwana wa gagwe Seitlhamo.

Botshelo jwa gagwe

Motswasele o tshotswe ka lekgolo la dingwaga di le lesome le borobabobedi, gareng ga dingwaga tsa 1715 le 1745. E ne e le morwa Legojane, e le ngwana wa ngwana wa ga Motshodi o e neng e le kgosi ya Bakwena. Ditso tsa Bakwena tse di bolelwang ka molomo di bolela fa Motswasele e ne e le motho o o sa iponeng tsapa mo mesepeleng fa a sa ntse a le mmotlana ebile ke ene Mokwena wa ntlha go bona ma Yuropa. Legojane o tlhokafetse pele ga ga Motshodi, se sa dira gore Motswasele e nne ene a latelang mo bogosing. Motswasele o ne a tsaya maikarabelo a go tlhokomela morafe fa Motshodi a tsofala, o ne a nna kgosi fa Motshodi a tlhokafala ka ngwaga wa 1770. O ne a etelela pele morafe go ya Shokwane le go ya Dithejane. Bakwena ba ne ba fenya Bangwaketse mo ntweng kwa Gookodisa.

Polelo nngwe e bolela fa Mathiba e ne e le monnawe Motswasele, le gore Motswasele o ne a atlholela Mathiba loso go bo a fagotse dipoo ntle le teseletso ya gagwe. Go bolelwa fa erile ba kopana le Lesele, ba dumalana gore o ka tsaya mathiba a tsamaya ka ene. Ba ema nokeng ba ga Mathiba ba ne ba tsamaya le ene, se sa kgaoganya Bangwato le Bakwena. Polelo e, e ganediwa ke dipego tse dingwe tsa gore Mathiba e ne e le mojaboswa wa Bangwato o a neng a nna le Bakwena go fitlhelela a nna dingwaga tse di mo letlang go boela gae.

Loso le go tlhatlhamiwa

Motswasele o tlhokafetse ka ngwaga wa 1785. Ka nako eo, bakwena ba ne ba boetse Shokwane. O ne a tlhatlhamiwa ke morwaagwe Seitlhamo. Motswasele o ne a na le ngwana o mongwe wa mosimane, Monametse, o a neng a seka a nna kgosi.