Mpumi Nyandeni
| Motshameki wa kgwele ya dinao | |||
|---|---|---|---|
| Leina ka botlalo | Nompumelelo Nyandeni | ||
| Letsatsi la tsalo | 19 August 1987 | ||
| Lefelo la tsalo | South Africa | ||
| Bolele | 1.63 m (5 ft 4 in) | ||
| Maemo | Midfielder | ||
| Club information | |||
Current team | JVW | ||
| Number | 18 | ||
| Tiro ya gagwe* | |||
| Dingwaga | Setlhopha | Metsh | (Dinno) |
| – | WFC Rossiyanka | ||
| -2022 | JVW FC | (55) | |
| 2023-2024 | TS Galaxy Queens | 60 | (7) |
| 2024- | JVW FC | ||
| Setlhopha sa setshaba‡ | |||
| 2002–2025 | South Africa | 150 | (39) |
|
*Metshameko ya gagwe le dinno, correct as of 11 August 2014 ‡ National team caps and goals, correct as of 8 April 2025 | |||
Nompumelelo "Mpumi" Nyandeni (yo o tshotsweng ka Phatwe a le lesome le boferabongwe 1987) ke motshameki wa kgwele ya dinao wa Aforika Borwa wa fa gare wa setlhopha sa JVW sa Liki ya Basadi ya SAFA.
Nyandeni o emetse setlhopha sa bosetšhaba sa kgwele ya dinao sa basadi sa Aforika Borwa makgetho a le lekgolo le masome a matlhano, go akaretsa le kwa Diolimpiking tsa Selemo tsa 2012 le 2016 ka bobedi. Ke motshameki wa boraro yo o tshamekileng thata mo setlhopheng sa bosetšhaba.[1]
Ka 2010, o ne a tsaya karolo mo letsholong la FIFA la go tokafatsa botsogo ka kgwele ya dinao ya itlosobodutu mmogo le batshameki ba tshwana Cristiano Ronaldo, Lionel Messi, le Didier Drogba.[2]
O ne a nna mokapotene wa JVW kwa dikgaisanong tsa bosetšhaba ka 2019.[3]
Ka 2022 o ne a bidiwa motshameki wa kgwele ya dinao wa basadi wa ngwaga wa Mokgatlho wa Babegadikgang ba Kgwele ya Dinao wa Aforika Borwa (Safja).[4]
Tiro ya setlhopha
[fetola | Fetola Motswedi]Mpumi Nyandeni o fitile ka tsamaiso ya bašha ya Detroit Ladies e e kwa Mpumalanga. Fa a ne a le motshameki wa basha, o ne a gaisana le batshameki ba bagolo go bona maemo mo setlhopheng se segolo. Morago ga moo o ne a fudugela kwa WFC Rossiyanka mo Kgaisanong ya Kgwele ya Dinao ya Basadi ya Russia. Ka 2011, o ne a tlhophiwa ke FIFA jaaka mongwe wa letlhakore la batshameki ba le lesome le motso ba boditšhabatšhaba go rotloetsa dikgang tsa botsogo mo bašheng; ba bangwe mo lenaaneng leno ba ne ba akaretsa Lionel Messi le Cristiano Ronaldo.[5] Fa a le kwa Rossiyanka, o ne a kopana le Refiloe Jane lekgetho la ntlha, yo o neng a tlhotlheleditswe ke Nyandeni mme moragonyana le ene a ne a tla nna motshameki wa boditšhabatšhaba wa Aforika Borwa.[6]
JVW
[fetola | Fetola Motswedi]Ka 2019 o ne a nna mokapotene wa JVW go bona sekgele sa bone sa ntlha fa ba ne ba fenya Dikgaisano tsa Bosetšhaba tsa Sasol League tsa 2019[3]
Ka 2021, o ne a le monosi wa dino yo o kwa godimo mmogo le Andisiwe Mgcoyi ka dino di le masome mabedi le bosupa a thusa JVW go nna mo maemong a ntlha a botlhano mo liking.[7]
O nositse dino di le masome mararo mo setlheng sa 2022 mme a gapa sekgele sa go nosa dino tse di kwa godimo mo setlheng sa bobedi ka go latelana.[8]
O ne a konela setlha seo ka go fenya sekgele sa 2022 sa Mokgatlho wa Babegadikgang ba Kgwele ya Dinao wa Aforika Borwa (Safja) wa motshameki wa kgwele ya dinao wa Basadi wa ngwaga.[4]
TS Galaxy Queens
[fetola | Fetola Motswedi]Ka 2023, o ne a nna leloko la TS Galaxy Queens.[9] O nositse dino di le 7 mo setlhopheng mo setlheng sa 2023.
JVW
[fetola | Fetola Motswedi]Ka Mopitlo 2024, o ne a boela kwa JVW.
Tiro ya boditšhabatšhaba
[fetola | Fetola Motswedi]O ne a tshameka lekgetlho la ntlha mo setlhopheng sa bosetšhaba a le dingwaga di le lesome le botlhano ka 2002.[1]
Nyandeni o biditswe go tshameka mo setlhopheng sa bosetšhaba sa kgwele ya dinao sa basadi sa Aforika Borwa ka nako ya metshameko ya go ipatela phatlha kwa Diolimpiking tsa Selemo tsa 2012 kwa Lontone, kwa United Kingdom. O ne a swabisitswe ke go tlosiwa mo setlhopheng, se a neng a se amanya le go fetofetoga ga sebopego sa gagwe, mme o ne a bidiwa gape mme moragonyana a tshamekela Aforika Borwa mo metshamekong e le meraro kwa Metshamekong ka boyone.[5][10] Fa e sa le ka nako eo o nnile mongwe wa batshameki ba ba nang le maitemogelo thata mo setlhopheng sa Aforika Borwa, e le mongwe wa batshameki ba le bane mmogo le Janine van Wyk, Amanda Dlamini le Noko Matlou ba ba nang le iponagatso tse di fetang lekgolo mongwe le mongwe wa bone.[11] O ne a tlhophiwa gape go nna mo setlhopheng sa Diolimpiki tsa Selemo tsa 2016 kwa Rio de Janeiro, kwa Brazil.[12]
Ka Moranang 2025 o ne a bidiwa mo setlhopheng go tshameka iponagatso ya gagwe ya bo lekgolo le masome a matlhano.[13] Nyandeni e ne e le mokapotene wa Banyana Banyana mo motshamekong wa gagwe wa bo lekgolo le masome a matlhano mo phenyong ya 2-1 kgatlhanong le Malawi ka Moranang a ferabobedi 2025 kwa Lebaaleng la Lucas Moripe.[14] Ke motshameki wa boraro yo o tshamekileng diponagatso tse dintsi morago ga Noko Matlou (diponagatso di le lekgolo le masome a supa le bone) le Janine van Wyk (diponagatso di le lekgolo le masome a ferabobedi le metso e metlhano).[1]
Dino tsa boditšhabatšhaba
[fetola | Fetola Motswedi]| No. | Letsatsi | Lefelo | Moganetsi | Dino | Maduo | Kgaisano |
|---|---|---|---|---|---|---|
| 1 | 21 November 2018 | Cape Coast Sports Stadium, Cape Coast, Ghana | Equatorial Guinea | 2–0 | 7–1 | 2018 Africa Women Cup of Nations |
Ditlotla
[fetola | Fetola Motswedi]- Sasol League National Championship: 2019
Ka bo ga gagwe
- 2021 SAFA Women's League: Top Goal Scorer (dino tse masome mabedi le bosupa)
- 2022 SAFA Women's League: Top Goal Scorer (dino tse masome mararo)
- 2022 South African Football Journalists' Association (Safja): Women's footballer of the year
Metswedi
[fetola | Fetola Motswedi]- 1 2 3 Mthembu, Thuthukani. "Banyana Banyana's Nyandeni set for emotional farewell in final match against Malawi". www.iol.co.za. Retrieved 27 Ngwanaatsele 2025.
- ↑ [1] FIFA
- 1 2 Ndumela, Mntungwa (8 December 2019). "JVW Crowned 2019 Sasol League National Champions". Sasol In Sport. Retrieved 27 Ngwanaatsele 2025.
- 1 2 Mjikeliso, Compiled by Sibusiso. "100-cap Banyana veteran Nyandeni wins football writers' player of the year award". Sport. Retrieved 27 Ngwanaatsele 2025.
- 1 2 "Mpumi "Skito" Nyandeni Road To International Stardom And Life And Russia". SA Women. 8 May 2012. Archived from the original on 4 March 2016. Retrieved 27 Ngwanaatsele 2025.
- ↑ Mailwane, Tshepang (22 August 2015). "Ball girl now a star Banyana player". Sowetan Live. Retrieved 27 Ngwanaatsele 2025.
- ↑ Kganakga, Tlamelo (28 March 2022). "HBSL Honours Top 2021/22 Season Performers". gsport4girls. Retrieved 27 Ngwanaatsele 2025.
- ↑ "Sundowns Ladies dominate the 2022 Hollywoodbets Super League Awards - SAFA.net". 4 December 2022. Retrieved 27 Ngwanaatsele 2025.
- ↑ Hare, Rudene (4 February 2023). "TS Galaxy Queens Squad Announced for Hollywoodbets Super League Season". gsport4girls. Retrieved 27 Ngwanaatsele 2025.
- ↑ "Mpumi Nyandeni". Sports Reference. Archived from the original on 18 April 2020. Retrieved 27 Ngwanaatsele 2025.
- ↑ Molobi, Timothy (2 August 2016). "Banyana seek redemption at Rio Games". News 24. Retrieved 27 Ngwanaatsele 2025.
- ↑ "Nyandeni, Mpumi". Rio 2016. Archived from the original on 27 November 2016. Retrieved 27 Ngwanaatsele 2025.
- ↑ Morake, Matlhomola. "Almost forgotten Banyana midfielder Mpumi Nyandeni is in line for a 150th cap". City Press. Retrieved 27 Ngwanaatsele 2025.
- ↑ Ntloko, Mninawa (7 April 2025). "Nyandeni prepares for her final cap as Banyana wrap up series against Malawi - SAFA.net". Retrieved 27 Ngwanaatsele 2025.