Mutombo Bakafwa Nsenda

Mutombo Bakafwa Nsenda
Molaodi wa Kasai Occidental
In office Phalane 2006 – Tlhakole 2007
Mothusa tonakgolo wa tshireletso
In office Phalane 2008 – Tlhakole 2010
Tona wa tshiamiso
In office Ngwanatsele 2007 – Phalane 2008
Pele Ga Gagwe	Georges Minsay Booka
Morago Ga Gagwe	Luzolo Bambi Lessa

Symphorien Mutombo Bakafwa Nsenda ke mopolotiki kwa Democratic Republic of the Congo. Ka Phalane 2008, o ne a tlhomiwa mothusa tonakgolo wa tshireletso kwa palamenteng ya ntlha ya ga Adolphe Muzito.

Mutombo Bakafwa Nsenda ke mmueledi o o filweng tetla. O simolotse go bereka e le mmueledi ka dingwaga tsa 1970. O ne a thapiwa go nna tona wa meepo ka nakwana. O ne a nna molaodi wa kgaolo ya Kasai Occidental go tswa ka Phalane 2006 go fitlhelela Tlhakole 2007. Kwa bofelelong jwa Ngwanatsele 2007 o ne a nna tona wa tshiamiso le ditshwanelo tsa setho.

Fa a le tona wa tshiamiso ka Motsheganong 2007, o ne a re tlhabololo ya tsamaiso ya tshiamiso e mo tshiamelong, le gore basekaseki ba molao ba kgobokantswe, le gore baatlhodi ba le dikete nne ba tlaa thapiwa. Ka Phalane 2008 o ne a thapiwa go nna mothusa tonakgolo wa tshireletso mo palamenteng ya ntlha ya ga tonakgolo Adolphe Muzito. Ka Phatwe 2009 o ne a bua kgatlhanong le mapolotiki a a senyetsang setshaba, a a neng a baka dikgotlhang gareng ga dikgaolo tse pedi tsa Kasai. Dikgotlhang tse batho ba le bantsi ba neng ba tlhokafetse mo go tsone, e ne e le ka ntlha ya meepo ya diteemane le go phadisanela lefatshe la temo. O ne a tswa mo palamenteng ya ga Muzito morago ga kabakanyo ya Tlhakole 2010.