Nakato Kyabangi Katusiime

Nakato Kyabangi Katusiime
Tsalo	Morule a le masome mabedi le boraro ngwaga wa 1972
Ke mo	Uganda
Tiro	Mopolotiki
Dingwaga tsa a le mo tirong	2011 go tsena 2016
O itsegi ka	Polotiki
Title	Mopalamente wa kgaolo ya Gomba wa mme

Nakato Kyabangi Katusiime (o o tshotsweng ka Morule a le masome mabedi le boraro ngwaga wa 1972) ke mopolotiki wa kwa Uganda le mopalamente wa pele wa kgaolo ya Gomba. E ne e le leloko la mme la palamente ya borobabongwe ya Uganda, a le mo phathing ya National Resistance Movement (NRM). O ne a le gareng ga mapalamente a a neng a fiwa dietsele tsa dingwaga tse di masome matlhano ka Phalane a robabongwe ngwaga wa 2012.

Tiro ya sepolotiki

Ka nako ya ditlhopho tsa 2011 tsa lefatshe, Mme Nakato Kyabangi o ne a fenya kgaolo ya botlhophi ya Gomba, a le mo phathing ya National Resistance Movement. Ka nako ya ditlhopho tsa peo lotlhokwa tsa NRM, Nakato o ne a latlhegelwa kgatlhanong le Nayebale ka ditalama di le dikete di robabongwe, makgolo a mabedi, masome a robabongwe le bosupa fa Nayebale a ne a iponela di le dikete di le masome mabedi le motso, makgolo a robabobedi, masome a mararo le botlhano.

Dikgogakgogano le dikgang tsa molao

Ka ngwaga wa 2014, Nakato Kyabangi Katusiime o ne a lebanwa ke ditlamorago tsa semolao ka sekoloto se a neng a se kolota Kenroy Investments (U) Ltd. Sekoloto se e ne e le sa madi a a kanang ka didikadike di le masome a supa le borobabongwe jwa madi a disheleng tsa Uganda (a lekana le di dolara tsa America di le dikete di le masome mabedi le bobedi ka nako eo.) Le ntswa go nnile le dikatlholo tsa kgotlatshekelo kgatlhanong le ene, o ne a seka a duela. Ka jalo, mohama wa tlolo molao wa kgotlatshekelo o ne wa mo lebisa kotlhao ya go ya kgolegelong.