Nakedi Sibanda-Kekana

Nakedi Sibanda-Kekana
Mokhanselara wa temothuo le tlhabololo magae wa kwa Limpopo
Incumbent
Assumed office Seetebosigo a le masome mabedi ngwaga wa 2024
Premier	Phophi Ramathuba
Pele Ga Gagwe	Thabo Mokone
Mokhanselara wa Limpopo wa metshameko, botaki le ngwao
In office Phalane a le malatsi a marataro ngwaga wa 2022 – Seetebosigo a le lesome le bone ngwaga wa 2024
Premier	Stan Mathabatha
Pele Ga Gagwe	Thandi Moraka
Morago Ga Gagwe	Jerry Maseko
Mopalamente wa Limpopo
Incumbent
Assumed office Motsheganong a le masome mabedi le bobedi ngwaga wa 2019
Motshwara madi wa ANC kwa Limpopo
Incumbent
Assumed office Seetebosigo 2022
Pele Ga Gagwe	Danny Msiza
Ka Ga Ena
O tsetswe	Firikgong a le lesome le borataro ngwaga wa 1966
Moagi Wa	mo Aforika borwa
Mokgatlho	African National Congress

Nakedi Grace Sibanda-Kekana (o o tshotsweng ka Firikgong a le lesome le borataro ngwaga wa 1966) ke mopolotiki wa kwa Aforika Borwa o o berekang e le mokhanselara wa temothuo le tlhabololo magae kwa Limpopo. Pele e ne e le mokhanselara wa metshameko, botaki le ngwao, maemo a a tseneng mo go one ka Phalane 2022, morago ga a sena go tlhophiwa e le motshwara madi wa kgaolo ya Limpopo mo phathing ya gagwe ya African National Congress (ANC). Pele o ne a tlhophilwe e le mokhanselara wa kgaolo ka 2019 le mmatoropo wa mmasepala wa Lepelle-Nkumpi go tswa ka Phatwe 2016 go tsena Morule 2018, fa ANC e mo kopa go ithola marapo ka nako ya tshenyetso setshaba ya banka ya VBS Mutual.

Tiro ya gagwe mo pusong

Sibanda-kekana e ne e le mokhanselara wa mmasepala wa Lepelle-Nkumpi wa kgaolo ya Limpopo kwa Capricon a bereka gape e le motsamaisa dipuisano tsa khansele ya mmasepala, o tsene mo ofising eo ka 2013, go fitlhelela ka ditlhopho tsa Phatwe 2016. Pele ga ditlhopho tsa 2016, o ne a tlhophiwa gale go ya khanseleng, a tlhophiwa go nna mmatoropo wa Lepelle-Nkumpi. Ka nako ya fa a tlhophiwa mmatoropo, Sibanda-Kekana o ne a le mo maemong a a kwa godimo mo phathing ya gagwe ya sepolotiki ya African National Congress (ANC), e le motshwara madi wa kgaolo ya Limpopo ya Peter Mokaba; o ne a tlhophiwa gape mo setlheng se sengwe a ntse a le mo maemong ao ka Phukwi 2018.

Ka Phalane 2018, Sibanda-Kekana o ne a amega mo kgangyeng ya tshenyetso setshaba  kwa bankeng ya VBS Mutual fa e tlhaga, mo tshekatshekong ya South African Reserve Bank, gore mmasepala wa Lepelle-Nkumpi mo ketelelong pele ya Sibanda-Kekana o ne o tsentse madi a a fetang didikadike di le dikete di le lekgolo le masome matlhano mo bankeng eo pele ga e phatlaladiwa. Phathi ya kganetso ya Democratic Alliance (DA) e ne ya re a rolwe marapo, ka Morule 2018 e ne e le mongwe wa baeteledipele ba ditoropo ba ANC ba phathi e neng e ba pateleditswe go ithola marapo ka go nna le seabe mo go tsenyeng madi kwa VBS. Ka 2019, o ne a tlhatlhamiwa ke Meriam Molala, le ntswa go thapiwa ga ga Molala morago go ne ga twe ga go a tsepama go ya ka kgotlatshekelo.

Tiro ya gagwe mo pusong ya kgaolo

Morago ga go ithola marapo e le mmatoropo, Sibanda-Kekana o ne a tswelela a nna motshwara madi wa kgaolo wa ANC, mo ditlhophong tsa 2019, o ne a tlhophiwa go nna mokhanselara wa kgaolo ya Limpopo, a le mo maemong a masome mabedi le bone mo lenaaneng la ANC. Ka Morule 2021, kgaolo ya Peter Mokaba e ne ya mo tlhopha gape e le motshwara madi wa kgaolo.

Motshwara madi wa kgaolo wa ANC:2022

Ka ngwaga wa 2022, Sibanda-Kekana o ne a tlhaga e le ntlhopheng o o nonofileng wa motshwara madi a kgaolo ya Limpopo. O ne a eme ka kemo nokeng ya modulasetilo wa ANC wa kgaolo Stan Mathabatha, o a neng a emetse go tlhophiwa gape e le laboraro mo ofising. Go ema ga gagwe go ne ga itemogela kemo nokeng ya boeteledipele jwa kgaolo ya ga gabo ya Peter Mokaba, le ntswa makalana a mangwe mo kgaolong a ne a ratile Donald Selamolela e le ene a ka nnang mo maemong ao. Go tlhophiwa ga gagwe go ne go ngangisanwa ka gone mo makgotleng a ANC: lekalana la Limpopo la South African Communist Party (SACP) le ne le re Sibanda-Kekana le ba bangwe ba ga Mathabatha ba ba neng ba amana le kgang ya VBS ga ba a tshwanela go tlhophiwa go sa kgathalesege gore a ba ne ba lebisiwa molato mo kgang e.

Fa bokopano jwa ANC jwa kgaolo bo simolola ka Seetebosigo 2022, Donald Selamolela o ne a gana go ema kgatlhanong le Sibanda-Kekana, a mo tlogela go ema kgatlhanong le Faith Chauke. O ne a amogela ditlhopho di le makgolo a supa, masome a robabobedi le boratark kgatlhanong le Chauke o ene a neng a iponela ditalama di le makgolo a mararo, masome a supa le botlhano,ka jalo Sibanda a tsena mo maemong ao, fela jaaka ba bangwe ba ba neng ba le mo thotloetsong ya ga Mathabatha.

Khansele: 2022 go fitlhelela gompieno

Ka Phalane a le malatsi a marataro ngwaga wa 2022, Mathabatha e le moeteledipele wa Limpopo, o ne a itsise ka tswakanyo ya khansele ya Limpopo e go neng go dumelwa gore e amana le maduo a bokopano jwa ANC jwa Seetebosigo. Sibanda-Kekana o ne a tlhomiwa mokhanselara wa metshameko, botaki le ngwao, o ne a tlhatlhama Thandi Moraka, o a neng a reteletswe ke go iponela tlhopho gape mo komiting ya ANC kwa bokopanong jwa phathi. O mongwe o a neng a tlhomilwe mo khanseleng ka tswakanyo eo e ne e le Florence Radzilani, mmatoropo o mongwe wa pele o a neng a ithotse marapo ka nako ya kgang ya VBS. Go thapiwa ga ga Radzilani le Sibanda-Kekana go ne ga kgalwa ke diphathi tsa kganetso tsa DA,Economic Freedom Fighters, ActionSA le Azanian People's organisation (AZAPO); ka Ngwanatsele, AZAPO e ne ya rulaganya mogwanto go ya kwa ofising ya moeteledipele, ba re Radzilani le Sibanda-Kekana ba ntshiwe. Fa a tsibogela go kgalwa moo, Mathabatha o ne a supa gore Radzilani le Sibanda-Kekana ga ba a lebisiwa melato epe le gore go thapiwa ga bone go tsamaelana le melawana le ditshetlana tsa ANC tsa maloko a a amegang mo tshenyetsong setshaba.

Sibanda-Kekana o ne a nna mokhanselara wa temothuo le tlhabololo magae morago ga go tlhophiwa ga ga Phophi Ramathuba go nna moeteledipele morago fa ditlhopho tsa 2024.