Natasha Sutherland
Natasha Sutherland | |
|---|---|
| Tsalo | Natasha Sutherland 20 November 1970 |
| Tiro |
|
| Dingwaga tsa a le mo tirong | 1991–present |
| Mosadi | |
| Bana | 2 |
Natasha Sutherland (o tshotswe Ngwanatsele a le masome mabedi 1970), ke modiragatsi wa Aforika Borwa. O itsege thata ka dikarolo tsa gagwe mo difiliming tsa thelebišene tsa Honeytown, Tarzan: The Epic Adventures le Scandal!. Kwa ntle ga go diragatsa, gape ke mokwadi, sebui se se tlhotlheletsang le mogakolodi.[1]
Botshelo jwa gagwe
[fetola | Fetola Motswedi]Sutherland o tshotswe Ngwanatsele a le masome mabedi 1970, kwa Durban, Aforika Borwa, e le morwadia batlhami ba mebino Geoffrey Sutherland le Kenlynn Sutherland (yo o neng a bidiwa Ashby semmuso).[2]
Sutherland o ne a nyetse Steve Hofmeyr, seopedi sa Aforika Borwa, mokwadi wa dipina, le mogasi wa thelebishene.[3] Ba ne ba nyalana ka 1998 mme moragonyana a tlhala ka bogale ka 2008 a umaka botsalano jwa ga Steve jwa dingwaga di le lesome le morutintshi wa go ikatisa mmele Janine van der Vyver.[4] Banyalani bano ba na le barwa ba babedi: Benjamin le Sebastian.[5]
Tiro
[fetola | Fetola Motswedi]Sutherland o simolotse tiro ya gagwe mo masimologong a bo1990 e le mogasi wa pontsho ya bana ya Kideo.[6] Morago ga moo o ne a tshameka mo filiming ya soapie, Egoli: Place of Gold ka nako ya fa a ne a le mo dingwageng tsa gagwe tsa bonana ka 1991. Ka 1996, o ne a simolola tiro ya gagwe ya go diragatsa ka difilimi tse pedi tsa thelebišene: Honeytown le Tarzan: The Epic Adventures.[7] Morago ga katlego ya difilimi tseo, o ne a tshameka mo baesekopong ya kwa gae ya Operational Delta ka 1997.[8][9] Go sa le jalo, o ne a simolola go laola bobogelo jwa Aforika Borwa ka didrama di le mmalwa tse di tumileng tsa serala jaaka Gigi ka 1992 le The Revlon Girl. Fa nako e ntse e ya, o ne a kaela gape le ditshwantsho tsa mo tshikhinyego tsa mmino mme a dira jaaka morulaganyi wa Finesse Magazine.[2]
Ntle le go diragatsa, Sutherland gape ke sebui se se rotloetsang phatlalatsa se se neng se tsamaya go ralala naga mmogo le dikgato tsa boditšhabatšhaba. Gape o tlhomilwe go nna moemedi wa letshwaolakgwebo la Aforika Borwa la Beauty 'Placecol' le 'DNB'. Gape ke mokwadi yo o nang le bokgoni, yo a kwadileng buka ya gagwe ya ntlha ya Bittersweet. Ka katlego ya gagwe jaaka mokwadi, moragonyana o ne a kwala dibuka: Green and Blue ka 2010 (buka ya gagwe ya ntlha ya bana), Fairytale le Sprokie.[2]
Bodiragatsi
[fetola | Fetola Motswedi]| Ngwaga | Filimi | Karolo | Genre |
|---|---|---|---|
| 1991 | Egoli: Place of Gold | Samantha Ryan du Plessis | TV series |
| 1994 | Honeytown | Carrie | TV series |
| 1995 | Honeytown II | Carrie | TV mini-series |
| 1995 | The Uninvited Guest | Mandy Thompson | TV series' |
| 1997 | Tarzan: The Epic Adventures | Dalen | TV series |
| 1997 | Operation Delta Force | Lt. Marie Junger | TV movie |
| 1998 | Wycliffe | Young Mum | TV series |
| 2008–present | Scandal! | Layla McKenzie | TV series |
| 2023 | Binnelanders | Birdy | TV series |
Metswedi
[fetola | Fetola Motswedi]- ↑ "Natasha Sutherland". ESAT. Retrieved 30 Phalane 2025.
- 1 2 3 "Natasha Sutherland". news24. Retrieved 30 Phalane 2025.
- ↑ "Steve, Janine a bitter pill - Natasha". news24. Retrieved 30 Phalane 2025.
- ↑ "Steve Hofmeyr to divorce after affair". IOL. Retrieved 30 Phalane 2025.
- ↑ "Steve 'had too much to lose'". news24. Retrieved 30 Phalane 2025.
- ↑ "Natasha Kate Sutherland, actress in the SA soap opera Egoli, is born. | South African History Online". www.sahistory.org.za. Retrieved 30 Phalane 2025.
- ↑ Naik, Sameer. "#aTypicalInterview: Natasha Sutherland on the song that sums up her life". www.iol.co.za. Retrieved 30 Phalane 2025.
- ↑ Brain, Chris The (4 April 2019). "Bullet Points: Operation Delta Force". BULLETPROOF ACTION. Retrieved 30 Phalane 2025.
- ↑ "Operation Delta Force". prod.tcm.com. Retrieved 30 Phalane 2025.