Ngwaga wa 2021 mo Botswana

Lefatshe la Botswana le ne la tswelela ka go rarabolola seemo sa segajaja sa COVID-19 ka ngwaga wa dikete pedi masome a mabedi le motso, le simolola tsamaiso ya go kenta batho ka go reka mekento. Ka Ngwanatsele a le lesome le motso, Botswana e ne e le lefelo la motho wa ntlha go tsenwa ke mofuta wa COVID-19 wa SARS-CoV-2 Omicron. Ngwaga wa dikete pedi masome a mabedi le motso gape o itemogetse go bonwa ga diteemane tse pedi mo Botswana tse di neng di feta dikharete di le sekete, tsa nna ya boraro le ya bone ka botona go bonwa. Mo botsalanong jwa lone le mafatshe a a mabapi, lefatshe la Botswana le ne la tswelela ka go leka go rarabolola kgotlhang ya molelwane wa Botswana le Namibia, le ne la tsena mo kgotlhang ya kwa Cabo Delgado go ema nokeng puso ya Mozambique.

Babusi ba nako eo

• Tautona: Mokgweetsi Masisi
• Mothusa tautona: Slumber Tsogwane
• Motsamaisa dipuisano tsa palamente ya Botswana: Phandu Skelemani
• Moatlhodimogolo - Terence Rannowane

Tse di tsweletseng

monna o rwele sethiba molomo gape o itshasa se bolaya mogare ka nako ya Segajaja sa Covid-19 mo Botswana

• Go tlhokafala ga ditlou tsa Botswana ngwaga wa dikete pedi le masome a mabedi go tsena wa dikete pedi masome a mabedi le bobedi

• Segajaja sa COVID-19 mo Botswana
• Go kentela segajaja sa COVID-19 mo Botswana

Ditiragalo

Firikgong

• Firikgong - Lefatshe la Botswana le nna bontlha jwa lenaneo la China la tsela ka nako ya loeto lwa tona wa merero ya mafatshe a sele Wang Yi.
• Firikgong a le lesome le bobedi - Debswana e emisa konteraka ya yone ya bilone le metso e le meraro le Thiess.
• Firikgong a le masome mabedi le botlhano - tsheko ya tiriso dikgoka mo go tsa thbalano ya mopalamente Poison Majaga e a simologa.
• Firikgong a le masome mabedi le borobabobedi - setlhopha sa Clicks se itsise ka go tswala ga sone ga mabentlele otlhe a a setseng a Musica.
• Firikgong a le masome mabedi le borobabongwe - segajaja sa COVID-19: tona wa banana, metshameko le ngwao Tumiso Rakgare o itsise bofelo jwa nakwana jwa metshameko e go amanwang mo Botswana.

Tlhakole

• Tlhakole a le masome mabedi le bobedi - Banka ya Botswana e fetola ledi la yone la dipula di le lesome (10pula) go tsenya senepe sa ga tautona Masisi morago ga tiego ya dingwaga di le tharo.
• Tlhakole - Lefatshe la Botswana le emisa thuto ya batshabi ba Zimbabwe ba ba tsenang dikolo tse dikgolwane.
• Tlhakole a le masome mabedi le botlhano - Tautona Masisi o kopana le tautona wa Namibia Hage Geingob kwa Windhoek.

Mopitlo

• Mopitlo a le malatsi a matlhano - sefofane sa tlhoo tomo se phatlakana kwa ntle ga Sojwe, se bolaya seopedi Sasa Klaas
• Mopitlo a le lesome le borobabongwe -Tautona Masisi o kopana le tautona wa Aforika Borwa Cyril Ramaphosa kwa Aforika Borwa
• Mopitlo a le masome mabedi le bobedi - Lefatshe la Botswana le dumalana go kopana ga makgotla a Organisation Africa, Caribbean and Pacific States, le European Union

Borogo jwa Kazungula

Moranang

• Moranang - Lefelo la boitapolos la DumaTau le bulwa gape ke Wilderness Safaris.
• Moranang a le malatsi a matlhano - Goabaone Taylor o thapiwa go nna mookamedi wa lekgotla la kgwele ya dinao la Botswana
• Moranang a le lesome le borarato - leftatshe la Botswana le simolodisa gape paka ya lone ya go tsoma, e akaretsa diteseletso tsa go tsoma ditlou di le makgolo a mabedi masome a robabaobedi le bosupa
• Moranang a le lesome le boraro - lenaneo la botsogo ka maranyane le a itsisiwe mo Botswana ka lenaneo la United States la go kopana le dikolo tse dikgolwane.
• Moranang a le lesome le bone - Lefatshe la Botswana le iletsa theko ya dikoko le tse di tswang mo go yone kwa Aforika Borwa go tsibogela go tlhagoga ga mohikela wa dinonyane.
• Moranang a le lesome le borataro - tona wa madi Thapelo Matsheka o tseelwa maemo ke Peggy Serame
• Moranang a le lesome le borobabongwe - Access bank Group e dumalana go reka seabe se setona mo koporaseng ya dibanka tsa Aforika
• Moranang a le masome mabedi le bosupa -
  • segajajaj sa COVID-19: Lefatshe la Botswana le itsise fa le rekile mekento e e lekaneng ya COVID-19 go kenta mogolo mongwe le mongwe mo lefatsheng
  • Segajaja sa COVID-19: tautona Masisi o tsena mo serubing, mo go gwetlha go tlosolosiwa ga bokopano jwa beteledipele ba borwa jwa Aforika go bua ka botsuolodi jo bo diragalang kwa Mozambique
  • Mafatshe a Botswana le Zambia a baya monwana tumalano ya botsalano ya go laola mesepele gareng ga mafatshe o o mabedi mo borogong jwa Kazungula.

Motsheganong

• Motsheganong - Botswana Athletics Association e tshwara dikgaisano tsa mafatshefatshe tsa mabelo mo Botswana, le amogela mafatshe a le mantsi a Aforika
• Motsheganong a le lesome - Borogo jwa Kazungula bo bulwa semmuso.
• Motsheganong a le masome mabedi le motso - Kgotlatshekelokgolo ya Botswana e atlhola gore morafe wa Balete o tshwanetswe ke lefatshe la Forest Hill Botswana.
• Motsheganong a le masome mabedi le borataro - segajaja sa COVID-19: tona wa botsogo Edwin Dikoloti o istise kemo nokeng ya puso mo kgwebong epe fela e e dirang didirisiwa tse di thusang go lwantsha segajaja sa COVID-19.

Seetebosigo

• Seetebosigo - Central Tuli Game Reserve e nna lefelo la bojanala la ntlha mo Botswana go dirisa maranyane a Smart Parks go bona kwa diphologolo di leng teng
• Seetebosigo a le malatsi a mabedi - NMG Benefits e thapiwa go nna mookamedi wa letlole la batho ba ba tlogelang tiro ka bogodi
• Seetebosigo a le malatsi a mararo - Lefatshe la Botswana le tsena mo tumalanong le Moderna go amogela mekento ya COVID-19 ya Moderna.
• Seetebosigo a le malatsi a robabobedi - Lefatshe la Botswana le neela Steve Harvey kontaraka ya dingwaga tse tharo, mo go gwetlhileng go ngongorega ga babegadikgang ba mo gae
• Seetebosigo a le lesome le borataro - teemane ya dikharete di le sekete, masome a robabongwe le borobabobedi e neelwa puso ya Botswana morago ga gore e bonwe kwa moepong wa diteemane wa Jwaneng, e le ya boraro e tona go bonwa mo lefatsheng ka bophara.

Phukwi

Masole a Botswana a pagama sefofane go ya Mozambique

• Phukwi - segajaja sa mohikela wa dinonyane wa HfN1 o anama mo Botswana.

• Phukwi a le malatsi a matlhano - lefatshe la Botswana le fa Shumba Energy tetla ya go tlhama sefetlha motlakase sa ntlha se setona.
• Phukwi a le malatsi a supa - teemane ya dikharete di le sekete lekgolo masome a supa le bone e beelwa puso ya Botswana morago ga gore e upololwe kwa moepong wa diteemane wa Karowe, e le ya boraro ka botona go bonwa.
• Phukwi a le lesome le boraro - lefatshe la Botswana le simolola go bereka mo moepong wa lone wa ntlha wa tshipi.
• Phukwi a le lesome le borataro - segajaja sa COVID-19 : dikolo mo Botswana di tswalwa sebaka sa kgwedi go tsibogela segajaja sa COVID-19.
• Phukwi a le masome mabedi le borataro - lefatshe la Botswana le romela masole a le makgolo a mabedi masome a robabongwe le borataro kwa Mozambique go lwantsha ditsuolodi kwa Cabo Delgado
• Phukwi a le masome mararo - moepo wa kopore wa Khoemacau o bulwa semmuso.

Phatwe

• Phatwe -
• Boyce Sebetela o thapiwa ke tautona Masisi go nna mookamedi wa babereki wa ntlha.
• Kompone ya Okwa Diamonds e dumalana go reka moepo wa Ghaghoo wa diteemane mo Botswana Diamonds ka didikadike di le nne
• Phatwe a le masome mabedi le boraro - melato ya go leka go thankgola puso o o neng o lebisitswe  mmereki wa lekgotla la matlhale la DISS Welheminah Mphoeng Maswabi o boelwa morago.
• Phatwe a le masome mabedi le bosupa - segajaja sa COVID-19: lefatshe la Botswana le netefatsa gore batswakwa ba ba sa kwadisiwang le batshabi ba tlaa letlelelwa go kentelwa COVID-19.

Lwetse

• Lwetse a le malatsi a mabedi go tsena a le mararo - matona a merero ya mafatshe a sele a Botswana le Namibia a kopana go bua ka ntwa mo molelwaneng wa Botswana le Namibia.
• Lwetse a le malatsi a marataro - segajaja sa COVID-19: lefatshe la Botswana le fedisa dikiletso dingwe tsa thekiso ya bojalwa le go phuthagana.
• Lwetse a le malatsi a supa - Dickey's Barbecue Pit e tsena mo tumalanong ya go bula mafelo a robabobedi mo Botswana.
• Lwetse a robabongwe go tsena a le lesome le borobabongwe - lefatshe la Botswana le tshwara metshameko ya go iponela phatlha kwa metshamekong ya mafatshefatshe ya basadi ya ICC ka ngwaga wa dikete pedi masome a mabedi le motso.
• Lwetse a le lesome le borataro - mafatshe a Botswana le Namibia a fedisa thomo ya sennela ruri e e kopanetsweng ya tshireletso le pabalesego, ba e emeletsa ka thomo ya mafatshe a mabedi.
• Lwetse a le masome mabedi - Motlamorago Gaseitsewe o ithola marapo a botautona jwa lekgotla la Botswana Red Cross Society.
• Lwetse a le masome mabedi le borobabobedi - tona wa ditswammung le kgothetso Lefoko Moagi o itsise thekiso ya moepo wa kopore wa BCL, o rekiwa ke kompone ya meepo ya Canada ya Premium Nickel Resources.

Phalane

• Phalane - lefatshe la Botswana le tsena mo lekgotleng la mafatshefatshe la dikepe go rulaganya motsamao wa dikepe go ralala Mozambique.
• Phalane a le lesome le bobedi - kgotlatshekelo ya boikuelo e simolola go reetsa tsheko ya go fetola go diriwa molato ga go ratana ka bong bo bo tshwanang
• Phalane a le lesome le borobabobedi - lefatshe la Botswana le baya monwana tumalano ya motlakase wa gase wa di megawatt di le lesome le Tlou Energy e le go tswa mo go diriseng wa magala.

Ngwanatsele

• Ngwanatsele a le lesome - tautona Masisi o etela Paris go bua le dikompone tsa UNESCO le tsa France.
• Ngwanatsele a le lesome le motso - segajaja sa COVID-19 : mofuta o mosha wa SARS-CoV-2 wa Omicron o bonwa mo Botswana.
• Ngwanatsele a le masome mabedi le borobabongwe - kgotlatshekelo ya boikuelo e dumalana go tswelela ka tsheko ya go dira molato go ratana ka bong bo bo tshwanang.

Morule

• Morule a le malatsi a mabedi - lekgotla la mafatshefatshe la botsogo (WHO) le tlhomamisa gore go fetisetsa  mogare wa HIV ga mmangwana kwa loseeng mo Botswana go wetse kwa tlase ga botlhano mo lekgolong.
• Morule a le masome a mabedi le borobabongwe - Goabaone Taylor o seegelwa kwa thoko e le mookamedi wa lekgotla la kgwele ya dinao la Botswana ka magatwe a go dirisa madi botlhaswa.

Dintsho

• Firikgong a le masome mabedi le botlhano - David Bright, masome a marataro le bone, mookamedi wa setlhopha sa kgwele ya dinao (Mogoditshane Fighters, Cape Town, setlhopha sa lefatshe); malwetsi a a bakilweng ke COVID-19.
• Tlhakole a le masome a mabedi le botlhano - Archibald Mogwe, dingwaga di le masome a robabongwe le borobabongwe, mopolotiki le moemedi wa mafatshe, tona wa merero ya mafatshe a sele (ngwaga wa sekete makgolo a robabongwe masome a supa le bone go tsena ngwaga wa sekete makgolo a robabongwe masome a robabobedi le bone).
• Mopitlo a le malatsi a matlhano - Sasa Klaas, masome a mabedi le bosupa, seopedi; go phatlakana ga sefofane
• Mopitlo a le lesome le bobedi- Ismail Bhamjee, masome a supa le bosupa,  tona wa pele wa FIFA, tautona wa COSAFA, tautona wa Botswana Football Association; COVID-19
• Seetebosigo a le malatsi a mabedi - Linah Mohohlo, masome a marataro le borobabongwe, mookamedi wa banka ya Botswana; COVID-19
• Phukwi a le masome mararo - Shona Ferguson, masome a mane le bosupa, modiragatsi le mogwebi; COVID-19
• Phatwe a le lesome le boraro - Keitumetse Paul, masome a mane le borobabobedi, motshameki wa kgwele ya dinao, COVID-19
• Phatwe a le masome a mabedi le borobabongwe - Jakoba Keiphile, masome a robabongwe le boraro, motlhami wa kereke ya Eloyi, COVID-19.
• Morule a supa - Naledi Williers, mmereki wa thelebishine (The Real Housewives of Johannesburg); kankere ya lebele.