Ngwaga wa 2025 mo Botswana

Ditiragalo tsa ngwaga wa dikete pedi masome a mabedi le botlhano mo Botswana.

Babusi ba nako eo

Tlhakole a le masome mabedi le bone - merwalela ya ngwaga wa dikete pedi masome a mabedi le botlhano:batho ba robabongwe ba begiwa ba bolailwe ke merwalela e e neng e apesitse lefatshe ka bophara mo bekeng e e fetileng.^[1]
Tlhakole a le masome mabedi le botlhano - puso e baya monwana tumalano e ntsha le De Beers e oketsa seabe sa yone mo dithekisong tsa diteemane mo femeng e e kopanetsweng ya Debswana.^[2]

Motsheganong a le masome mabedi le borobabobedi - Global Venture Partners (GVP) le Botswana Investment and Trade Centre (BITC) di itsise ka go tlhamiwa ga diofisikgolo tsa GPV tsa Aforika mo Botswana.^[3]

Phukwi a le malatsi a mane - Lenaneo la baithuti ba ba pasitseng go gaisa la bana ba sekolo se segolwane le a emisiwa ka ntlha ya tlhaelo ya madi.^[4]

Phatwe a le masome mabedi le botlhano - Seemo sa bothata jwa botsogo mo Botswana sa ngwaga wa 2025. Tautona Boko o simolola sebaka sa seemo sa tshoganyetso sa botsogo ka ntlha ya tlhaelo ya melemo le didirisiwa mo dikokelong mo go bakilweng ke go tlhaela ga madi a a abilweng le phokotso ya thuso ya United States.^[5]

Lwetse a le lesome le borobabobedi - Busang Kebinatshipi o fenya seetsele sa gouta kwa dikgaisanyong tsa mabelo tsa mafatshefatshe kwa Japan, Tokyo mo lobelong lwa dimithara di le makgolo a mane, a fetsa ka metsotswana e le 43.53. O mongwe wa setlhopha sa gagwe Bayapo Ndori o fenya boronse mo lebelong leo. Botlhe ba fenya dietsele tsa Botswana tsa ntlha, mo go gwetlhang tautona Boko go dira letsatsi la Lwetse a le masome mabedi le borobabongwe letsatsi la boitapoloso.^[6]

Phalane a rogwa - phetolo mo molaong wa meepo le ditswammung e e tlhokang gore dikompone tsa meepo di rekise 24% wa seabe sa tsone ba rekisetsa babeeletsi ba mo gae fa puso e tlhopha go sa reke, o a dirisiwa.^[7]

Metswedi:^[8]^[9]

Firikgong a rogwa - letsatsi la ngwaga o mosha
Moranang a le lesome le borobabobedi - Labotlhano o o molemo (papolo ya Morena)
Motsheganong a rogwa - letsatsi la babereki
Motsheganong a le masome mabedi le borobabongwe - letsatsi la tlhatlogo ya ga Keresete
Phukwi a rogwa - Matsalo a ga Seretse Khama
Phukwi a le masome mabedi le motso - letsatsi la ga tautona
Lwetse a le masome mabedi le borobabongwe - letsatsi la go ipelela phenyo ya batabogi ba ba fentseng^[10]
Lwetse a le masome mararo - boipuso
Morule a le masome mabedi le botlhano - letsatsi la matsalo a ga Keresete
Morule a le masome mabedi le borataro - Letsatsi la go ntsha dimpho mo mabokosong

Firikgong a le masome mabedi le borataro - Gaositwe Chiepe, dingwaga di le lekgolo le motso, tona wa merero ya mafatshe a sele (go tswa ka ngwaga wa sekete makgolo a robabaongwe masome a robabobedi le bone go stena ngwaga wa sekete, makgolo a robabaongwe masome a robabaongwe le bone).^[11]