Nkwe e tshweu

Nkwe e tshweu e e tshwerweng kwa Dirapeng tsa Diphologolo tsa Singapore

Nkwe e tshweu ke sebopego sa nkwe ya leswefe, e e bidiwang nkwe ya Bengal. Dinkwe tse ditshweu di na le methalo e mentsho e e tlwaelegileng ya nkwe mme ka tsela e nngwe boboa jwa yone bo bosweu kgotsa bo batlile go nna bosweu mme e na le matlho a a botala jwa legodimo. Ditiragalo tsa tlholego tsa sefetolabosika di begwa ka dinako tse dingwe kwa nageng kwa India. Bontsi jwa dinkwe tse ditshweu ke ditlamorago tsa go tsadisana ka boomo go itlosa bodutu ga batho, mokgwa o o thibetsweng ke Mokgatlho wa Dirapa tsa Diphologolo le lefelotshero la ditlhapi mo ditheong tse di eletsang go newa tetlelelosemmuso.

Pharologano

Nkwe e tshweu kwa Dirapeng tsa Diphologolo tsa Madrid

Dinkwe tse ditshweu di ile tsa begwa kwa India go tloga ka lekgolo la bo16 la dingwaga CE. Nkwe ya ntlha e tshweu e ne ya tshwarwa ka 1915. Nkwe e tshweu e e bidiwang Mohan e ne ya tshwarwa ke kgosi ya Rewa, Martand Singh, ka 1951 go tswa kwa sekgweng sa Mukundpur, Kgaolo ya Sidhi se jaanong e leng karolo ya Sanjay Dubri Tiger Reserve. Dinkwe tse dintsi tse ditshweu tse di fitlhelwang mo dirapeng tsa diphologolo go ralala lefatshe ke bana ba ga Mohan. Go ya ka Kailash Sankhala, nkwe ya bofelo e tshweu e e kileng ya bonwa kwa sekgweng e ne ya thuntshiwa ka 1958. Dinkwe tse ditshweu di farologane ka ntlha ya mmala wa boboa jwa tsone. Boboa jo bosweu bo bakiwa ke go tlhaela ga pheomelanin, e e fitlhelwang mo dinkweng tse di nang le boboa jwa namune. Fa di bapisiwa le dinkwe tsa mmala wa namune, dinkwe tse ditshweu di gola ka bonako le go nna bokete go feta dinkwe tsa Bengal tsa mmala o o namune. Dinkwe tse ditshweu di a be di godile ka botlalo fa di le dingwaga di le 2-3, dinkwe tse ditswheu tse ditona di fitlhela bokete jwa dikilogerama tse 200 go ya go di le 230 e bile di kgona go gola go fitlhelela dimetara di le 3 ka boleele. Fela jaaka dinkwe tsotlhe, methalo ya dinkwe tse ditshweu e tshwana le menwana, ga go na dinkwe tse pedi tse di nang le mokgwa o o tshwanang. Methalo ya nkwe ke mmala wa letlalo; fa e le gore motho o ne a tshwanetse go beolwa, letsela la yone le le kgethegileng le ne le tla bonala.

Gore nkwe e tshweu ya Bengal e tsholwe, batsadi ka bobedi ba tshwanetse go nna le jiini e e sa tlwaelegang ya go nna le mmala o mosweu, e e diragalang ka tlholego fela mo e ka nnang gangwe mo matsalong a le 10 000. Ditshedi tse ditshweu tse di methalo e mentsho di kwadilwe sentle mo mefutengpotlana ya nkwe ya Bengal ( Panthera tigris ) mmogo le go begwa mo hisitoring mo mefutengpotlana e mengwe e le mmalwa. Ga jaana, dinkwe tse ditshweu di le makgolo a le mmalwa di tshwerwe mo lefatsheng lotlhe, mme di ka nna lekgolo di fitlhelwa kwa India. Mebala ya tsona e e kgethegileng e dirile gore di ratwe kwa dirapeng tsa diphologolo, le mo boitlosobodutung jo bo bontshang diphologolo tse di sa tlwaelegang. Go tlhokafala ga tsone go ka tswa go bakilwe ke gore alili e e boelang morago ke ditlamorago tsa phetogo ya dijiini ya nako e le nngwe kgotsa ka gonne dinkwe tse ditshweu di tlhoka go iphitlha go go lekaneng, go fokotsa bokgoni jwa tsone jwa go latela diphologolo tse di di bolayang kgotsa go tila dibatana tse dingwe tse di jang ditshedi tse dingwe.