Nocawe Mafu

Nocawe Mafu
Mothusa tona wa metshameko, botaki le ngwao
Incumbent
Assumed office Motsheganong a le masome amararo ngwaga wa 2019
President	Cyril Ramaphosa
Pele Ga Gagwe	Maggie Sotyu Gert Oosthuizen
Modulasetilo wa komiti ya bonno
Pele Ga Gagwe	Beauty Nomhle Dambuza
Mopalamente
Ka Ga Ena
O tsetswe	Nocawe Noncendo Mafu
Mosetshaba wa	mo Aforika Borwa
Mokgatlho	African national Congress
Tiro	Mopolotiki

Nocawe Noncendo Mafu ke mopolotiki wa kwa Aforika Borwa o o berekang e le mothusa tona wa metshameko, botaki le ngwao. O sale a nna mopalamente fa e sale ka 2014. E ne e le modulasetilo wa komiti ya bonno go tswa ka 2014 go tsena 2019. Mafu ke leloko la African National Congress.

Tiro ya sepolotiki

Mafu o ne a emela ditlhopho tsa bopalamente ka 2014 a le wa lekgolo le bobedi mo lenaaneng. Kwa ditlhophong, o ne a fenya manno kwa palamenteng. Mafu o ne a tlhophiwa go nna modulasetilo wa komiti ya bonno.

Ka 2017, Mafu o ne a tlhophiwa mo komiting ya African National Congress ka bokopano jwa masome matlhano le bone jwa African National Congress. Kwa bokopanong, mafu o ne a akgela ka dipuisano tsa phetolo matshelo a batho are makalana a ANC a tshwanetse go nna le seabe sa botlhokwa mo go netefatseng tirisano mmogo mo ditšhabeng.

Ka 2019 Mafu o ne a emela ditlhopho gape a le mo maemong a masome a mararo le boraro mo lenaaneng la ANC. O ne a tlhophiwa gape kwa ditlhophong tseo. Bontsi jwa maloko a lekgotla la banana la ANC ba ne ba tlhophilwe go ya palamenteng ka nako ya ditlhopho tseo. Mafu o ne a re se se letla banana gore ba nne le lentswe mo mekgwatlheng ya nonofo. O ne a tlhomiwa mothusa tona wa metshameko, botaki le ngwao ke tautona Cyril Ramaphosa.

Ka Tlhakole 2021, tsamaiso ya go fetola leina la maemelo a difofane a Kapa e ne e emisitswe ka ntlha ya gore go ne gosa nna le tumalano ka nako ya dipatlisiso. Go ne go na le dikakanyetso tsa gore maemelo ao a fetolwe leina la molweladitshwanelo o a neng a le kgatlhanong le puso ya tlhaolele Winnie Madikizela-Mandela, e ne ya re ka Mopitlo 2019, Mafu a re leina la Madikizela Mandela ke lone la ntlha mo lenaaneng la maina a a seka sekiwang.

Ka Motsheganong 2021, puso ya Russia le komiti ya metshameko ya diolympic ya Russia e re e ka kenta mafatshe a Aforika, a akaretsa la Aforika Borwa, go ya metshamekong e e neng e le thari ya diolympic ya 2020 ka Phukwi 2021 ka mokento wa Sputnik V COVID-19. Mafu o ne a tlhomamisa se ka bokopano jwa komiti kwa palamenteng a re fa mokento o rurifaditswe, ga go na lebaka la gore Sascoc le ba bangwe ba ka se o dirise.