Noka ya Caledon
| Mohokare | |
|---|---|
 | |
 Molomo wa noka ya Caledon | |
| Mouth | Noka ya Orange |
| Basin countries | Lesotho |
| Location | Free State |
| Length | 642 km km (399 mi mi) |
| Source elevation | 1,267 m (4,157 ft) |
Noka ya Caledon (ka Sesotho: Mohokare) ke noka e tona kwa legareng la Aforika Borwa. E boleele jwa dikhilomithara di le makgolo a marataro masome a mane le bobedi, e tlhatloga kwa dithabeng tsa Drankensberg kwa molelwaneng wa Lesotho, e elelela kwa borwa bophirima le kwa bophirimwa pele ga e kopana le noka ya Orange gaufi le Bethulie kwa borwa jwa Free State. Noka e pele e ne e filwe leina la Prinses Wilhelminas Rivier ka ngwaga wa sekete,makgolo a supa le masome a supa le bosupa (1777), ke Colonel R J Gordon.[1]
Popego
[fetola | Fetola Motswedi]Tlholego ya noka ya Caledon ke kwa e neng e le bonno jwa Qwaqwa, gaufi lemolelwane wa Lesotho, kwa borwa bophirima jwa Witsieshoek. E elelela kwa borwa bophirima kwa molelwaneng wa toropokgolo ya Lesotho ebong Maseru. E dira molelwane gareng ga Aforika Borwa le Lesotho pele ga e tsena kwa Free State kwa kgaolong ya Aforika Borwa. E tlaa bo e ya kwa bophirima pele ga e kopana le noka ya Orange gaufi le Bethulie kwa borwa jwa Free State pele ga e elelela kwa letamong la Gariep. Boleele jwa yone ke dikhilimothara di le makgolo a mane, masome a robabobedi, mokgatsha wa yone o itemogela go farologana ga bothitho.[2] Lefatshe le le fa gare ga noka ya Caledon le noka ya Orange ke lefelo la itloso bodutu la Tussen-die-Riviere Reserve la diheketara di ledikete di le masome mabedi le bobedi.[3]
Noka
[fetola | Fetola Motswedi]Noka e ke yone e e nosang Maseru, toropokgolo ya Lesotho, e e mo nokeng. Ka dinako tsa dipula tse d seng dintsi, go nna le tlhaelo ya metsi. Go thibela se, melatswana e le mmalwa e tlhamilwe ka dikago di tshwana le letamo la Muela le letamo la Meulspruit.[4] ka ngwaga wa diketet tse pedi le boraro (2003), metsi a ne a ntshiwa mo go yone go thibela komelelo.[5]
Mokgatsha wa Caledon o botlhokwa mo ditsong tsa Basotho. Lefelo le, le ne le le lenamagadi ebile le kgona go lemiwa go sa nosediwe. Se se ne sa dira gore le eletsege la bo la nna dingwe tsa dilo tse di neng di baka kgotlhang gareng ga Basotho le Maburu.[6] Mmidi o lemiwa ka bontsi mo mokgatsheng wa Caledon.[2]
Metswedi
[fetola | Fetola Motswedi]- ↑ Raper, P.E. (1987). Dictionary of South African Place Names (PDF). p. 105.
- 1 2 "Caledon River". Encyclopædia Britannica. Encyclopædia Britannica. Retrieved 10 June 2026.
- ↑ "Tussen Die Riviere Game Reserve". SA Places. Retrieved 10 June 2026
- ↑ "Caledon River - Dams". Archived from the original on 3 December 2013. Retrieved 10 June 2026
- ↑ "Drought". Archived from the original on 10 March 2007. Retrieved 10 June 2026
- ↑ Coplan, David B. (2001). "A river runs through it: The meaning of the Lesotho‐free state border". African Affairs. 100 (398): 81–116. doi:10.1093/afraf/100.398.81.