Noka ya Nunez
Noka ya Nunez kgotsa Rio Nuñez (Kakandé) ke noka kwa lefatsheng la Guinea e e simololang kwa dithabeng tsa Futa Jallon. E itsege gape ka leina la Noka ya Tinguilinta, ka ntlha ya motsana o o leng fa godimo ga yone.[1]
Dipopego tsa lefatshe
[fetola | Fetola Motswedi]Nunez e e fa gare ga Noka ya Kogon [fr] kwa bokone le Noka ya Pongo kwa borwa, e tshologela mo Lewatleng la Atlantic kwa boemakepeng jwa toropo ya Kamsar, go bapa le lotshitshi lwa Guinea-Conakry. Noka eno e tlala ngwaga le ngwaga ka paka ya dipula, mme seno se dira gore go nne le dipoa tse di tletseng metsi le mafelo a a tletseng seretse. Mabala ano a a nang le merwalela a nniwa ke batho ba Nalu le Baga. Mo e ka nnang dikilometara di le 64 go ya kwa tengteng ga naga go na le toropo ya Boké; e kgolo go di feta tsotlhe mo nokeng eno e bile ke yone e e leng boremelelo jwa kgwebo ya Guinea.[2] Fano noka e bophara jwa 100m le boteng jwa 1m.[3][4]
Noka eno e e seng boteng e e elela go tswa kwa Boké e ralala dithaba tse di kwa tlase tse di nang le metseletsele ya makhubu le ditlhaketlhake tse dinnye go ya kwa motsweding wa yone, e leng kwa melatswana e le mmalwa e kopanang gone.
Metswedi
[fetola | Fetola Motswedi]- ↑ Rouck, J. (1925). Sur les Côtes du Sénégal et de la Guinée. Voyage du Chévigne. Paris. pp. 155–175.
- ↑ Coffinières de Nordeck (1886). "Voyage aux pays des Baga et du Rio Nunez par M. le Lieutenant de Vaisseau Coffinières de Nordeck, commandant 'Le Goëland'". Le Tour du Monde: 273–304.
- ↑ Fields-Black, Edda L. (2008). Deep roots: rice farmers in West Africa and the African diaspora. Blacks in the diaspora. Indiana University Press. p. 32–34. ISBN 978-0-253-35219-4.
- ↑ National Geospatial-intelligence Agency (2005). Prostar Sailing Directions 2005 West Coast of Europe & Northwest Africa Enroute (9th ed.). ProStar Publications. p. 239. ISBN 1-57785-660-0.