Nomafrench Mbombo

Nomafrench Mbombo
Mbombo ka 2019
Tona wa kgaolo ya Kapa Bophirima wa botsogo
In office Firikgonga rogwa ngwaga wa 2015 – Seetebosigo a le lesome le boraro ngwaga wa 2024
Premier	Alan Winde Helen Zille
Pele Ga Gagwe	Theuns Botha
Morago Ga Gagwe	Mireille Wenger
Moeteledipele wa lekgotla la bomme la Democratic Alliance
In office Moranang a le malatsi a supa ngwaga wa 2018 – Moranang a le masome mabedi le borobabobedi ngwaga wa 2021
Deputy	Dr Arlene Adams Safiyia Stanfley
Pele Ga Gagwe	Denise Robinson
Morago Ga Gagwe	Dr Arlene Adams
Tona wa kgaolo ya Kapa Bophirima wa ngwao le metshameko
In office Motsheganong a le masome mabedi le borataro ngwaga wa 2014 – Firikgong a rogwa ngwaga wa 2015
Premier	Helen Zille
Pele Ga Gagwe	Ivan Meyer
Morago Ga Gagwe	Theuns Botha
Mopalamente wa kgaolo ya Kapa Bophirima
Incumbent
Assumed office Motsheganong a le masome mabedi le motso ngwaga wa 2014
Ka Ga Ena
O tsetswe	Lwetse a le malatsi a marataro ngwaga wa 1966 Mdantsane East London Aforika Borwa
Mokgatlho	Democratic Alliance
Bana	Ba babedi
Tiro	Mopolotiki

Nomafrench Mbombo ( o o tshotsweng ka Lwetse a le malatsi a marataro ngwaga wa 1966) ke morutuntshi le mopolotiki wa kwa Aforika Borwa o a saleng a nna mopalamente wa kgaolo ya Kapa Bophirima ka 2014, a emetse phathi ya Democratic Alliance. Pele o berekile e le tona wa ngwao le metshameko wa kgaolo ya Kapa Bophirima go tswa ka 2014 go tsena 2015, le e le tona wa botsogo wa kgaolo ya Kapa Bophirima go tswa ka 2015 go tsena 2024. Mbombo e ne e le moeteledipele wa lekgotla la bomme la Democratic Alliance go tswa ka 2018 go tsena 2021.

Botshelo jwa gagwe le thuto

Mbombo o tshotswe ka Lwetse a le malatsi a marataro ngwaga wa 1966. O goletse kwa Mdantsane, East London kwa e neng e le kgaolo ya Kapa pele.

O na le dithuto tsa PhD mo go tsa bong le ditshwanelo tsa setho go tswa kwa University of the Western Cape. Mbombo o nnile le di Masters tsa botsogo jwa bomme le bana go tswa kwa University of KwaZulu-Natal, le Bachelors ya booki go tswa kwa University of Fort Hare. O ne a thapiwa kwa maphateng a botsogo a Kapa Botlhaba le KwaZulu-Natal.

Pele ga a tsena mo sepolotiking, o ne a bereka e le morutuntshi kwa lephateng la botsogo jwa setšhaba kwa University of the Western Cape.

O berekile gape e le leloko la makgotla a a farologaneng, a akaretsa komiti ya lefatshe ya ditshekatsheko tse di bofitlha tsa go tlhokafala ga bomme ba ba itsholofetseng, NEPAD le ofisi ya UN ya ditshwanelo tsa setho: bomme le bong.

Ka ngwaga wa 2024, Mbombo o ne a fiwa tlotla ya borutintshi ka sekolo sa booki kwa University of the Western Cape, mo go gatelelang seabe sa gagwe mo lekalaneng la botsogo.

Tiro ya sepolotiki

Mbombo, o pele a neng a eme nokeng African National Congress, o ne a nna leloko la DA ka 2013,morago ga go tsenelela bokopano jwa DA jwa barutegi ba mmala o montsho.

Mbombo o ne a tlhophiwa go ya palamenteng ya kgaolo ya Kapa Bophirima ka ditlhopho tsa Motsheganong a le malatsi a robabobedi ngwaga wa 2014. O emetse kgaolo ya Philippi ya toropo ya Cape Town. Moeteledipele Helen Zille o ne a thapa Mbombo go nna tona wa ngwao le metshameko wa kwa Kapa Bophirima. O ne a tlhomamisiwa e le tona wa kgaolo ka Motsheganong a le masome mabedi le borataro ngwaga wa 2014.

Mbombo a apola mokwalo ka Lwetse 2014

Ka Morule 2014, moeteledipele Zille o ne a itsise fa Theuns Botha le Mbombo ba tlaa fapaanela maemo a bo tona. Mbombo o tlaa nna tona wa kgaolo wa botsogo, fa Botha a tlaa tsaya maemo a gagwe. Diphetogo tse di simolotse ka Firikgong a rogwa ngwaga wa 2015.

Ka 2018, moeteledipele wa nako eo wa lekgotla la bomme la DA Denise Robinson o ne a itsise gore o tlaa seke a emele ditlhopho gape mp setlheng se se latelang. Mbombo o ne a itsise fa a tlaa ema, a tlhophowa kwa bokopanong kwa phathi jwa Moranang a le malatsi a supa ngwaga wa 2018.

Ka Motsheganong 2019, moeteledipele o mosha Alan Winde o ne a itsise fa Mbombo a tlaa tswelela mo maemong a gagwe e le tona wa botsogo wa kgaolo.

Ka Phalane 2019, o ne a tlhomamisa fa a ema e le ntlhopheng wa bodulasetilo jwa Democratic Alliance morago ga Athol Trollip a sena go ithola marapo. O ne a latlhegelwa kgatlhanong le Ivan Meyer.

Ka Morule 2020,Mbombo o ne a kgalelwa go kwala mo maranyaneng a Facebook gore o mo malatsing a boitapoloso kwa Limpopo, ka legato la bobedi la segajaja sa COVID-19 kwa Kapa Bophirima. O ne a re ke boikhutso jo bo tshwanetseng jo a sa bolong go bo emela.

Ka Moranang a le masome mabedi le borobabobesi ngwaga wa 2021,Mbombo o ne a ithola marapo e le moeteledipele wa lekgotla la bomme ba DA. Go ithola marapo ga gagwe go tsile morago ga Bonginkosi Madikizela a sena go ithola marapo mo boeteledingpele jwa kgaolo le tona wa dipalamo le ditiro.

Ka Tlhakole 2023, Mbombo o ne a fiwa tlotla ya semmuso ya motlotlegi wa lenaneo la loaro kwa University of Cape Town, le le neng le tlhametswe go thusa go tlhama tikologo e e tlaa thatafatsabg baeteledipele mo makalanebg a bone a a farologaneng, go nna bagwetlhi ba diphetogo mo botsogong.

Morago ka 2023,Mbombo e ne e le mongwe wa batho ba ba neng ba atswiwa mo moletlong wa dietsele wa ngwaga le ngwaga wa Power of Women, mo lekalaneng la "mme o o busang". Seetsele se se lenoga seabe sa gagwe mo mohameng wa puso jaaka tona wa botsogo wa kgaolo ya Kapa Bophirima.

Morago ga gore DA e tswelele e le mo taolong ya Kapa Bophirima ka ditlhopho tsa kgaolo tsa 2024,Winde o ne a rola Mbombo marapo a tona wa kgaolo wa botsogo.

Botshelo jwa gagwe

Mbombo o ne a nyetswe, a na le bana ba babedi ba basetsana. Monna wa gagwe o tlhokafetse ka 2003.