Nomaindiya Mfeketo

Nomaindiya Mfeketo
Moemedi wa lefatshe la Aforika Borwa kwa America
In office Mopitlo 2020 – Phatwe 2023
President	Cyril Ramaphosa
Pele Ga Gagwe	M J Mahlangu
Mmatoropo wa Kapa
In office 1998–2000
Pele Ga Gagwe	Gerald Morkel
Morago Ga Gagwe	Peter Marais
In office 2002–2006
Pele Ga Gagwe	Gerald Morkel
Morago Ga Gagwe	Hellen Zille
Tona wa bonno
In office 2018–2019
Pele Ga Gagwe	Lindiwe Sisulu
Morago Ga Gagwe	Lindiwe Sisulu
Ka Ga Ena
O tsetswe	Tlhakole a le malatsi a marataro ngwaga wa 1952
Mokgatlho	African National Congress

Nomaindiya Mfeketo ke mopolotiki wa kwa Aforika Borwa o o berekileng e le moemedi wa Aforika Borwa kwa United States go tswa ka 2020 go tsena 2023, e le tona wa tsa bonno go tswa ka 2018 go tsena 2019,mothusa tona wa tsa mafatshe a sele le tirisanommogo go tswa ka 2009 go tsena 2014,le mmatoropo wa Kapa go tswa ka 1998 go tsena 2000 le ka 2002 go tsena 2006.

Tsa Pereko

Pele ga a tsenelela polotiki,Mfeketo o bereketse makgotla a e seng a puso a le mmalwa. Go tswa ka 1981 go tsena 1991 Mfeketo o berekile mo lekgotleng le le ikemetseng la temothuo la ZAKH morago a ya go berekela lekgotla la Social Change Assistance Trust (SCAT) go tswa ka 1991 go tsena 1992. Go tswa ka 1992 go tsena 1994, Mfeketo o ne a berekela Development Action Grouo (DAG) mo tirong ya go aga matlo.

Tiro ya sepolotiki

Ka 1993, o ne a tsaya karolo mo dipuisanong tsa go kopanya ditirelo tsa lefatshe le tse e seng tsa puso go baakanyetsa go fetogela kwa pusong ya batho ba ditso tse difarologaneng ga Aforika Borwa. Morago ga go bereka kwa DAG ga ga Mfeketo,o ne a tlhophiwa modulasetilo wa khansele ya ntlha ya puso ya batho ka batho kwa Kapa go tswa ka 1996 go tsena 1998 ka nakwana.

Mmatoropo

O ne a nna mosadi wa bone, e le wa ntlha wa mmala o montsho go nna mmatoropo wa toropo fa a ne a le mo maemong ao ka nakwana ka 1998. O ne a tlhophiwa mmatoropo gape morago ga  go fetogela kwa diphathong tse dingwe mo go neng ga fa phathi ya gagwe ya African National Congress (ANC), palo e ntsi mo khanseleng ya 2002, a tlosa Gerald Morkel wa Democratic Alliance (DA). O ne a mma mo maemong ao fo fitlhelela DA e nna mo taolong ya khansele gape ka 2006, morago Hellen Zille a tsaya puso. Mfeketo o dule mo ofising la ntlha ya go supiwa ka monwana ka tshenyetso setshaba, go thapa ba losika le go tlhoka go okamela sentle.

Palamente

Ka 2007, Mfeketo o ne a tlhophiwa go nna mo komiting ya ANC. Ka Motsheganong a le malatsi a marataro ngwaga wa 2009, Mfeketo o ne a tlhophiwa go nna mothusa motsamaisa dipuisano tsa palamente. Mfeketo o nnile mo maemong a go fitlhelela ka Motsheganong a le masome mabedi le motso ngwaga wa 2014, fa a ne a tlhatlhamiwa ke tona wa pele wa tirisanommogo,Lechesa Tsenoli.

Ka 2009, phathi ya DA e ne ya tswa ka magatwe a gore Mfeketo o amogetse kago ya manobonobo ya didikadike di robabobedi e le bontlha jwa lenaneo le la puso la matlo a matona kwa Kapa le Pretoria le ntswa a ne a le lefelo la bonno dikhilomithara di robabongwe kgakajana.

Moemedi wa lefatshe

Mfeketo o ne a tlhomiwa moemedi wa Aforika Borwa kwa United States ka 2020. Ditiro tsa gagwe jaka moemedi wa Aforika Borwa di kgadilwe ke babegadikgang ba Aforika Borwa, ba re ke matlhabisa ditlhong a matona le gore ke tlhakatlhakano.