Nomalungelo Gina

Nomalungelo Gina
Baleka Mbete Speaker of the U.S. House of Representatives
Modulasetilo wa komiti ya thuto go tswa kwa moding
O dirile Seetebosigo a le masome mabedi le bone ngwaga wa 2014 – Motsheganong a le malatsi a supa ngwaga wa 2019
Pele Ga Gagwe	Hope Malgas
Morago Ga Gagwe	Bongiwe Mbinqo-Gigaba
Mothusa tona wa maranyane
Incumbent
Assumed office Seetebosigo a le masome mararo ngwaga wa 2024
President	Cyril Ramaphosa
Minister	Blade Nzimande
Pele Ga Gagwe	Buti Manamela
Mothusa tona wa dikgwebo le madirelo
In office Motsheganong a le masome mabedi le borobabongwe ngwaga wa 2019 – Seetebosigo a le lesome le borobabongwe ngwaga wa 2024
President	Cyril Ramaphosa
Minister	Ebrahim Patel
Pele Ga Gagwe	Bulelani Magwanishe
Morago Ga Gagwe	Andrew Whitfield Zuko Godlimpi
Mopalamente
Incumbent
Assumed office Motsheganong a le malatsi a marataro ngwaga wa 1969
Ka Ga Ena
O tsetswe	Phalane a le masome mabedi le botlhano ngwaga wa 1969 NdwedweNatale
Mokgatlho	African National Congress
Dikamano tse dingwe tsa sepolotiki	South African Communist Party
Mo/Bakapelo	Cedric Gina
Thuto	Inanda Seminary School
Alma mater	University of Zululand

Nomalungelo Gina (o o tshotsweng ka Phalane a le masome mabedi le botlhano ngwaga wa 1969)  ke mopolotiki wa kwa Aforika Borwa o o tlholegang kwa KwaZulu-Natal, o a berekang e le mothusa tona wa maranyane fa e sale ka Seetebosigo 2024. O ne a emetse African National Congress kwa palamenteng fa e sale ka Motsheganong 2009.

Ke morutabana ka tiro, Gina o o tseneletse dipolotiki ka lekgotla la barutabana, e le modulasetilo wa komiti ya thuto go tswa kwa moding ka palamente ya botlhano. O ne a tsena mo palamenteng ka Motsheganong 2019 fa tautona Cyril Ramaphosa a mo tlhoma mothusa tona wa  tsa pereko le madirelo. O nnile mo ofising eo go fitlhelela morago ga ditlhopho tsa Motsheganong   2024, fa a ne a tlhomiwa mo maemong a a leng mo go one gompieno.

Botshelo jwa a le mmotlana le thuto

A tshotswe ka Phalane a le masome mabedi le botlhano ngwaga wa 1969, Gina o tlholega kwa Ndwedwe kwa kgaolong ya pele ya Natale (kwa e leng KwaZulu Natal). O alogile ka matrix kwa Inanda Seminary School a fetaa degree tsa gagwe tsa borutabana kwa University of Zululand. Ka nako eo o ne a tsenelela dipolotiki e le leloko la lekalana la Musa Dladla la African National Congress kwa Richards Bay.

Palamente:2009 go tsena 2019

Gina o tsene mo palamenteng ya Aforika Borwa ka ditlhopho tsa  Moranang 2009, e le ntlhopheng wa ANC kwa kgaolong ya botlhophi ya KwaZulu-Natal. Ka palamente ya bone, e ne e le leloko la komiti ya thuto e kgolwane le katiso gape e le motlhokomedi wa palamente wa ANC mo komiting ya thuto go tswa kwa moding.

Morago ga go tlhophiwa gape go ya palamenteng mo ditlhophong tsa Motsheganong 2014, ANC e ne ya itsise gore e tlaa mo tlhopha go go tlhatlhama Hope Malgas e le modulasetilo wa komiti ya thuto, ka Pinky Mokoto a tsena e le motlhokomedi o mosha wa ANC. O ne a tlhophiwa semmuso mo bodulasetilong ka Seetebosigo a le masome mabedi le bone ngwaga wa 2014, a nna mo setilong seo mo palamenteng ya botlhano yotlhe. Ka nako eo, Gina o ne a golafetse mo kotsing ya koloi fa a le mo loetong la komiti go ya dikolong kwa Kapa Winelands. Moemedi wa ANC Timothy Khoza o ne a tlhokafala mo kotsing eo, mapolotiki a kganetso Ian Ollis le Cynthia Majeke ba ne ba golafala le bone.

Mo palamenteng ya botlhano Gina gape e ne e le o o bitsang dikopano tsa lekgotla la dikomiti tsa palamente. Fa godimo ga foo, o ne a le mo komiting ya kgaolo ya South African Communist Party (SACP) kwa KwaZulu Natal. Bokopano jwa borobabobedi jwa kgaolo jwa SACP , bo ne jwa tshwarelwa kwa Pongola ka Phatwe 2018, kwa Gina a neng a tlhophiwa go tlhatlhama Nomvuzo Shabalala e le mothusa modulasetilo wa kgaolo wa SACP. Ke mothusa modulasetilo James Nxumalo.

Mothusa tona:2019 go tsena gompieno

Gina o ne a tlhophiwa gape kwa palamenteng ka Motsheganong 2019, a le mo maemong a boraro a a ANC a kgaolo ya botlhophi ya KwaZulu Natal.  Fa a itsise matona a gagwe ka Motsheganong a le masome mabedi le borobabongwe ngwaga wa 2019, tautona Cyril Ramaphosa o ne a tlhopha Gina go nna mongwe wa bathusi ba babedi ba tona wa pereko le madirelo. Mo lephateng le le neng le sa tswa go atolosiwa la pereko, madirelo le diphadisano, o berekile ka fa tlase ga Ebrahim Patel a bereka le Fikile Majola wa lekgotla la pereko.

Fa lekalana la KwaZulu Natal la ANC le tlhopha bo ntlhopheng ba lone pele ga ditlhopho, Gina o ne a le mo maemong a ntlha a kgaolo. O ne a tlhophiwa gape go ya palamenteng fa ditlhopho di tshwarwa ka Motsheganong 2024, ka Seetebosigo a le masome mararo ngwaga wa 2024 tautona Ramaphosa o ne a mo tlhoma mothusa tona wa maranyane ka fa tlase ga ga tona Blade Mzimande. O ne a tlhomamisiwa ka Phukwi a le malatsi a mararo.

Botshelo jwa gagwe

Monna wa ga Gina e ne e le mopolotiki wa ANC o a neng a le mo lekgotleng la pereko Cedric Gina, tautona wa pele wa lekgotla la babereki ba ditshipi; o tlhokafetse ka Tlhakole 2019. O na le bana ba le babedi.