Nomathemba Mokgethi

Nomathemba Mokgethi
Mokhanselara wa Gauteng
In office Morule a le malatsi a mabedi ngwaga wa 2020 – Phalane a le malatsi a supa ngwaga wa 2022
Premier	David Makhura
Pele Ga Gagwe	Bandile Masuku
Morago Ga Gagwe	Nomantu Nkomo-Ralehoko
Mokhanselara wa ditlhabololo
In office Seetebosigo a le lesome le borobabongwe ngwaga wa 2020 – Morule a le malatsi a mabedi ngwaga wa 2020
Premier	David Makhura
Pele Ga Gagwe	panyaza Lesufi
Morago Ga Gagwe	Morakane Mosupyoe
leloko la palamente ya kgaolo ya Gauteng
Incumbent
Assumed office 2018
Ka Ga Ena
Mosetshaba wa	mo Aforika Borwa
Mokgatlho	African National Congress
Alma mater	University of South Africa

Nomathemba Emily Mokgethi ke mopolotiki wa kwa Aforika Borwa o o berekileng e le mokhanselara wa botsogo wa kwa Gauteng go tswa ka 2020 go tsena 2022, o sale a nna mopalamente wa kgaolo ya Gauteng fa e sale ka 2018. E ne e le mokhanselara wa ditlhabololo ka Seetebosigo go tsena Morule 2020. Mokgethi ke leloko la African National Congress.

Botshelo jwa a le mmotlana le thuto

Mokgethi o tsholetswe kwa kgaolong ya Transvaal. O na le master of Arts ya maranyane a booki le doctorate ya dibuka le philosophy go tswa kwa University of South Africa.

Tiro

Mokgethi o berekile e le tona kwa mmasepaleng wa Merafong kwa Gauteng. E ne e le mookamedi wa mmasepala wa nakwana pele ga a thapiwa e le mookamedi wa mmasepala wa Tlokwe kwa Bokone Bophirima ka 2014. Morago ga ditlhopho tsa 2016 tsa mo gae, mmasepala wa JB Marks o ne wa tlhamiwaka go kopanya Tlokwe le Ventersdorp. Mokgethi o ne a thapiwa e le mookamedi wa mmasepala o mosha o o kopaneng. Ka Tlhakole 2018, o ne a ithola marapo mo maemong ao ka a ne a tlhomamisitswe e le leloko la puso ya Gauteng, a emetse African National Congress.

Ka 2018 gape, o ne a thapiwa mo komiting ya botautona go nna le seabe mo pegong ya dingwaga di le masome mabedi le botlhano fa e sale puso ya batho ka batho e simologa.

Ka Motsheganong 2019, Mokgethi o ne a tlhophiwa setlha se se tletseng e le leloko la puso ya kgaolo. O ne a diriwa modulasetilo wa komiti ya Co-operative Governance le dikgang tsa ngwao, le bonno. O ne a thapiwa gape e le leloko la komiti ya madi a setshaba (SCOPA) le komiti ya badulasetilo ba badulasetilo.

Ka Seetebosigo a le lesome le borobongwe ngwaga wa 2020, Mokgethi o ne a thapiwa e le mokhanselara o o itebagantseng le lephata la kgaolo ya ditlhabololo. O ne a tlhatlhama Panyaza Lesufi, o a neng a tshwareletse mo maemong ao morago ga go tlhokafala ga ga Thuliswa Nkabinde-Khawe ka Ngwanaitseele 2019. O nnile mo maemong ao go fitlhelela ka Morule, fa a thapiwa e le mokhanselara wa botsogo. Mokgethi o ne a seka a akarediwa mo khanseleng ka tswakanyo ya matona e e dirilweng ke moeteledipele o mosha wa Gauteng ka Diphalane a tlhola malatsi a le supa ka ngwaga wa 2022.

Mokgethi o nnile gape mo maemong a boeteledipele mo makgotleng a kgaolo a ANC, lekgotla la bomme la ANC le tirisanommogo ya makgotla a mararo.