Nomvuyo Mhlakaza-Manamela

Nomvuyo Mhlakaza-Manamela Mopalamente
Mothusa motsamaisa dipuisano tsa palamente ya kgaolo ya Gauteng
Incumbent
Assumed office Phukwi a le lesome lebobedi ngwaga wa 2024
Motsamaisa dipuisano tsa palamente	Morakane Mosupyoe
Pele Ga Gagwe	Refiloe Nt'sekhe
In office Motsheganong 2019 – Motsheganong 2024
Motsamaisa dipuisano tsa palamente	Ntombi Mekgwe
Pele Ga Gagwe	Nomantu Nkomo-Ralehoko
Morago Ga Gagwe	Refiloe Nt'sekhe
Ka Ga Ena
Moagi Wa	mo Aforika Borwa
Mokgatlho	African National Congress
Dikamano tse dingwe tsa sepolotiki	South African Communist Party
Mo/Bakapelo	Buti Manamela

Nomvuyo Memory Mhlakaza-Manamela ke mopolotiki wa kwa Aforika Borwa o o berekileng e le mothusa motsamaisa dipuisano tsa palamente ya kgaolo ya Gauteng go tswa ka Motsheganong 2019, le ka Phukwi 2024. Ke motlhatlhaledi wa tsa badiri ka katiso, ke leloko la African National Congress (ANC).

Tiro ya gagwe ya pele le thuto

Mhlakaza-Manamela o na le BTech degree ya go okamela badiri go tswa kwa Tshwane University of Technology. O simolotse tiro ya gagwe kwa lephateng la tlhokomelo badiri kwa National Cooperative Association of South Africa le feme ya Industrial Development Corporation and computer firm CSS Tirisano. O ne a ya go bereka kwa ATCOM John Thompson go tswa ka 2007 go tsena 2010 le kwa lekgotleng la tlhabololo banana go tswa ka 2010 go tsena 2013.

Ka 2017, o ne a thapiwa e le mookamedi wa phiro kwa mmasepaleng wa Ekurhuleni. O berekile gape e le mookamedi mo makgotleng a mafelo a a farologaneng a setshaba, a akaretsa PetroSA, State Information and Technology Agency, le go tswa ka 2013 go fitlhelela a ithola marapo ka 2016, kwa South African Broadcasting Corporation (SABC).

Mo nakong eo, Mhlakaza-Manamela o ne a le matlhagatlhaga mo phathing ya gagwe ya sepolotiki ya ANC. Pele e ne le leloko la komiti kgolo ya phathi ya baithuti le lekgotla la banana, o ne a tlhophiwa mo komiting ya kgaolo ya Gauteng ka 2018 le 2022. Ke  leloko gape la South African Communist Party (SACP), le le berekisang thata le ANC, a bereka le mo palanenteng ya kgaolo ya SAPC le legkgotla la banana.

Tiro ya palamente

Ka ditlhopho tsa 2019, o ne a tlhophiwa mo palamenteng ya Gauteng, a le mo maemong a masome mabedi le bobedi a lenaane la kgaolo la ANC. ANC e le yone e nang le maloko a mantsi mo palamenteng, e ne ya mo tlhopha go nna mothusa motsamaisa dipuisano tsa kgaolo a bereka ka fa tlase ga ga motsamaisa dipuisano Ntombi Mekgwe.

Ka Seetebosigo 2022, lekgotla la National Prosecuting Authority le ne la itsise fa le tlaa sekisa Mhlakaza-Manamela ka molato wa go betsa ka maikaelelo a go utlusa botlhoko. O ne a lebisiwa molato wa go betsa lepodisi Lizzy Mojapelo ka Tlhakole 2020. Mojapelo o ne a itsholofetse ka nako eo. Mhlakaza-Manamela o tlhageletse e le lantlha kwa kgitlatshekelong ya ga mmakaseterata ka Phatwe 2022.

Morago ga ditlhopho tsa kgaolo tsa 2024, Mhlakaza-Manamela o ne a tlhatlhamiwa ke Refiloe Nt'sekhe wa DA e le mothusa motsamaisa dipuisano. Mhlakaza-Manamela o ne a tlhophiwa gape e le mothusa motsamaisa dipuisano tsa palamente morago ga go ithola marapo ga ga Nt'sekhe morago ga go ikgogela morago ga DA mo dipuisanong tsa puso ya kgaolo