Nomvuzo Shabalala

Nomvuzo Shabalala
Mopalamente wa Aforika Borwa
In office Phatwe a le lesome le bone ngwaga wa 2018 – Morule a le masome mabedi leborataro ngwaga wa 2020
Morago Ga Gagwe	Nkosinathi Dlamini
Mothusa mmatoropo wa EThekwini
In office 2011–2016
Pele Ga Gagwe	Logie Naidoo
Morago Ga Gagwe	Fawzia peer
Ka Ga Ena
O tsetswe	Moranang a le masome mabedi le borataro ngwaga wa 1960
O Tlhokafetse	Morule a le masome mabedi le borataro ngwaga wa 2020
Mosetshaba wa	mo Aforika Borwa
Mokgatlho	African National Congress South African Communist Party
Tiro	Mopolotiki

Nomvuzo Fransisca Shabalala (o o tshotsweng ka Moranang a le masome mabedi le borobabongwe ngwaga wa 1960  a tlhokafala ka Morule a le masome mabedi le borataro ngwaga wa 2020) e ne e le mopolotiki wa kwa Aforika Borwa. E ne e le lekolo la African National Congress le South African Communist Party. Go tswa ka 2011 go tsena 2016 e ne e le mothusa mmatoropo wa mmasepala wa eThekwini. Ka 2018, Shabalala o ne a tlhomamisiwa e le mopalamente.

Thuto

Shabalala o tshotswe ka Moranang a le masome mabedi le borobabongwe ngwaga wa 1960. O feletse ka lokwalo lwa lesome le motso fela fa a tsena sekolo. O ithutetse programming and word processing kwa Mangosuthu Technikon le tlhokomelo ya matlakala kwa Natal Technikon. Kwa Durban Commercial College, o ne a ithutela di accounts le go tshwara dibuka ga mmogo le word processing e e tseneletseng. Shabalala o ne a dira thuto ya boeteledipele kwa University of Pretoria.

Tiro ya sepolotiki

Shabalala o berekile e le mothusa modulasetilo wa kgaolo ya borwa jwa Durban ka 2001 go tsena 2002. Ka 2011, o ne a tlhopiwa mothusa mmatoropo wa mmasepala wa eThekwini a tlhatlhama Logie Naidoo. Ngwaga o o latelang o ne a tlhophiwa mo komiting ya ANC ya kgaolo. Shabalala o dile mo komiting eo ka 2015. Ka 2015 gape, Shabalala o ne a tlhophiwa e le mothusa modulasetilo wa South African Communist Party.

Ka Tlhakole 2016, Shabalala o ne a re letsholo la #FeesMustFall ke letsholo la sepolotiki le le thusiwang ke makgotla a mafatshefatshe a a lekang go supa sengwe. Ka Phatwe 2016, Fawzia Peer o ne a tlhophiwa go mo tlhatlhama e le mothusa mmatoropo wa eThekwini. Shabalala o ne a tlhophilwe mo komiting ya legare ya SACP kwa bokopanong jwa ngwaga le ngwaga jwa lesome le bone ka Phukwi 2017. Ka Phatwe a le lesome le bone ngwaga wa 2018, Shabalala o ne a tlhomamisiwa e le mopalamente. O ne a diriwa leloko la tlaleletso la komiti ya magae le leloko la komiti ya tirisanommogo le ngwao. Nomalungelo Gina o ne a mo tlhatlhama e le mothusa modulasetilo wa SAPC kwa bokopanong jwa kgaolo ka Phatwe 2018.

Kwa ditlhophong tsa Motsheganong 2019, Shabalala o ne a tlhophiwa e le mopalamente sebaka se se tletseng. O ne a isiwa komiting e e kopaneng ya boitsholo le dikgatlhego tsa maloko le komiti ya thuto go tswa kwa moding.

Loso

Shabalala o tlhokafetse ka ntlha ya malwetsi a tsamaelanang le COVID-19 ka Morule a le masome mabedi le borataro ngwaga wa 2020, ka nako ya segajaja seo se tlhasetse kwa Aforika Borwa.