Norbert Ratsirahonana

Nobert Lala Ratsirahonana
Ratsirahonana ka 1996
Motshwarelela tautona wa Madagascar
In office Lwetse a le malatsi a matlhano ngwaga wa 1996 – Tlhakole a robabongwe ngwaga wa 1997
Prime Minister	Ene
Pele Ga Gagwe	Albert Zafy
Morago Ga Gagwe	Didier Ratsiraka
Mothusa tonakgolo wa lesome le borataro wa Madagascar
In office Motsheganong a le masome mabedi le borobabobedi ngwaga wa 1996 – Tlhakole a le masome mabedi le motso ngwaga wa 1997
President	Albert Zafy (a tshwareletse) Ene Didier Ratsiraka
Pele Ga Gagwe	Emmanuel Rakotovahiny
Morago Ga Gagwe	Pascal Rakotomavo
Ka Ga Ena
O tsetswe	Ngwanatsele a le lesome le borobabobedi ngwaga wa 1938 Antsaranana Madagascar
Mokgatlho	Judged by Your Work Party
Mo/Bakapelo	Sahondra RakotondravalyRatsirahonana

Norbert Lala Ratsirahonana (o o tshotsweng ka Ngwanatsele a le lesome le borobabobedi ngwaga wa 1938) ke mopolotiki wa kwa Madagascar o o berekileng e le mothusa tonakgolo wa lesome le borataro wa Madagascar le tautona o o tshwareletseng wa Madagascar go tswa ka 1996 go tsena ka 1997.

Botshelo jwa gagwe le tiro

O tsholetswe kwa Antsiranana, kwa kgaolong ya Diana. O tlhamile a bo a etelela pele phathi ya Vita no Ifampitsarana, e e neng e eme kgatlhanong Didier Ratsiraka. Ene le phathi ya gagwe e ne e le bontlha jwa lekgamu le le tlhophileng Albert Zafy go nna tautona ka 1993. Ratsirahonana o ne a nna tautona wa kgotla tshekelo e tona.

Ka Motsheganong a le masome mabedi leborobabobedi ngwaga wa 1996, fa mothusa tonakgolo a ne a thankgolwa ke palamente ka tlhopho ya go tlhoka go mo tshepha, Zafy o ne a thapa Ratsirahonana mo maemong ao. Moragonyana, Zafy o ne a tshwarwa, ka Lwetse a le malatsi a matlhano ngwaga wa 1996, Ratsirahonana o ne a nna motshwarelela botautona jwa Madagascar. Ditlhopho tsa botautona di ne tsa tshwarwa ka Lwetse a le malatsi a matlhano ngwaga wa 1996, Ratsirahonana a di emela, a nna mo maemong a bone (a setse morago Ratsiraka, Zafy le Herizo Razafimahaleo) ka 10.14% ya tlhopho. Ratsirahonanan o ne aema nokeng Zafy mo legatong la bobedi, lo lo neng lo tshwerwe ka Morule a le masome mabedi le borobabongwe, mme Ratsiraka a fenya; Ratsirahonana o ne a tlogela maemo a botautona fa Ratsiraka a tlhomamisiwa, ka Tlhakole a robabongwe ngwaga wa 1997. Malatsi a le lesome le bobedi morago, o nea latlhegelwa gape ke maemo a mothusa tonakgolo fa Ratsiraka a thapa mongwe wa ba ba mo emeng nokeng. AVI e ne ya nna phathi e tona ya kganetso, le ntswa e ne ya wela tlase, e fenya ka ditilo di le lesome le boraro fela mo go tse di lekgolo le masome a matlhano ka ditlhopho tsa palamente tsa 1998.

Ratsirahonana o ne a nna modulasetilo wa komiti kgolo ya bokopano jwa setlhopha sa Panorama ka Lwetse 1997.

Ratsirahonana o ne a ikgogela morago mo ditlhophong tsa botautona tsa Morule 2001 a ema nokeng go ema ga ga Marc Ravalomanana. O ne a thapiwa go nna moemedi wa ga tautona mo tsamaisong ya ga Ravalomanana. K a 2006, le fa go ntse jalo, Ratsirahonana o ne a ithola marapo mo ofising; ka Phatwe 2006 o ne a itsise fa a emetse ditlhopho tsa botautona tsa Morule 2006. Go ya ka maduo a semmuso, o amogetse 4.22% ya ditlhopho a nna mo maemong a botlhano. Maduo a gagwe a a gaisang ke a kwa kgaolong ya Antananarivo kwa a amogetseng 7.14% ya tlhopho.

Mo mekubukubung ya sepolotiki ya 2009, fa sesole se bega gore se tlhoma mogogi wa kganetso Andry Rajoelina moeteledipele wa lefatshe ka mopitlo a le lesome le bosupa ngwaga wa 2009, Ratsirahonana o ne a le teng e le motsamaisa tiro. Rajoelina o ne a tlhoma High Authority of the Transition (HAT) go nna yone e e busang, Ratsirahonana o ne a thapiwa go nna mongwe wa maloko a HAT a a masome mane le bone ka Mopitlo a le masome mararo le motso ngwaga wa 2009.