Nozipho Bhengu

Nozipho Bhengu (o o tshostweng ka 1974 a tlhokafala ka Motsheganong a le lesome le borobabongwe ngwaga wa 2006) e ne e le mme wa mo Aforika Borwa o go tlhokafala ga gagwe mo go bakilweng ke bolwetsi jo bo tsamaelanang AIDS, go neng ga gakatsa manganga a gore AIDS e tshwarwa ka tsela e e ntseng jang kwa Aforika Borwa.Nozipho o ne a itsege kwa Aforika Borwa ka a ne a bua phatlalatsa ka bolwetsi jwa gagwe le go gana go tsaya kalafi ya AIDS, a itlhophela go dirisa kalafi ya tlholego.

Go lemogilwe fa a na le mogare wa HIV ka 1998, Nozipho Bhengu o ne a tsena mo kalafing ya tiriso ya diritibatsi tsa antiretrovirals go fitlhelela ka 2001. Ka nako eo o ne a gwetlhiwa ke tona wa botsogo Manto Tshabalala-Msimang le moitseanape a wa dijo Tine van der Maas gore diritibatsi di na le maduo a a kotsi, le gore go ka berekela seemo sa gagwe go leka dijo tsa surunamune le garlic. Tona wa botsogo o ne a inolwa re "ga ke iste ditlamorago dipe tse di sa siamang tsa go ja dijo tse di siameng". Mmaagwe Bhengu, Ruth Bhengu, e le wa semolao wa African National Congress o ne a bua ka ditumelo tsa ngwana wa gagwe mo mafokong a a neng a a bua kwa palamenteng. Morago ga mafoko ao, maiteko a ga Nozipho Bhengu a go alafa bolwetsi jwa gagwe e ne ya nna kitso phatlalatsa mo Aforika Borwa.

Bhengu o tlhokafetse ka Motsheganong a le lesome le borobabongwe ngwaga wa 2006. Ka nako ya fa a tlhokafala o ne a kwala buka, From Victim to Victor, e e neng e bua ka maiphitlhelo a gagwe, mme ga e a ka ya fela. Fa a tlhokafala, letsholo la Treatment Action le ne la mo galaletsa ka go bua phatlalatsa ka bolwetsi jwa gagwe, mo letlhakoreng le lengwe ba re go ne go sa tshwanela gore o ka bo a tlhokafetse.

Manto Tshabala-Msimang o ne a laleditswe kwa phitlhong ya gagwe ka Motsheganong a le masome mabedi le bone. O ne a romela moemedi o a neng a goelelwa ke bangwe ba ba neng ba tseneletse phitlho.