Onicca Moloi
| Mopalamente wa kgaolo ya Limpopo | |
|---|---|
| In office Motsheganong a le masome mabedi le motso ngwaga wa 2014 – Motsheganong a le malatsi a supa ngwaga wa 2019 | |
| Mokhanselara wa metshameko, botaki le ngwao kwa Limpopo | |
| In office Lwetse a le lesome le botlhano ngwaga wa 2016 – Phukwi a le malatsi a mararo ngwaga wa 2018 | |
| Premier | Stan Mathabatha |
| Pele Ga Gagwe | Nandi Ndalane |
| Morago Ga Gagwe | Thandi Moraka |
| Ka Ga Ena | |
| O tsetswe | 1979 kgotsa 1980 |
| Mokgatlho | African National Congress |
Mmaneo Onicca Moloi (o o tshotsweng ka 1979 kgotsa 1980) ke mopolotiki wa kwa Aforika Borwa le mogwebi o a neng a emetse African National Congress (ANC) kwa pusong ya kgaolo ya Limpopo go tswa ka 2014 go tsena 2019. E ne e le mokhanselara wa Limpopo wa metshameko, botaki le ngwao go tswa ka Lwetse 2016 go fitlhelela ka Phukwi 2018, fa a kwala phatlalatsa mo maranyane a Facebook a bo a ithola marapo. O ithutetse kapei, o tlhatlogile maemo mo sepolotiking ka lekalana la Limpopo la lekgotla la ANC la banana.
Thuto le tiro ya pele
[fetola | Fetola Motswedi]Moloi o tshotswe ka 1979 kgotsa 1980[1][2],o na le degree ya political Science.[3] O nnile matlhagatlhaga mo polotiking e le leloko la lekgotla la baithuti la SASCO e le motshwara madi a lekalana la Limpopo la SASCO go tswa ka 2001 go tsena 2002. Pele o ne a tlhophilwe mo komiting ya ANCYL kwa Limpopo ka 2003.[3] Ngwaga one oo, o ne a simolola tiro e le mosekaseki mo ofising ya motlhokomedi wa ANC kwa kgaolong ya Limpopo.[3] O berekile gape e le moapei o o tlhomamisitsweng.[3][4]
Tiro ya gagwe mo pusong ya kgaolo
[fetola | Fetola Motswedi]Ka ditlhopho tsa 2014, o ne a tlhophiwa a le mo maemong a lesome le borobabongwe a lenaane la ANC la kgaolo.[5] O ne a bonwa a ka nna ntlhopheng wa modulasetilo wa lekgotla la banana la ANCYL kwa Limpopo[2], mme o ne a seka a emela ditlhopho tsa maemo ao. Ka Lwetse a le lesome le botlhano ngwaga wa 2016, Stan Mathabatha, o e neng e le moeteledipele wa Limpopo wa nako eo, o ne a itsise tswakanyo ya khansele ya Limpopo e mo go yone Moloi a neng a tlhomiwa mokhanselara wa metshameko, botaki le ngwao[6]. Go ya ka Moloi, e ne e le mokhanselara o mmotlana go ba fetisa botlhe kwa Limpopo ka nako eo. Ka nako ya gagwe a le mo ofising, Moloi o ne a gotlhagotlhana le molweladitshwanelo wa ANCYL Che Selane, o a neng a re Moloi o letleletse lephata la gagwe go neela kompone ya monna wa gagwe konteraka ya lefatshe; Moloi o ne a re kgang eo ke go mo senya leina m, a tshosetsa go sekisa Selane.[7]
Kwa bokopanong jwa phathi jwa ditlhopho ka Seetebosigo 2018, Moloi o ne a dira letsholo la go fenya Basikopo Makamu e le mothusa mokwaledi wa kgaolo wa ANC kwa Limpopo. Le fa go ntse jalo, o ne a fenngwa ke Makamu, a retelelwa ke go bona tlhopho go tsena mo komiting kwa bokopanong joo;[8][9] pampiri ya Zoutpansberger e ne ya bega gore Moloi o ne a gana go emela tlhopho ya go tsena mo komiting morago ga go latlhegelwa ke maemo a mothusa mokwaledi.[10] Morago ga bokopano, ka Phukwi a le malatsi a mabedi ngwaga wa 2018, Moloi o ne a kwala mo maranyaneng a Facebook, a kwalela baruti ba Masana, mo go se eNCA e neng ya se bega e le go tsamaelana le lefelo la boroko le le etelwang thata ke baeteledipele ba phathi ba kgaolo eo.[8] Mokwalo o o, o ne o balega jaana:
Go baruti ba Masana....lo seka lwa tshwenyega, re tlaa romela makwalo a rona a go ithola marapo le go busa dikoloi ka Labotlhano go lo tlhofofaletsa tiro. Ga re a nna maloko a ANC re batla dikoloi...weno Onnica Moloi.[11]
Mo kakgelong e e latelang, Moloi o ne a kwala:
He he he...rona re itse dibe tsa rona. Re ganne go ya dikopanong tsa morago ga nako. Re ganne go bolelelwa gore re kwale eng mo maranyaneng, re dumedise mang, re ye meletlong efe le gore dikakanyo tsa rona ka Peter Mokaba e nne eng.[11]
Mokwaledi wa ANC wa kgaolo Soviet Lekganyane o ne a kgala mekwalo eo are di tshwana le fa Moloi a ka bo a ngata phathi ka mamina.[11] Mekwalo ya gagwe e ne e bonwa e le tsela ya go ithola marapo e se ka fa semmusong, letsatsi le le latelang moeteledipele Mathabatha o ne a tlhomamisa gore o amogetse lokwalo lwa ga Moloi la go ithola marapo ka ponyo ya leitlho.[11] Morago ka Phukwi, Thandi Moraka o ne a mo tlhatlhama e le mokhanselara.[9] Moloi o ne a re o tlaa tswelela e le leloko fela la puso ya kgaolo le leloko la ANC mme a eletsa go itebaganya le dithuto tsa gagwe le tiro ya kapei.[1] O dule mo setilong sa gagwe sa puso ka ditlhopho tsa 2019, kwa a neng a emela ditlhopho kwa palamenteng.[5] Le fa go ntse jalo o ne a le mo maemong a lekgolo, masome a robabobedi le bone mo lenaaneng la ANC a seka a bona tlhopho. Ka 2021, o ne a bereka e le moapei le moitseanape wa dijo.[12]
Botshelo jwa gagwe
[fetola | Fetola Motswedi]Moloi o na le bana ba le bararo, basimane ba babedi le mosetsana a le mongwe.[4] O nnile le ngwana wa gagwe wa ntlha a le dingwaga di le lesome le bosupa. Ka 2007, o ne a nyalwa ke Kabelo Moloi.[13]
Metswedi
[fetola | Fetola Motswedi]- 1 2 "Onicca Moloi on the go with multiple projects". Sowetan. 12 September 2018. Retrieved 01 December 2025
- 1 2 Moloto, Moloko (23 December 2014). "Woman set to chair ANCYL". IOL. Retrieved 01 December 2025
- 1 2 3 4 "MEC Profile". Limpopo Department of Sport, Arts and Culture. Retrieved 01 December 2025
- 1 2 Import, Pongrass (14 September 2016). "Onicca Moloi, a woman of many talents". Polokwane Observer. Retrieved 01 December 2025
- 1 2 "Mmaneo Onicca Moloi". People's Assembly. Retrieved 01 December 2025
- ↑ "Limpopo cabinet reshuffled". eNCA. 15 September 2016. Retrieved 01 December 2025
- ↑ "Limpopo MEC threatens legal action against provincial ANCYL leader". Sunday Times. 21 September 2017. Retrieved 01 December 2025
- 1 2 "'MEC Wodumo' Onicca Moloi resigns". eNCA. 3 July 2018. Archived from the original on 23 January 2023. Retrieved 01 December 2025.
- 1 2 Makhafola, Getrude (27 July 2018). "Limpopo ANC appoints new members to the executive council". IOL. Retrieved 01 December 2025
- ↑ "Shock as MEC Moloi resigns". Zoutpansberger. 6 July 2018. Retrieved 01 December 2025
- 1 2 3 4 "Limpopo MEC Onicca Moloi resigns after 'insulting' Facebook post". News24. 3 July 2018. Retrieved 01 December 2025
- ↑ "A Woman Belongs: Onicca Moloi Drops Politics To Pursue Her Dream In Hospitality". Art of Superwoman. 13 August 2021. Retrieved 01 December 2025
- ↑ "'MEC Wodumo' throws her hubby out over money". Sowetan. 11 March 2018. Retrieved 01 December 2025