Oratile nowe

Oratile Nowe

Personal information
Nationality	Botswana
Born	(2000-05-20) 20 May 2000
Sport
Sport	(2000-05-20) 20 May 2000
Event(s)	Middle distance running
Achievements and titles
Personal best(s)	800m: 1:56.76 (Chorzów, 2025) Tempolete:AthAbbr 1000m: 2:40.87 (Pretoria, 2024) Tempolete:AthAbbr 1500m: 4:11.50 (Pretoria, 2025) Tempolete:AthAbbr
Medal record Women's Athletics Representing Botswana African Games 2019 Rabat 4x400m relay 2023 Accra 4x400m relay

Oratile Nowe (yo o tshotsweng ka kgwedi ya Motsheganong ele masome a mabedi (20) ka ngwaga wa 2000) ke motabogi go tswa kwa Botswana. Ke mmampodi wa bosetšhaba makgetlho a le mantsi le motshodi wa rekoto ya bosetšhaba mo dimitara di le 800, dimitara di le 1000, le dimitara di le 1500.

Tiro

Nowe o godile a tshameka kgwele ya dinao pele a tsepamisa mogopolo mo mabelong, mme o ne a gaisana jaaka motabogi wa sekgala se seleele. Ke leloko la Serowe Athletics Club. O ne a nna wa bobedi mo lebelong la 5000 metres kwa Botswana Games ka 2015.

Ka ngwaga wa 2019, o ne a gapa seetsele sa selefera kwa metshamekong ya 2019 African Games kwa Rabat mo kgaisanong ya basadi ya 4 × 400 metres relay.

O ne a fenya 800m kwa Botswana Championships ka Motsheganong 2023 kwa Gaborone. Ka kgwedi ya Phatwe 2023, o ne a tlhoma rekoto ya bosetšhaba ya nako ya 2:01.62 mo mmetareng ya 800 kwa Metshamekong ya Lefatshe ya Mabelo ya 2023 kwa Budapest. O ne gape a le karolo ya setlhopha sa basadi sa Botswana sa 4x400m relay.

O ne a taboga 2:01.62 gape go fetsa a le wa botlhano kwa Metshamekong ya Aforika ya 2023 kwa Accra ka kgwedi ya Mopitlo 2024. Mo dikgaisanyong tseo gape o ne a gapa seetsele sa boronse mo kgaisanong ya basadi ya 4x400m relay. Ka kgwedi ya Moranang 2024, o ne a taboga ka lebelo le le gaisang la 1:59.69 mo metareng ya 800 kwa Cape Town. E ne e le lekgetlho la ntlha a le ka fa tlase ga metsotso e le mebedi mme a tlhoma rekoto e ntšha ya bosetšhaba.

Ka kgwedi ya Motsheganong 2024, o ne a tlhophiwa jaaka Botswana Sportswoman of the Year. O ne a gaisana mo metshamekong ya di-Olympic tsa Selemo tsa 2024 kwa Paris ka kgwedi ya Phatwe ka ngwaga wa 2024 mo kgaisanong ya dimetara di le 800.

Ka Moranang a le lesome le bobedi 2025, o ne a tokafatsa rekoto ya gagwe ya bosetšhaba go ya go 1:58.96 kwa Gaborone. O ne a taboga ka lebelo le le gaisang la gagwe la 1:58.47 mo metareng ya 800 kwa Kip Keino Classic kwa Nairobi ka kgwedi ya Motsheganong ele masome a mararo le bongwe (31)2025. O ne a nna wa borataro mo metareng e le 800 ka kgwedi ya Seetebosigo 2025 kwa Stockholm kwa kgaisanong ya 2025 BAUHAUS-galan, karolo ya 2025 Diamond League. O ne a tlhoma rekoto ya bosetšhaba ya 1:57.49 go wetsa mo maemong a bobedi mo metareng ya 800 kwa Golden Spike Ostrava ka kgwedi ya Seetebosigo ale masome a mabedi le bone(24). O ne a tlhoma rekoto e ntšhwa ya bosetšhaba kwa 2025 Kamila Skolimowska Memorial, kwa Poland, ka go taboga ka 1:56.76 go fetsa e le wa boraro kwa morago ga Lilian Odira le Keely Hodgkinson mo dimetareng tse 800. Ka Phatwe a le masome mabedi, o ne a nna wa botlhano ka 800 metres kwa 2025 Athletissima mo maemong a a metsi kwa Lausanne.

Ka kgwedi ya Lwetse 2025, o ne a ya kwa sekamakgaolakgannyeng mo dikgaisanong tsa bomme tsa dimetara di le 800 kwa Metshamekong ya Lefatshe ya Athletics ya 2025 kwa Tokyo, Japan.