Pam Tshwete

Pamela Tshwete
Mothusa tona wa bonno
Incumbent
Assumed office Phatwe a le malatsi a matlhano ngwaga wa 2021
President	Cyril Ramaphosa
Minister	Mmamoloko Kubayi
Mopalamente
Incumbent
Assumed office 2002
Mothusa tona wa bonno, metsi le kgopo leswe
In office Motsheganong a le masome a mararo ngwaga wa 2019 – Phatwe a le malatsi a matlhano ngwaga wa 2021
President	Cyril Ramaphosa
Minister	Lindiwe Sisulu
Mothusa tona wa metsi le kgopo loso
In office Phukwi a le lesome ngwaga wa 2013 – Motsheganong a le masome mabedi le botlhano ngwaga wa 2014
President	Jacob Zuma Cyril Ramaphosa
Minister	Nomvula Mokonyane Gugile Nkwiti
Mothusa tona watlhabololo magae le ditsha
President	Jacob Zuma
Minister	Gugile Nkwinti
Pele Ga Gagwe	Lech Tsenoli
Morago Ga Gagwe	Candith Mashego-Dlamini Mcebisi Skwatsha
Ka Ga Ena
O tsetswe	Phalane a le malatsi a mararo ngwaga wa 1951 Kapa Botlhaba
Mo/Bakapelo	Steve Tshwete
Botsalano	Monde Zondeki

Pamela Tshwete (o o tshotsweng ka Phalane a le malatsi a mararo ngwaga wa 1951) ke mopolotiki wa kwa Aforika Borwa go tswa kwa Kapa Botlhaba. O bereka e le mothusa tona wa bonno fa e sale ka Phatwe 2021. O sale a nna mopalamente ka 2002 le mothusa tona ka 2013.

Ka dingwaga tsa gagwe tsa ntlha tse di lesome mo palamenteng, Tshwete o ne a bereka mo African National Congress (ANC) e le motlhokomedi, pele e le motlhokomedi wa komiti le e le motlhokomedi wa kgalemo go tswa ka 2009 go tsena 2013. Tautona Jacob Zuma o ne a mo thapa e le mothusa tona ka Phukwi 2013; e ne e le mothusa tona wa ditlhabololo magae le ditsha go tswa ka 2013 go tsena 2014, le mothusa tona wa metsi le kgopo leswe go tswa ka 2014 go tsena 2019. Morago ga ditlhopho tsa 2019, tautona Cyril Ramaphosa o ne a thapa Tshwete go nna mothusa tona wa bonno, metsi le kgopo leswe, e le lephata le lesha; aikarabelo a gagwe e ne e le go okamela tsa bonno, o nnile mo maemong ao fa lephata le kgaogana gape ka Phatwe 2021.

Ke moswagadi wa ga Steve Tshwete, o nnile leloko la ANC fa a tshabile ka nako ya puso ya tlhaolele, morago a nna le seabe mo lekgotleng la bomme ba ANC. O sale a nna leloko la komiti ya ANC fa e sale ka Morule 2012.

Botshelo jwa a le mmotlana le go lweladitshwanelo

A tshotswe ka Phalane a le malatsi a mararo ngwaga wa 1951, Tshwete o alogile ka matric kwa Zwelitsha High School kwa King Williams kwa e neng e le kgaolo ya Kapa pele. O ne a nna leloko la ANC fa a tshabile. Ka nako eo o ne a ithutela booki kwa Lusaka, Zambia.

Fa a boela gae morago ga go tshaba, Tshwete o ne a nna molweladitshwanelo, o ne a le matlhagatlhaga mo makgotleng a ANC a masha kwa Mdantsane le Peelton. O ne a tlhophiwa mo komiting ya lekgotla la bomme ba ANC lantlha ka 1993, a ya go direla mo komiting eo kwa Kapa Botlhaba

Kwa morago mo palamenteng: 2002 go tsena 2013

Tshwete o ne a tlhomamisiwa kwa palamenteng ka 2002. O ne a tlhophilwe setlha se se tletseng mo mannong a ditlhopho tse di latelang, pele a emetse kgaolo ya botlhophi ya Kapa Botlhaba, le ntswa morago a ne a kwalwa mo lenaaneng la ANC. Mo dingwageng tse di lesome tse di latelang, o ne a bereka e le motlhokomedi wa ANC mo metseletseleng ya dikomiti, go tswa ka 2009 go tsena 2013, e ne e le motlhokomedi wa kgalemo mo ANC, a bereka ka fa tlase ga ga motlhokomedi mogolo Mathole Motshekga.

Ka nako e, Tshwete o ne a tlhatloga maemo mo ANC. Pele ga bokopano jwa masome a matlhano le bobedi jwa ANC, Tshwete o ne a tlhophiwa go emela ditlhopho tsa komiti kgolo ya ANC; go ema ga gagwe go ne go engwe nokeng ke baema nokeng ba ga tautona Thabo Mbeki, o a neng a kobilwe mo botautoneng jwa ANC kwa bokopanong joo. Le ntswa Tshwete a ne a sa tlhophiwa ka 2007, o ne a tlhophiwa mo komiting kwa bokopanong jo bo latelang jwa tlhopho, jo bo neng bo tshwerwe kwa Mangaung kwa Morule 2012.

Maemo a bo tona:2013 go tsena gompieno

Tlhabololo magae le ditsha 2013 go tsena 2014

Ka Phukwi a le malatsi a robabongwe, tautona Jacob Zuma o ne a itsise ka tswakanyo ya matona e mo go yone Tshwete a neng a thapiwa go tlhatlhama Lech Tsenoli e le mothusa tona wa tlhabololo magae le ditsha. O berekile ka fa tlase ga ga tona Gugile Nkwinti.

Metsi le kgopo leswe:2014 go tsena 2019

Mo ditlhophong tsa 2014, Tshwete o ne a tlhophiwa gape mo palamenteng, a le mo maemong a masome a mane le borobabobedi mo lenaaneng la ANC. Fa Zuma a tlhopha matona a gagwe morago ga ditlhopho, o ne a thapiwa e le mothusa tona wa metsi le kgopo leswe ka fa tlase ga ga tona Nomvula Mokonyane. O nnile mo mannong ao mo setlheng sotlhe sa bobedi sa ga Zuma e le tautona o ne a tlhophiwa gape mo komiting ya ANC kwa bokopanong jwa phathi jwa masome a matlhano le bone ka Morule 2017. Pampiri ya dikgang ya Mail & Guardian e ne ya bega gore le ntswa pele e ne e le moema nokeng wa ga Zuma, Tshwete o ne a ema nokeng tshwetso ya komiti ya go ntsha Zuma mo botautoneng jwa Aforika Borwa ka Tlhakole 2018.

Bonno, metsi le kgopo leswe: 2019 go tsena 2021

Tshwete o tlhophilwe mo setlheng se sengwe mo palamenteng ka ditlhopho tsa 2019,o mo maemong a masome a supa mo lenaaneng la phathi ya ANC. Mo matoneng a ga Ramaphosa, lephata la gagwe la pele le ne la kopanngwa le la bonno go dira lephataa bonno, metsi le kgopo leswe ka fa tlase ga ga tona Lindiwe Sisulu. Tshwete e ne e le mongwe wa ba ba thusang tona ba babedi mo maemong a masha ao; o ne a fiwa maikarabelo a bonno fa David Mahlobo a lebagane le metsi le kgopo leswe.

Bonno:2021 go tsena gompieno

Ka Phatwe a le malatsi a matlhano ngwaga wa 2021, Ramaphosa o ne a itsise ka tswakanyo matona e e neng e akaretsa go boela morago go kopanya maphata ga 2019. Tshwete o ne a thapiwa e le mothusa tona wa bonno ka fa tlase ga tona o modha Mmamoloko Kubayi. Fa a le mo ofising, kwa bokopanong jwa ANC jwa masome a matlhano le botlhank ka Morule 2022, Tshwete o ne a tlhophiwa mo setlheng sa boraro a tlhomaganya mo komiting, o ne a le mo maemong a masome a supa le bongwe mo go bo ntlhopheng ba le masome a ferabobedi ba ba neng ba tlhophilwe.

Botshelo jwa gagwe

Tshwete o nna kwa toropong ya King Williams. O na le dikgatlhego tse dintsi tsa dikgwebo.

O ne a nyetswe ke molweladitshwanelo kgatlhanong le puso ya tlhaolele le mopolotiki Steve Tshwete, o o tlhokafetseng ka Moranang 2002, ba ne ba na le bana ba le bararo. Mongwe wa bana ba bone wa mosimane, Mayihlome Tshwete, ke monna wa mmegadikgang le moisa mafoko wa pele wa ga tona Malusi Gigaba, Zizo Beda. O mongwe, Lindela Tshwete, ke mopolotiki wa phathi ya kganetso ga Democratic Alliance. Motshameki wa cricket wa mafatshefatshe Monde Zondeki ke setlogolo sa gagwe.