Pampiri ya dikgang ya Windhoek Observer

Windhoek Observer

Setshwantsho:Windhoek Observer front page.jpg
Type	Pampiri ya malatsi otlhe ya maranyane
Owner(s)	Paragon Investment Holding
Editor	Kuvee Kangueehi
Circulation	Dikete di le masome mane le botlhano ka 2009
Website	www.observer.com.na

Pampiri ya dikgang

Pampiri ya Windhoek Observer ke pampiri ya dikgang ya bere le beke ka Sabata ya puo ya Sekgoa, e e gatisiwang kwa Namibia ke kompone ya Paragon Investment Holding. Ke pampiri ya dikgang e kgologolo thata mo lefatsheng leo ebile e le tona. Ka ngwaga wa 2009 e ne e anamisa dipampiri di le dikete di le masome mane le botlhano.

Pampiri ya Windhoek Observer e tlhamilwe ka 1978 ke Hannes Smith le Gwen Lister. Lister e ne e le morulaganyi wa sepolotiki a batla go fa SWAPO serala sa go bontsha batho, ba akaretsa basweu gore ga se ditsuolodi le matshosetsi a batsamaisi ba puso ya bokolone ba ba dirang gore ba lebege e le bone.

Pampiri e e ne ya ilediwa ka Motsheganong 1984 morago ga gore Lister a tsee loeto go ya kwa Zambia go bega ka dipuisano tsa boipuso jwa Namibia. Le ntswa kiletso e ne ya boelwa morago morago ga go ikuela mo lekgotleng la Pretoria la kgatiso, baeteledipele ba Observer ba ne ba mo isa kwa tlase, se sa baka go ithola marapo ga ga Lister le go tsamaya ga babereki ba Observer. Ngwaga o o latelang Lister o ne a simolola pampiri ya dikgang e e ikemetseng ya The Namibian.

Smith o ne a etelela pele Windhoek Observer a le nosi, a ipitsa mmegi mogolo. Morwadie, Yanna Erasmus, o ne a tloga a bereka le ene. Smith o ne a sa obamele babusi ba SWAPO kgotsa ba Aforika Borwa.

Morago ga go tlhokafala ga ga Smith ka 2008, Erasmus o ne a mo tlhatlhama jaaka morulaganyi. Ngwaga o o latelang, pampiri e ne ya rekisediwa Paragon Investment Holding, Kuvee Kangueehi a thapiwa e le mokwadi mogolo.