Patayamatebele
Patayamatebele ke motse o o mo kgaolong ya Bokone Botlhaba jwa Botswana gaufi le letamo la Dikgatlhong.
Lefelo
[fetola | Fetola Motswedi]Patayamatebele ke motsana o monnye o o nang le batho ba ka nna 500, o o dikilometara di le 81 kwa borwabotlhaba jwa Francistown. Morafe oo ke wa ditlhopha tse di farologanyeng jaaka Bangwato, Basarwa, Bakhurutshe, Bakalaka le Babirwa. Patayamatebele o fa gare ga noka ya Shashe le ya Tati. Motse o o ne wa kwadisiwa semmuso ka ngwaga wa 2007. O ka fitlhelelwa ka tsela go tswa kwa Tonota o feta ka Ditladi.[1]Go ntshitswe tshitshinyo ya gore Patayamatebele, le metse ya Shashe Bridge le Ditladi, e gompieno e leng mo kgaolong ya botlhophi ya Tati Bophirima, e fudusediwe kwa kgaolong ya botlhophi ya Tati Botlhaba. Lebaka la go fudusa Patayamatebele ke go bo e le gaufi le Matopi.[2] Motse o o direlwa ke Kgaolo ya Temothuo ya Tonota.[3]
Itsholelo
[fetola | Fetola Motswedi]Ditiro tse dikgolo tsa itsholelo kwa Patayamatebele ke go lema le go phutha monokotshwai wa naga. Dikgomo tsa kgaolo e di sentswe ka ntlha ya bolwetse jwa tlhako le molomo ka paka ya 2002/2003.[1] Ka Lwetse 2012, Peter Siele, Tona ya Pusoselegae, o ne a re Patayamatebele le Matopi e e gaufi di tlaa atlenegisiwa go bona Madi a Tirelo ya Dikgaolo tse di Kgakala ka ntlha ya go nna kgakala le dibanka le mabenkele le go tlhoka dipalangwa tsa botlhe. Ditsela tse di yang kwa motseng di mo seemong se se maswe. Motse o o na le sekolo se se potlana. Ditirelo tsa kalafi di tlamelwa ke tleliniki e e tsamayang.[4]Motse ga o na tirelo ya mogala.[5]
Pele ga kago ya letamo la Dikgatlhong e simololwa, ka ngwaga wa 2008 puso e ne ya rulaganya ditirelo tsa bogakolodi ka bolwetse jwa AIDS mo banning ba metse ya Mmadinare, Robelela, Matopi, Matsiloje, Chokwe le Patayamatebele. Go ne ga dirwa dipaakanyo tsa ditlhokego tse dingwe tsa ditirelo tsa boitekanelo le tsa sepodisi.[6]
Metswedi
[fetola | Fetola Motswedi]- Kedikilwe, Ponatshego H.K. (1 February 2008). "Statement ... on the occasion of the Ground-breaking Ceremony ... of the Polometsi/Dikgatlhong Dam and Housing component, Robelela Village" (PDF). Archived from the original (PDF) on 5 March 2016. Retrieved 21 September 2012.
- North East District Council (2003). "NORTH EAST DISTRICT DEVELOPMENT PLAN 6: 2003 – 2009". Archived from the original on 9 December 2011. Retrieved 24 September 2012.
- "Patayamatebele, Matopi qualify for RASA". BOPA Daily News. 6 September 2012. Archived from the original on 27 November 2012. Retrieved 24 September 2012.
- "Patayamatebele: Retracing Mzilikazi odyssey". BOPA Daily New. 5 July 2012. Archived from the original on 27 November 2012. Retrieved 24 September 2012.
- "Tati East constituents suggest extension". BOPA Daily News. 14 August 2012. Archived from the original on 28 November 2012. Retrieved 24 September 2012.