Patricia Etteh

Patricia Olubunmi Foluke Etteh (o belegwe ka 17 Phatwe 1953) [1] ke mmueledi wa Mo-Nigeria le radipolotiki yo o neng a dira jaaka sebui sa bo 10 sa Ntlo ya Baemedi ya Nigeria go tloga ka Seetebosigo go ya go Phalane 2007.

Botshelo jwa gagwe le thuto

Patricia Olubunmi Foluke Etteh, wa Mo-Yoruba,[1] o belegwe ka 17 Phatwe 1953.[1] [2] O ne a katisitswe jaaka moroki wa moriri [3] le mooki wa bontle, mme gape o ne a amogela dikirii ya molao go tswa kwa Yunibesithing ya Buckingham kwa United Kingdom mme o ne a bilediwa kwa Nigerian Bar [4] ka 2016. [3]

Tiro ya sepolotiki

Etteh o ne a emela kgaolo ya Ayedaade/Isokan/Irewole kwa Osun State. O ne a tlhophiwa ka 1999 jaaka leloko la Alliance for Democracy (AD), fela o ne a fetogela go Peoples Democratic Party (PDP), fa a ne a tsenela ditlhopho gape ka 2003.[1] O ne a tlhophiwa go nna sebui ka bongwefela jwa pelo ka Seetebosigo 2007, [2] mme e ntse e le mosadi a le mongwe fela go nna le maemo a mo pusong ya Nigeria. [3] [7]

Tshenyo e e Bakwang ke Bonweenwee

Ka Lwetse 2007, o ne a lebagane le komiti ya maloko a Palamente ka ditatofatso tsa gore o ne a letlile gore go dirisiwe madi a a kana ka dimilione di le 628 tsa Naira (mo e ka nnang dimilione di le 5 tsa didolara tsa Amerika) mo go tlhabololeng bonno jwa gagwe jwa semmuso le jwa motlatsa wa gagwe, le go reka dikoloi tsa semmuso di le 12 tse di neng di diretswe Ntlo ya Baemedi. O ne a latofadiwa ka bogodu fa a ne a leka go bua mo Ntlong, mme o ne a ntshiwa ke banna ba tshireletsego fa seemo se ne se fetoga pheretlhego.[ 8]

PDP e ne ya tswelela go tshegetsa Etteh, le fa maloko a mangwe, jaaka Isyaku Ibrahim, ba ne ba tshwaya phoso boemo jono.[ 9] Mokwadi le moithuti, Wole Soyinka, o ne a le mongwe wa bao ba neng ba kopa go rola tiro ga gagwe,[10] fa moporesidente wa maloba le leloko la PDP, Olusegun Obasanjo, a ne a tswelela go mo tshegetsa.Phalane, morago ga dibeke tsa kgatelelo, Etteh o ne a tlogela maemo a gagwe jaaka sebui. Motlatsi wa gagwe, Babangida Nguroje, le ene o ne a tlogela tiro. Le fa go ntse jalo, kwa kopanong ya bofelo ya Kopano ya bo 6 ya Ntlo ya Baemedi, go ne ga dumalanwa gore "Ga go na rekoto kgotsa ditsamaiso tsa Ntlo, moo Patricia Olubunmi Etteh a kileng a latofadiwa".[ 13]

Metswedi

[1] "Etteh moves birthday party to US". Nigerian Tribune. 15 August 2007. Archived from the original on 26 September 2007. Retrieved 15 August 2007.

[2] Bamidele, Yemi (19 September 2007). "Adedibu – 'Etteh is Yorubas' Only Hope'". Daily Trust. Retrieved 20 October 2007 – via allAfrica.

[3] "Honourable Patricia Etteh". National Assembly of Nigeria. Archived from the original on 12 October 2007. Retrieved 7 October 2007.

[4] Odili, Paul (26 September 2007). "Why Etteh should stand down". Vanguard. Retrieved 7 October 2007. [dead link]

[5] Nnochiri, Ikechukwu (30 November 2016). "Former House of Reps Speaker, Patricia Etteh, among 4,225 new lawyers". Vanguard. Retrieved 22 September 2024.

[6] "Homepage". The Nation. Retrieved 8 March 2022.

[7] "Mark, Etteh, emerge Senate President, Speaker". Daily Independent. 6 June 2007. Archived from the original on 25 October 2007. Retrieved 15 August 2007.

[8] "Nigerian MPs brawl over speaker". BBC. BBC News. 20 September 2007. Retrieved 14 October 2007.

[9] Izang, Atang (7 October 2007). "Etteh – PDP Endorsed Corruption – Isyaku Ibrahim". Leadership. Retrieved 14 October 2007 – via allAfrica.

[10] Ekenn, Geoffreya (5 October 2007). "Resign, Soyinka tells Etteh". The Punch. Archived from the original on 15 July 2011. Retrieved 7 October 2007.

[11] Nyam, Philip. "Etteh: Countdown To 16 October". Leadership. Archived from the original on 13 July 2011. Retrieved 14 October 2007.

[12] "Nigeria's parliamentary speaker quits over corruption scandal". International Herald Tribune. Associated Press. 30 October 2007. Retrieved 30 October 2007.

[13] "Nigeria speaker goes in graft row". BBC News. 30 October 2007. Retrieved 22 September 2024.