Pauline Williams

Pauline Williams
Tona wa tirokolo wa Kapa Bokone
In office Tlhakole a le lesome le botlhano ngwaga wa 2018 – Motsheganong a le malatsi a supa ngwaga wa 2019
Premier	Sylvia Lucas
Pele Ga Gagwe	Tiny Chotelo
Tona wa dipalamo, pabalesego le tirisanommogo
In office Seetebosigo a rogwa ngwaga wa 2018 – Tlhakole a le lesome le botlhano ngwaga wa 2018
Premier	Sylvia Lucas
Pele Ga Gagwe	Alexandria Beukes
Morago Ga Gagwe	Lebogang Motlhaping
Tona wa metshameko, botaki le ngwao
In office Motsheganong a le lesome le bobedi ngwaga wa 2009 – Motsheganong a le malatsi a marataro ngwaga wa 2017
Premier	Hazel Jenkins
Pele Ga Gagwe	Archie Lucas
Morago Ga Gagwe	Lebogang Motlhaphing
Mopalamente wa Kapa Bokone
In office Phalane a le masome mabedi le bosupa ngwaga wa 2015 – Motsheganong a le malatsi a supa ngwaga wa 2019
Ka Ga Ena
Mosetshaba wa	mo Aforika Borwa
Mokgatlho	African National Congress
Bonno	Springbok Kapa Bokone
Alma mater	University of Western Cape University of South Africa
Tiro	Mopolotiki

Pauline Jeanette Williams ke mopolotiki o o sa tlholeng a bereka wa kwa Aforika Borwa. Ke leloko la African National Congress, o ne a tlhophilwe kWa palamenteng ya kgaolo ya Kapa Bokone ka 2004. Ka 2009, o ne a tlhomiwa leloko la khansele ya metshameko, botaki le ngwao. O ne a tswa mo maemong ao ka 2014, mme a boela ka 2015. O ne a diriwa tona wa dipalamo le tshireletsego ka 2016. Williams o ne a tswa mo maemong ao ka Motsheganong 2017. Ka Tlhakole 2018, o ne a diriwa tona wa tikologo. Williams o ne a tswa mo palamenteng gape ka 2019.

Botshelo jwa a le mmotlana le thuto

Williams o tsholetswe kwa Springbok kwa Aforika Borwa kwa pele e neng e le kgaolo ya Kapa.  Ka 1987, o ne a aloga ka setlankana go tswa kwa Northern Paarl High School. Williams o ne a ithutela degree ya BA kwa University of Western Cape ka dingwaga tsa 1979 go tsena 1981. Ka 1982, o ne a aloga ka diploma ya thuto e kgolwane kwa University of South Africa (UNISA). O ne a aloga ka B.Ed Degree kwa UNISA ka 1991. Williams o dirile Diplona ya go okamela madi kwa APAC ka 2000.

Pereko

Tiro ya gagwe e le morutabana

Go tswa ka 1983 go tsena 1996, Williams e ne e le morutuntshi kwa Van Wyj Senior Secondary School kwa toropong ya ga gabo. Ka 1996, o ne a nna mookamedi wa kgaolo wa Namaqua wa thuto ya bagolo le katiso. O nnile mo maemong ao go fitlhelela ka 2000, fa a tlhomiwa mookamedi wa kgaolo wa thuto. O berekile mo maemong ao go fitlhelela ka 2004. Mo maemong ao, Wilkiams o ne gape e le leloko la setlhopha sa bookamedi jwa lephata la thuto kwa Kapa Bokone.

Polotiki

Ka ngwaga wa 1995 go tsena 1997, e ne e le mokhanselara wa mmasepala wa Springbok le Namaqua. Williams o ne a tlhophiwa go nna leloko la palamente ya kgaolo ya Kapa Bokone ka 2004, e le leloko la African National Congress. O berekile mo dikomiting tse do farologaneng.

Williams ke leloko le legolwane la ANC. E ne e le leloko la tlaleletso la komiti ya Namaqualand ya phathi ka nako ya fa a le mokwaledi.O berekile gape mo komiting ya kgaolo e le leloko la pele. Williams o berekile gale e le mokwaledi wa lekgotla la basadi la ANC kwa Namaqua. E ne e le leloko la tlaleleletso le mothusa modulasetilo wa kgaolo pele ga a nna modasetilo wa lekgotla la basadi. Williams o ne a berekile gape  mo komiting ya lekgotla la basadi ya lefatshe.

Puso ya kgaolo

Morago ga ditlhopho tsa 2009, o ne a tlhomiwa leloko la khansele ya metshameko, botaki le ngwao, a tlhatlhama Archie Lucas. O ne a tlhomiwa gape mo maemong ao ka 2013 ke moeteledipele o mosha Sylvia Lucas. Mo ditlhophong tsa 2014 Williams o ne a le mo maemong a masome mabedi le bobedi mo lenaaneng la ANC. ANC e ne ya fenya ditilo di le masome mabedi fela, se se raya gore Williams o latlhegetswe ke setilo sa gagwe. Lebogang Motlhaping o ne a mo tlhatlhama mo maemong a kwa lephateng la metshameko, botaki le ngwao. Le fa go ntse jalo, o ne a boela kwa palamenteng ya kgaolo ka Phalane a le masome mabedi le bosupa ngwaga wa 2015. Mo tswakanyong ya khansele ka Mopitlo 2016, o ne a tlhomiwa tona wa dipalamo, tirisanommogo le tshireletsi a tlhatlhama Martha Bartlett.

Pele ga bokopano jwa ANC ka Motsheganong 2017, o ne a tlhagelela e le moema nokeng wa letsholo la ga Zamani Saul la go nna modulasetilo wa kgaolo. Pele ga bokopano, Lucas (o gape e neng e le ntlhopheng wa bodulasetilo) o ne a ntsha Williams mo komiting. ANC e ne ya kgala tshwetso ya ga Lucas. Ka Seetebosigo a rogwa, Lucas o ne a boela morago kgato ya gagwe, a busetsa Williams kwa khanseleng. Ka Tlhakole 2018, o ne a tlhomiwa tona wa tikologo.

Williams o ne a tlogela tiro ya sepolotiki ka bogodi ka 2019.