Paulus Kapia

Paulus Kapia (o o tshotsweng ka Lwetse a le lesome le borobabobedi ngwaga wa 1967 kwa Ehafo, kwa kgaolong ya Oshana) ke mopolotiki wa kwa Namibia. Ke leloko la SWAPO, Kapia o tlhophilwe e le lantlha mo palamenteng ka 2005. O ne a tlhophiwa go nna moemedimogolo wa komiti ya legare ya SWAPO a bereka ka nakwana e le mothusa tona wa dipalamo le ditlhaeletsanyo mme a patelediwa go ithola marapo ka Phatwe 2005 morago ga gore a tlhagelele mo tshekong ya tshenyetso setšhaba. Morago ga gore SWAPO e seegele kwa thoko ditiro tsa gagwe tsotlhe tsa phathi eo morago ga tiragalo e, Kapia o ne a latlhegelwa gape ke setilo sa gagwe sa bopalamente le sa komiti ya legare. Le fa go ntse jalo, o ne a busediwa mo tirong ya gagwe ya lekgotla la banana la SWAPO ka 2016.

Kapia e ne e le leloko la lekgamu la sesole la SWAPO fa a tshabile la People's Liberation Army of Namibia (PLAN) e le morutunsthi wa sepolotiki. Go tswa ka 1992 go tsena 1998, Kapia e ne e le mokhanselara wa kgaolo ya botlhophi ya Okatjali kwa Oshana. Ka ngwaga wa 1997, o ne a tlhophiwa go etelela pele lekgotla la banana la SWAPO.

Kapia o ne a seka a bonwa molato wa tshenyetso setšhaba ka ditshekatsheko tsa phathi a tswelela le ditiro tsa aggwe kwa palamenteng Le fa go ntse jalo, ga a ise ke a tlhatlogele kwa maemong a a kwa godimo gape, ka ngwaga wa 2013 o ne a santse a nna kwa morago.