Pedro Lima (actor)

Pedro Manuel Barata de Macedo Lima (20 Moranang 1971 (20 Seetebosigo 2020) e ne e le motshameki wa thelebishene wa Mo-Portugal le Mo-Angola, yo o neng a tlhagelela mo ditelenovelas kwa Portugal. Gape e ne e le moatleletiki wa diolimpiki wa go thuma.

Motshameko wa go thuma

O ne a emela Angola ka 1988 le 1992 kwa Diolimpiking tsa Selemo.

Lima o ne a nna le seabe mo dikgaisanong di le mmalwa tsa go thuma mme ga a ise a ko a tsenele dikgaisano tsa kwa pele. Ka 1988, o ne a kgaolwa mo kgaisanong ya banna ya 50 m freestyle, a fetsa a le 62 mo kgaisanong ya banna ya 100 m freestyle, a le 42 mo kgaisanong ya banna ya 100 m butterfly. Ka 1992, Lima o ne a fetsa e le wa bo43 mo metshamekong ya banna ya 50 m freestyle le wa bo53 mo metshamekong ya banna ya 100 m butterfly. Lima o ne gape a gapa gouta le boronse kwa All-Africa Games ka 1991, o ne a gapa gouta mo metshamekong ya banna ya 50 m freestyle le boronse mo metshamekong ya banna ya 100 m butterfly.

Ka 2018, Lima o ne a tshwere direkoto tse pedi tsa bosetšhaba tsa Angola, rekoto ya 50 m freestyle e e beilweng ka 1991 All-Africa Games ya metsotswana e le 23.98 le rekoto ya 100 m backstroke ya metsotswana e le 59.30

Motshameki wa difilimi

Fa a sena go lalediwa go tsamaisa lenaneo la thelebišene le le buang ka dibaesekopo le le bidiwang Magacine, o ne a nna le seabe mo diterameng tsa thelebišene tsa Sepotokisi tse di jaaka O Último Beijo, Ninguém como Tu, Fala-me de Amor, Ilha dos Amores le A Outra. Gape o ne a tshameka mo filiming ya 2009 ya Second Life.

Botshelo jwa gagwe

Lima e ne e le molekane wa ga Anna Westerlund, yo a neng a na le bana ba le bane. Gape o ne a na le ngwana wa mosimane yo o godileng go tswa mo kamanong ya gagwe ya pele le Patricia Piloto

Leso la gagwe

Ka 20 Seetebosigo 2020, setopo sa ga Lima se ne sa fitlhelwa kwa Abano Beach [pt] kwa Cascais, mo go se se neng se lebega e le go ipolaya. Go begwa gore o ne a romelela ditsala tsa gagwe tse pedi melaetsa ya go ba laela pelenyana mo letsatsing leno.