Penehupifo Pohamba

Penehupifo Pohamba
Pohamba ka 2014
wa bobedi Mohumagadi wa Namibia
In office Mopitlo a le masome mabedi le motso ngwaga wa 2005 – Mopitlo a le masome mabedi le motso ngwaga wa 2015
President	Hifikepunye Pohamba
Morago Ga Gagwe	Monica Geingos
Pele Ga Gagwe	Kovambo Nujoma
Ka Ga Ena
O tsetswe	1948, Seetebosigo a le lesome le borataro Okatale
Mokgatlho	SWAPO
Mo/Bakapelo	Malakias Shiluwa Hifikepunye Pohamba
Bana	ba le batlhano

Penehupifo "Penny" Pohamba (o o tshotsweng ka Seetebosigo a le lesome le borataro ngwaga wa 1948) ke mooki wa kwa Namibia gape ke mopolotiki o e neng e le mohumagadi wa ga tautona wa bobedi wa Namibia fa monna wa gagwe Hifikepunye Pohamba, e ne e le tautona wa Namibia ka 2005 go tsena 2015.

Botshelo jwa a le mmotlana

Pohamba o tsholetswe kwa Okatale kwa kgaolong ya Ohangwena, mo kgaolong ya botlhophi ya Oshikango gaufi le molelwane wa Angola. Pohamba o tsene sekolo se sebotlana le se segolwane kwa Odibo le Jeremiah Nambinga le Joel Kaapanda. E ne e le morutabana kwa St George's  Diocesan School kwa Windhoek.

Tiro ya sepolotiki

Pohamba ke leloko la SWAPO. O ne a nyalwa ke Malakias Shiluws kwa Odibo ka 1969, ba na le ngwana wa mosimane a le mongwe fela, Waldheim Shiluwa(o o tshotsweng ka 1971). Ka 1976, o ne a tswa kwa Namibia a feta ka Angola a ya Zambia. Morago ga dikgwedi di se kae kwa Zambia, Pohamba o ne a romelwa kwa Tanzania go ithutela kalafi. O ne a amogela le katiso ya sesole a bereka kwa dikampeng tse batshabi ba Namibia ba neng ba nna kwa go tsone. Morago o ne a romelwa Jamaica sebaka sa dingwaga tse thari go ithutela pelegiso. Monna wa gagwe (Malakias) o ne a bolawa ke go thunya ga moepo, ka nako eo ba na le ngwana wa mosetsana, Ndelitungapo Shiluwa (o o tshotsweng ka 1973). O ne a busediwa kwa Angola go diragatsa boitsenape jwa gagwe jwa kalafi mo bathong ba kwa ga bone.

Ka Phatwe 1981, Pohamba o ne a romelwa kwa botlhaba jwa Germany go ithutela sepolotikk kwa sekolong se se neng se beetswe batho ba Namibia. Ka 1983, o ne a boela Angola, kwa a neng a nyalwa ke tautona wa kamoso Hifikepunye Pohamba, ba nna le bana ba le bararo, Tulongeni(leina le le rayang a re berekeng) (o o tshotsweng ka 1986), Kaupumhote (le le rayang gore mo lefatsheng le, ga o ka le wa fetsa batho ba ba sa siamang) a tshotswe ka 1988) le Ndapanda (le le rayang gore ke a leboga) (a tshotswe ka 1991), morago ga boipuso.

Mo maemong a gagwe a bohumagadi, Pohamba o ne a buelela go tlhabololwa ga basadi go ba letla go nna le seabe se se bonalang mo setshabeng le go lwela go fedisa dikgoka le tlhoko tshiamo kgatlhanong le basadi. O tsere karolo gape mo go emeng nokeng tlhokomelo ya bomme ba ba itsholofetseng le bana, le mo ntweng kgatlhanong le HIV/AIDS. Ka Phukwi 2006, Penehupifo Pohamba o ne a tlhophiwa go nna mothusa tautona wa lekgotla la Southern African Development Committee (SADC). Ke mmelegisi morago ga go katisiwa kwa Tanzania le Jamaica. O berekile e le mmelegisi le mooki o o kwadisitsweng. Ke moema nokeng sepatela sa Lady Pohamba se se ikemetseng.

Ka letsatsi la bagaka la 2014 o ne a fiwa tlotla ya o o gaisitseng ya maemo a ntlha.

Botshelo jwa gagwe

Boora Pohamba ke beng ba masimo a Guinaspoh a masome mane le motso gaufi le Otavi. Ke mme wa bana ba le batlhano, ba le babedi ke basimane ba le bararo ke basetsana.