Perivi Katjavivi

Perivivi John Katjavivi ke modira ditshwantsho tsa motshikhinyego wa lotso lwa Namibia le Britain. O dirile difilimi di le mmalwa tse di rategang thata di akaretsa Eembwiti, The Unseen le Film Festival Film. Kwa ntleng ga go okamela, ke motlhami, mokwadi, modiragatsi, morulaganyi le o o berekisang sekapa ditshwantsho. Perivi o na le BA ya Cinema go tswa kwa Columbia College kwa Los Angeles, le MA ya African Cinema kwa UCT.

Botshelo jwa gagwe

Katjavivi o tsholetswe kwa Oxford, England, o na le batsalwa le ene ba le batlhano. Rraagwe ebong Peter Katjivivi ke mopolotiki wa kwa Namibia, gape e le moemedi wa mafatshe a sele, gompieno ke motsamaisa dipuisano tsa palamente ya Namibia, mmaagwe ke Jane Katjavivi.

Katjavivi o goletse kwa Windhoek, toropokgolo ya Namibia. O ithutetse filimi kwa Columbia College kwa Los Angeles kwa a alogileng ka BA. O na le MA mo African Cinema go tswa ka Yunibesiti ya Kapa.

Tsa Pereko

Ka ngwaga wa 2016, Katjavivi o ne dira filimi ya gagwe ya ntlha The Unseen. Filimi e e ne ya supiwa kwa meletlong e le mmalwa e akaretsa Busan, kwa Durban. E ne ya fenya setsele sa filimi e e gaisitseng kwa Innsbruck kwa Austria. Ka 2019, o ne a tlhama filimi e khutshwane ya Film Festival Film e e neng e kaelwa ke Mpumelelelo Mcata. Filimi e ne ya supiwa mo lefatsheng ka bophara kwa Berlinale ka Tlhakole 2019.