Peya Mushelenga

Peya Mushelenga
Tona wa tsa mafatshe a sele
In office Tlhakole a robabongwe 2024 – Mopitlo a le masome mabedi le motso ngwaga wa 2025
President	Nangolo Mbumba
Pele Ga Gagwe	Netumbo Nandi-Ndaitwah
Morago Ga Gagwe	Selma Ashipala-Musavyi
Ka Ga Ena
O tsetswe	1975 Lwetse a rogwa Oshigambo
Alma mater	Univesrity of Namibia Univesrity of South Africa

Samuel Abraham Peyavali "Peya" Mushelenga (o o tshotsweng ka Lwetse a rogwa, ngwaga wa 1975 kwa Oshigambo, Ovamboland) ke mopolotiki le mmoki wa kwa Namibia. O rutegile thata, a na le ditlankana di le lesome le botlhano go tswa kwa dikolong tse dikgolwane tsa ithutelo ditiro di le supa

E le leloko la SWAPO, Mushelenga e ne e le leloko la palamente ya Namibia ya 2005 go tsena Mopitlo a le masome mabedi ngwaga wa 2025. O berekile mo maemong a botona  a le mmalwa, labofelo o berekile e le tona wa botsalano jwa mafatshe go tswa ka Tlhakole a robabongwe 2024 go tsena Mopitlo a le masome mabedi le motso ngwaga wa 2025.

Botshelo jwa gagwe le thuto

Peya Mushelenga o tsholetswe kwa Oshigambo kwa kgaolong ya Oshikoto kwa bokone jwa Namibia. O tsene sekolo kwa Oluno go fitlha ka 1992 a fetela kwa go se segolwane sa ithutelo ditiro sa University of Namibia (UNAM).

Mushelenga o na le ditlankana tsa degree di le lesome le botlhano mo botshelong jwa gagwe; pampiri ya dikgang ya New Era e ne e mmitsa morutegi o motona wa Namibia. O alogile ka:

• BA mo go tsa ditso le polotiki, kwa University of Namibia (UNAM) , ka 1995
• BA Honours mo go tsa polotiki ya mafatshe, kwa University of South Africa (UNISA), ka 1997
• MA mo go tsa polotiki ya mafatshe, kwa UNISA, ka 2009
• B Juris,UNAM,2011
• LLB (Honours), UNAM,2014

Mushelenga ke mmueledi wa semolao wa kgotlatshekelo ya Namibia.

Tsa pereko

Morago ga degree ya gagwe ya ntlha kwa UNAM, Mushelenga o ne a bereka e le morutabana kwa Nehale ka 1996. O ne a ya go berekela puso go fitlhelela ka 1998, morago a nna leloko la NamPower.

O ne a nna matlhagatlhaga mo mokgatlhong wa baithuti ka dingwaga tsa 1980, morago a nna morulaganyi wa tlhwatlhwa wa lekgotla la banana la SWAPO, a tlhophilwe go nna mo komiting ya legare ya SPYL ka 1997 le 2002.  O ne a sa tswa go etelela pele setlhopha sa baeteledipele ba lekgotla la banana la SWAPO ba le makgolo mabedi le masome a matlhano go ya Sochi Russia, go tsenelela moletlo wa lesome le borobabongwe wa mafatshe wa banana le baithuti, moletlo o o neng o rulagantswe ke World Federstion of Democratic Youth (WFDY) le puso ya Russia.Ka 2002, o ne a tlhophiwa go nna leloko le lennye la komiti ya legare ya SWAPO (a tlhophilwe gape ka 2007 le 2012.)

Mushelenga o ne a nna leloko la palamente ya Namibia ka 2005. Ka 2010, o ne a thapiwa go nna mothusa tona wa mafatshe a sele. Mo kabakanyong ya palamente o ne a tlhatlosiwa maemo go nna tona wa ditlhabololo tsa ditoropo le magae ka Tlhakole a robabobedi ka 2018. Ka Mopitlo a le masome mabedi le motso 2020,Mushelenga o ne a thapiwa go nna tona wa ditlhaeletsanyo le maranyane.

Botshelo jwa gagwe

Ka 1980, basireletse ba Aforika Borwa ba ne ba bolaya kgaitsadie Mushelenga ba gobatsa masika a mangwe mo tlhaselong kwa lolwapeng lwa bone kwa Ovamboland.

Buka ya maboko e e bidiwang Nando Na Li Toke, e e kwadilweng ka teme ya Ovambo ya Ndonga, e gatisitswe ke Gamsberg MacMillan ka 1996.