Pinky Mokoto

Pinky Mokoto
Mopalamente
In office Motsheganong a le masome mabedi le motso ngwaga wa 2014 – Motsheganong a le malatsi a supa ngwaga wa 2019
Constituency	Bokone Bophirima
Mmatoropo wa mmasepala wa Ngaka Modiri Molema
In office Lwetse 2009 – Motsheganong 2011
Pele Ga Gagwe	Themba Ngwabeni
Morago Ga Gagwe	Phaladi Saku
Ka Ga Ena
O tsetswe	Tlhakole a le masome mabedi le botlhano ngwaga wa 1973 Mafikeng Transvaal Aforika Borwa
Mokgatlho	African National Congress

Nthibane Rebecca Pinky Mokoto (o o tshotsweng ka Tlhakole a le masome mabedi le botlhano ngwaga wa 1973) ke mopolotiki wa kwa Bokone Bophirima kwa Aforika Borwa. O ne a emetse phathi ya African National Congress (ANC) mo palamenteng magato a mabedi go tswa ka 2004 go tsena 2009 le go tswa ka 2014 go tsena 2019. Fa gare  o ne a le mmatoropo wa mmasepala wa Ngaka Modiri Molema kwa Bokone Bophirima go tswa ka 2009 go tsena 2011.

Mokoto e ne e le leloko la komiti ya ANC go tswa ka 2007 go tsena 2012. Pele o ne a kile a nna leloko la komiti ya lekgotla la banana ba ANC.

Botshelo jwa a le mmotlana le thuto

Mokoto o tshotswe ka Tlhakole a le masome mabedi le botlhano ngwaga wa 1973 kwa Mafikeng kwa e neng e le Bophirima jwa Transvaal pele fa a gola. O bereketse lekalana la Bokone Bophirima la African National Congress (ANC) e le morulaganyi wa tsa bobegadikgang go tswa ka 1997 go tsena 2004. Ka nako eo e ne e le leloko le le matlhagatlhaga la phathi, a bereka mo komiting ya lekgotla la banana la ANC le komiti ya kgaolo ya lekgotla la bomme ba ANC. O ne a tlhophilwe gape fo nna mokwaledi wa lekalana la boremelelo jwa ANC kwa Tlhabologa, Bokone Bophirima.

Tiro ya gagwe mo pusong

Palamente: 2004 go tsena 2009

Mo ditlhophong tsa 2004,Mokoto o ne a tlhophiwa go emela ANC kwa kgaolong ya botlhophi ya Bokone Bophirima kwa palamenteng. Ka 2005, e ne e le mongwe wa mapalamente a mabedi a a neng a thapilwe go nna bontlha jwa barongwa ba Aforika Borwa ba ba neng ba etse tlhoko ditlhopho tsa 2005 tsa botautona kwa Palestine. O dule mo palamenteng ka Moranang a le lesome le boraro ngwaga wa 2009 a itebaganya le go okamela dikgatlhego tsa gagwe tsa kgwebo.

Mmatoropo wa Ngaka Modiri Molema: 2009 go tsena 2011

Ka Lwetse a le malatsi a mabedi ngwaga wa 2009, Mokoto o ne a tlhophilwe go nna mmatoropo wa mmasepala wa Ngaka Modiri Molema kwa Bokone Bophirima. O ne a tlhatlhama Themba Ngwabeni, o a neng a kobilwe ka nako ya megwanto ya go tlhoka go thusa bareki sentle le mathata a madi; mathata a madi a ne a bakile gore puso ya kgaolo e tsenye mmasepala oo mo tsamaisong. Mokoto o berekile dingwaga di le kwa tlase ga bobedi mo ofising ya mmatoropo, o ne a tlhatlhamiwa ke Phaladi Saki morago ga ditlhopho tsa 2011.

Kwa bokopanong jwa ANC jwa masome a matlhano le boraro ka Morule 2011_ Mokoto o ne a tlhophiwa mo sebakeng sa dingwaga di le tlhano e le leloko la komiti ya maloko a le masome a robabobedi. O ne a amogela ditlhopho di le sekete, makgolo a marataro, masome a mane le bone go tswa mo batlhoping ba le dikete tse nne, makgolo a matlhano.

Go boela palamenteng: 2014 go tsena 2019

Mo ditlhophong tsa 2014, Mokoto o ne a tlhophiwa go boela palamenteng. O ne a le mo maemong a bobedj mo lenaaneng la ANC la Bokone Bophirima. Fa fodimo ga foo, ANC e ne e mo tlhophile motlhokomedi mo komiting ya thuto go tswa kwa moding, maemo a a nnileng mo go one mo palamenteng ya masome mabedi le borataro ka kakaretso. O dule mo palamenteng ka ditlhopho tsa 2019.