Refiloe Nt'sekhe

Refiloe Nt'sheke Mopalamente
Mothusa motsamaisa dipuisano tsa palamente ya kgaolo
In office Seetebosigo a le lesome le bone ngwaga wa 2024 – Phukwi a le malatsi a robabongwe ngwaga wa 2024
Motsamaisa dipuisano	Morakane Mosupyoe
Pele Ga Gagwe	Nomvuyo Mhlakaza-Manamela
Mothusa moduasetilo wa Democratic Alliance
In office Motsheganong a le lesome ngwaga wa 2015 – Moranang a le malatsi a mabedi ngwaga wa 2023
Leader	John Steenhuisen Mmusi Maimane
Leloko la palamente ya kgaolo ya Gauteng
Incumbent
Assumed office Motsheganong a le masome mabedi le motso ngwaga wa 2014
Ka Ga Ena
O tsetswe	Refiloe Nt'sekhe Moranang a le masome mabedi le borobabobedi ngwaga wa 1977
Mosetshaba wa	mo Aforika borwa
Mokgatlho	Democratic Alliance
Alma mater	University of Cape Town
Tiro	mopalamente
Tiro	Mopolotiki

Refiloe Nt'sekhe (o o tshotsweng ka Moranang a le masome mabedi le borobabobedi ngwaga wa 1977) ke mopolotiki wa kwa Aforika Borwa o e saleng a nna leloko la palamente ya kgaolo ka 2014. O berekile e le mothusa motsamaisa dipuisano tsa palamente ya kgaolo ya Gauteng go tswa ka Seetebosigo 2024 go tsena Phukwi 2024. Ke leloko la Democratic Alliance, o berekile e le mongwe wa ba ba thusang modulasetilo ka ngwaga wa 2015 go tsena 2023, gape e le babueledi ba phathi go tswa ka 2015 go tsena 2020.

Botshelo jwa a le mmotlana le tiro

Nt'sekhe o tshotswe ka Moranang a le masome mabedi le borobabobedi ngwaga wa 1977. O na le degree ya dipolotiki go tswa kwa University of Cape Town. Morago o ne a aloga ka degree ya thekiso go tswa kwa sekolong seo gape. Ka nako ya gagwe e le moithuti ka dingwaga tsa 1990, o ne a nna leloko la lekgotla la baithuti la South African Liberal Students Association (SALSA). O nnile leloko la DA ka 2001.

Tiro ya sepolotiki

Ka ngwaga wa 2009, o ne a thapiwa e le mookamedi wa DA wa lenaneo la LEAD. O ne a tlhophiwa e le mokhanselara wa kgotla 24 ya toropo ya mmasepala wa Ekurhuleni mo ditlhophong tsa mmasepala tsa 2011. Lekalana la phathi la kwa Tembisa le ne la mo tlhopha go nna moteledipele wa kgaolo ya botlhophi. Ngwaga o o latelang, DA e ne ya mmaya mo maemong a mmueledi wa kgaolo kwa Gauteng.

Pele ga ditlhopho tsa 2014, leina la ga Nt'sekhe le ne la tlhagelela mo lenaaneng la bo ntlhopeng ba DA ba kgaolo ya Gauteng. O ne a tlhophiwa e le mopalamente ka Motsheganong a le masome a mbedi le motso ngwaga wa 2014. ka Ngwanatsele 2014, o ne a ema kgatlhanong le John Moodley go emela boeteledipele jwa kgaolo jwa DA. Moodley o ne a fenya ditlhopho. Kwa bokopanong jwa 2015 jwa Democratic Alliance, o ne a tlhophiwa go nna mongwe wa bathusa modulasetilo ba bararo ba DA. Nt'sekhe o ne a tlhophiwa gape go nna mmueledi wa DA ka Phukwi 2015 morago ga go ithola marapo ga ga Marius Redelinghuys. O berekile le Phumzile van Damme go fitlhelella Van Damme a ithola marapo ka Tlhakole 2018 a tlhatlhamiwa ke Solly Malatsi ka Seetebosigo.

Kwa bokopanong jwa ditlhopho jwa phathi eo ka 2018, o ne a fenya setlha se sengwe e le mothusa modulasetilo. o ne a tlhophiwa gape e le mopalamente mo ditlhophong tsa 2019. Nt'sekhe ke mokhanselara tshwantsho wa ditlhabololo.

Nt'sekhe o ne a tlhophiwa gape e le mothusa modulasetilo wa ntlha wa DA kwabokopanong jwa phathi ka Phalane a le masome mararo le motso le Ngwanatsele a rogwa ngwaga wa 2020. O ne a bereka le Jacques Smalle le Anton Bredell. Ka Ngwanatsele a le masome mabedi le bone ngwaga wa 2020, Siviwe Gwarube o ne a itsisiwe e le mmueledi o mosha wa DA.

Ka Phalane a le masome mabedi le boraro ngwaga wa 2021, moeteledipele wa DA John Steenhuisen o ne a itsise fa Nt'sekhe e le ntlhopheng wa mmatoropo wa DA wa toropo ya Ekurhuleni mo ditlhophong tsa 2021. Mo ditlhophong tsa mo gae tsa Ngwanatsele a rogwa ngwaga wa 2021,ga go na phathi e e neng ya nna le dipalo tse di fetang tsa e nngwe kwa khanseleng ya Ekurhuleni. DA e ne ya nna mo maemong a bobedi gape ka 28.72% ya tlhopho ba setse morago African National Congress ka 38.19%. Boteledipele jwa DA kwa Gauteng bo ne jwa mo rotloetsa go ithola marapo mo go emeleng ditlhopho tsa mmatoropo wa DA le e le mokhanselara, ka go ne go sa bonagale gore a o tlaa tlhophiwa go nna mmatoropo ka DA e ne e tsere tshwetso kgatlhanong le go bereka le ANC kana Economic Freedom Fighters, ba e neng e le bone ba eteletseng pele kwa khanseleng. Kwa bokopanong jwa ntlha jwa khansele ka Ngwanatsele a le masome mabedi le bobedi, moeteledipele wa DA wa Ekurhuleni Tania Campbell, o ne a tlhophiwa go sa solofelwa go nna mmatoropo ka thuso ya EFF le diphathi tse dingwe tse dipotlana. Nt'sekhe o ne a supa go tlhophiwa ga ga Campbell e le nako e e monate gape e le botlhoko mo go ene ka ANC e ne e ntshitswe mo maemong.

Nt'sekhe o ne a emela ditlhopho gape kwa bokopanong jwa ditlhopho jwa phathi ka 2023 mme a seka a tlhophiwa.

Ka ANC e ne e latlhegetswe kwa kgaolong ya Gauteng mo ditlhophong tsa 2024, phathi e ne ya kopana le tse dingwe, di akaretsa DA go laola kgaolo. Nt'sekhe o ne a tlhophiwa go nna mothusa motsamaisa dipuisano tsa palamente ya kgaolo e le bontlha jwa ditumalano tsa go bereka mmogo. Morago ga go phutlhama ga dipuisano gareng ga DA le ANC, Nt'sekhe o ne a ithola marapo e le mothusa motsamaisa dipuisano ka Phukwi a le malatsi a robabongwe ngwaga wa 2024.

Botshelo jwa gagwe

Nt'sekhe o ne anyetswe a na le bana ba le bararo.