Reginah Mhaule

Motlotlegi Reginah Mhaule Mopalamente
Mothusa tona wa thuto go tswa kwa moding
Incumbent
Assumed office Motsheganong a le masome mabedi le borobabongwe ngwaga wa 2019
President	Cyril Ramaphosa
Minister	Angie Motshekga Siviwe Gwarube
Pele Ga Gagwe	Enver Surty
Mopalamente
Incumbent
Assumed office Tlhakole a le masome mabedi le borataro ngwaga wa 2018
Mothusa tona wa mafatshe a sele le tirisanommogo
In office Tlhakole a le masome mabedi le borataro ngwaga wa 2018 – Motsheganong a le malatsi a supa ngwaga wa 2019
President	Cyril Ramaphosa
Minister	Lindiwe Sisulu
Pele Ga Gagwe	Nomaindiya Mfeketo
Morago Ga Gagwe	Alvin Botes Candith Mashego-Dlamini
Ka Ga Ena
O tsetswe	Makgabo Reginah Mhaule Morule a rogwa ngwaga wa 1961 Hazyview Transvaal Aforika Borwa
Mokgatlho	African National Congress
Alma mater	University of Fort Hare

Makgabo Reginah Mhaule (o o tshotsweng ka Morule a rogwa ngwaga wa 1961) ke mopolotiki wa kwa Aforika Borwa o o tlholegang kwa Mpumalanga, o o berekang e le mothusa tona wa thuto go tswa kwa moding. O kile a emela African National Congress (ANC) mo palamenteng fa e sale ka 2018.

Mhaule ke morutabana ka tiro, o tsene mo pusong e le mokhanselara wa mmasepala wa Mbombela, kwa e neng e le mmatoropo go tswa ka 2003 go tsena 2006. Morago ga foo, o ne a bereka kwa khanseleng ya Mpumalanga go tswa ka 2009 go tsena 2018. Ka nako eo yotlhe, e ne e le mokhanselara wa thuto mo pusong ya kgaolo ya boeteledipele jwa ga David Mabuza.

O ne a tlhophilwe e le leloko la komiti ya ANC fa e sale ka Morule 2017, a nna mopalamente ka Tlhakole 2018, fa tautona Cyril Ramaphosa a mo thapa e le mothusa tona wa mafatshe a sele. O nnile mo maemong ao go fitlhelela morago ga ditlhopho tsa 2019, fa a tlhomiwa mo ofising e a leng mo go yone gompieno.

Thuto le pereko

Mhaule o tshotswe ka Morule a rogwa ngwaga wa 1961 kwa Hazyview kwa e neng e le Transvaal botlhaba pele. O ithutetse borutabana morago ga go aloga kwa sekolong se segolwane. Morago, fa puso ya tlhaolele e sena go fela, o ne a fetsa Bachelor of Education Honours kwa University of Potchefstroom ka 2002, le Master in Public Administration kwa University of Pretoria ka 2012. Ka Motsheganong 2019, o ne a fetsa doctorate ya public administration kwa University of Fort Hare, ka tshekatsheko ya maduo a thuto kwa KwaMhlanga.

O simolotse tiro ya gagwe e le morutabana wa sekolo se sepotlana kwa Transvaal Botlhaba ka 1980, le ntswa morago a ne a fudugela kwa sekolong se segolwane kwa Sibukosetfu kwa Hazyview, kwa a neng a nna mothusa mogokgo le mogokgo wa nakwana.Mo dingwageng tse di masome mabedi e le morutabana, o ne a le matlhagatlhaga mo go tsa sepolotiki gape; ke ene modulasetilo wa ntlha wa lekalana la Hazyview la lekgotla la barutabana, fa lekgotla leo le tlhamiwa ka 1990, o ne a nna leloko la African National Congress (ANC).

Mmasepala wa Mbombela: 2000 go tsena 2006

Ka dditlhopho tsa Morule 2000, Mhaule o e a tlhophiwa go emela ANC e le mokhanselara wa mmasepala wa Mbombela kwa Transvaal botlhaba, e ka nako eo e neng ya fetolwa leina go nna kgaolo ya Mpumalanga. O ne a nna motsamaisa dipuisano tsa khansele. Ka phukwi 2003, o ne a tlhatlosiwa maemo fa a tlhophiwa go nna mmatoropo wa Mbombela. O nnile mo mameong ao dingwaga di le tharo, a tlogela khansele ka 2006. Morago o ne a bereka e le mookamedi mo lephateng la distela le dipalamo go fitlhelela ka 2009.

Khansele ya Mpumalanga: 2009 go tsena 2018

Mo ditlhophong tsa Moranang 2009, Mhaule o ne a tlhophiwa mo mannong a khansele ya Mpumalanga. Ka motsheganong a le lesome le bobedi, moeteledipele o mosha David Mabuza o ne a itsise fa a tlaa nna leloko la khansele ya Mpumalanga e le mokhanselara wa thuto. O ne a tlhophiwa gape mo mannong ao mo ditlhophong tsa 2014, a nna mo go one go fitlhelela Mabuza a fetsa boeteledipele.

Ka nako eo, Mhaule o ne a tlhatloga mameo mo kgaolong. Ka 2015, o ne a nna leloko la tlaleletso la komiti ya ANC, a tlhophiwa mo setlheng sa dingwaga tse tlhano mo bokopanong jwa masome a matlhano le bone ka Morule 2017. Ka nnete kwa bokopanong jwa 2017, e ne e le ntlhopheng wa boraro, a setse morago Zweli Mkhize le Lindiwe Zulu. Pampiri ya The Citizen e ne ya bega gore Mabuza o ne a mo lwela gore a bone maemo ao, gongwe e le ka gore o ne a batla gore a nne motlhokomedi-mogolo kwa komiting.

Puso

Tsa mafatshe a sele le tirisanommogo: 2018 go tsena 2019

Ka Tlhakole a le masome mabedi le borataro ngwaga wa 2018, tautona o a ne a sa tswa go tlhophiwa Cyril Ramaphosa o ne a itsise setshaba ka matona a gagwe, a neela Mhaule maemo a mothusa tona wa mafatshe a sele le tirisanommogo ka fa tlase ga ga tona Lindiwe Sisulu. E ne e le mongwe wa bo mothusa tona ba babedi mo lephateng leo, a bereka le Luwellyn Landers. Mhaule o ne a ithola marapo mo pusong ya Mpumalanga gore a kgone go ya palamenteng, o ne a tlhomamisiwa. James Masango, moeteldipele wa phathi ya kganetso ya Democratic Alliance, o ne a nna kgatlhanong le go tlhatlosiwa maemo ga ga Mhaule, a supa fa ene le mabuza o a neng e le mothusa tautona, ba tlogetse tlhakatlhankano mo maphateng a ba tswang kwa go one kwa Mpumalanga.

Thuto go tswa kwa moding: 2019 go tsena gompieno

Mo ditlhophong tsa Motsheganong 2019, Mhaule o ne a tlhophiwa setlha se se tletseng kwa palamenteng, a le mo maemong a masome a matlhano le bosupa mo lenaaneng la ANC. Morago ga ditlhopho, Ramaphosa o ne a mo thapa go nna mothusa tona wa thuto go tswa kwa moding ka fa tlase ga tona wa bogologolo Angie Motshekga. Ka Morule 2022, kwa bokopanong jwa ANC jwa masome a matlhano le botlhano, o ne a tlhophiwa gape kwa komiting ya ANC, a le mo mameong a masome a supa le borobabobedi go tswa mo go ba le masome a robabobedi ba ba neng ba tlhophilwe.

Botshelo jwa gagwe

Mhaule o nyetswe. Ka Firikgong 2019, mmereki wa gagwe wa mo ntlong o ne a ntsha ngongora kgatlhanong le ene kwa mapodising, a re Mhaule o ka tswa a tsere madi a gagwe a tuelo e se ka fa tshwanelong.