Rejoice Mabudafhasi

Rejoice Mabudafhasi
Mothusa tona wa botaki le ngwao
In office Motsheganong a le masome mabedi le borataro ngwaga wa 2014 – Motsheganong a le masome mararo ngwaga wa 2017
President	Jacob Zuma
Minister	Nathi Mthethwa
Morago Ga Gagwe	Maggie Sotyu
Mothusa tona wa metsi le tikologo
In office Motsheganong a le lesome le motso ngwaga wa 2009 – Motsheganong a le masome mabedi le botlhano ngwaga wa 2014
President	Jacob Zuma
Minister	Buyelwa Sonjica Edna Molewa
Tona wa tikologo le bojanala
In office Seetebosigo a le lesome le bosupa ngwaga wa 1999 – Motsheganong a le lesome ngwaga wa 2009
President	Thabo Mbeki
Minister	Valli Moosa Marthinus van Schalkwyk
Ka Ga Ena
O tsetswe	Motsheganong a le masome mabedi le boraro ngwaga wa 1943
Moagi Wa	mo Aforika Borwa
Mokgatlho	African National Congress

Rejoice Thizwilondi Mabudafhasi (o o tshotsweng ka Motsheganong a le masome mabedi le boraro ngwaga wa 1943) ke mopolotiki wa kwa Aforika Borwa o a neng a emetse phathi ya African National Congress (ANC) kwa palamenteng go tswa ka 1994 go fitlhelela a ithola marapo ka Moranang 2017. O ne a thapiwa e le moemedi wa Aforika Borwa kwa Zimbabwe ka 2021.

Mabudafhasi pele o ne a bereka e le mothusa tona wa tikologo le bojanala go tswa ka 1999 go tsena 2009 ka fa tlase ga puso ya ga Thabo Mbeki, le tautona Jacob Zuma, e le mothsua tona wa metsi le tikologo go tswa ka 2009 go tsena 2014 le e le mothusa tona wa botaki le ngwao go tswa ka 2014 go tsena 2017. O ne a ithola marapo go tswa kwa palamenteng morago ga gore Zuma a mo role marapo mo maemong a gagwe a bofelo ka 2017. E le leloko la lekgotla la babereki le molweladitshwanelo kgatlhanong le puso ya tlhaolele, o berekile gape mo komiting ya ANC ka 2007 go tsena 2022.

Botshelo jwa a le mmotlana le tiro

Mabudafhasi o tshotswe ka Motsheganong a le masome mabedi le boraro ngwaga wa 1943. O berekile ka nakwana e le morutabana kwa Tshilidzi School kwa Soweto go tswa ka 1962 go tsena 1963 pele ga a nna motsamaisi wa motlobo wa dibuka kwa University of the North ka 1965. Fa a bereka kwa sekolong se segolwane sa ithutelo ditiro, o ne a le matlhagatlhaga mo letsholong kgatlhanong le puso ya tlhaolele, le mo United Democratic Front le lekgotla la bomme ba Transvaal. Go tswa ka 1992 go tsena 1994, o ne a bereka e le motshwara madi wa lekgotla la babereki ba thuto, botsogo le ba bakopaneng, e le lekgotla le le berekisanang le la ANC la babereki la COSATU.

Tiro ya gagwe mo pusong

Mabudafhasi o dule kwa University of the North morago ga ditlhopho tsa 1994, tse mo go tsone a neng a tlhophilwe mo mannong a ANC mo palamenteng ya ntlha morago ga puso ya tlhaolele. Ene le Susan Shabangu le Elizabeth Thabethe, e ne e le basadi ba ba neng ba emetse COSATU mo lenaaneng la bontlhopheng ba ANC.

Lephata la tikologo le bojanala: 1999 go tsena 2009

Morago ga go tlhophiwa gape go ya palamenteng ka ditlhopho tsa 1999, tautona Thabo Mbeki o ne a tlhopha Mabudafhasi e le mothusa tona wa tikologo le bojanala. O ne a nna mo maemong a go tswa ka Seetebosigo 1999 go tsena Motsheganong 2009, ka nako ya puso ya ga Mbeki le o a neng a mo tlhatlhama ka nakwana Kgalema Motlanthe, o ne a bereka ka fa tlase ga ga tona Valli Moosa le Marthinus van Schalkwyk. Fa godimo ga foo, kwa bokopanong jwa ANC jwa masome matlhano le bobedi ka Morule 2007, o ne a tlhophiwa mo setlheng sa gagwe sa ntlha sa dingwaga tse tlhano mo komiting ya phathi, o ne a nna mo maemong a masome mane le bobedi mo go bo ntlhopneg ba ba masome a robabobedi ba ba neng ba tlhophilwe, a iponela ditalama di le sekete, makgolo a marataro, masome a robabongwe le borobabobedi mo ditalameng di le dikete tse nne tse di neng di dirisitswe.

Lephata la metsi le tikologo:2009 go tsena 2014

Morago ga ditlhopho tsa 2009, tautona o mosha Jacob Zuma o ne a tswakanya matona, Mabudafashi a tlhomiwa mothusa tona wa metsi le tikologo ka fa tlase ga ga tona Buyelwa Sonjica (morago a tlhatlhamiwa ke Edna Molewa). Mo sephatlong sa setlha, kwa bokopanong jwa ANC jwa masome a matlhano le boraro ka Morule 2012, o ne a tlhophiwa gape mo komiting ya ANC, a le mo maemong a masome a mabedi le bosupa jwa maloko a le masome a robabobedi.

Botaki le ngwao:2014 go tsena 2017

Mo ditlhophong tsa 2014, Mabudafhasi o ne a tlhophiwa gape mo setlheng sa gagwe sa bofelo mo palamenteng, a le mo maemong a masome a mane le bone a ANC. Morago ga ditlhopho, Zuma o ne a mo fudusa kwa lephateng la metsi le tikologo, a mo thapa go nna mothusa tona wa botaki le ngwao ka fa tlase ga ga tona Nathi Mthethwa. Dingwaag si ise di tshware boraro moragonyana, Zuma o ne a mo rola marapo mo tswakanyong ya matona ya Mopitlo 2017. Moragonyana o ne a itsise fa a tlaa ithola marapo e le leloko la palamente, go tswa ka Moranang a le masome mararo ngwaga wa 2017.

Tiro ya morago

Le ntswa a ne a ithotse marapo mo palamenteng, Mabudafhasi o ne a tlhophiwa gape mo setlheng sa dingwaga tse tlhano mo komiting ya ANC kwa bokopanong jwa tlhopho jwa Morule 2017. Ka 2021, o ne a tlhomiwa moemedi wa Aforika Borwa kwa Zimbabwe, ke motlhatlhami wa ga Zuma ebong Cyril Ramaphosa. O ne a seka a emela ditlhopho gape kwa bokopanong jwa ANC jwa masome a matlhano le botlhano ka Morule 2022.