Rose Chelimo
Rose Chelimo (o tshotswe ka kgwedi ya Phukwi ele lesome le bobedi,ngwaga wa 1989) ke motabogi wa sekgala se seleele wa kwa Bahrain yo o tshotsweng kwa Kenya yo o gaisanang mo dikgaisanong tsa go taboga mo tseleng go fitlha kwa sekgaleng sa marathone. Ke mmampodi wa lefatshe wa 2017 wa IAAF. O ne a emela Bahrain kwa Metshamekong ya Di-Olympic ya Selemo ya 2016, a tsaya maemo a borobedi mo marathong a basadi. [1]
Chelimo o simolotse go gaisana mo metshamekong ya mabelo ya tsela ya kwa Yuropa ka ngwaga wa 2010. Kwa Fora mo ngwageng oo o ne a nna mofenyi wa bobedi kwa Paris-Versailles mme a fenya 20K de Paris le Grand Nancy Half Marathon. Mo ngwageng o o latelang o ne a fenya Lac d'Annecy Half Marathon. O ne a fitlhelela rekoto ya gagwe ya metsotso e le 69:45 ya go taboga halofo ya marathone ka go nna mofenyi wa bobedi kwa Lille. O ne gape a fenya Auray-Vannes Half Marathon mme a nna mo maemong a boraro kwa Paris 20K le Reims Half Marathon. [2][3]
Ka ngwaga wa 2012, o ne a simolola go gaisana mo dikgaisanong tsa maemo a a kwa godimo, mme ga a ka a nna le maemo a a kwa godimo, le fa gone a ne a le wa bobedi kwa Zwolle Half Marathon. O ne a se ka a tsenela metshameko ya ngwaga wa 2013 mme a boa ka ngwaga wa 2014 a fenya kgaisano ya Alsterlauf, Bredase Singelloop (ka nako e e siameng ya metsotso e le 68:40) le Paris 20K. O ne a tswelela ka seno ka ngwaga wa 2015 ka go fenya Adana Half Marathon, San Blas Half Marathon le Lisbon Half Marathon, a fenya ya bofelo ka nako e ntšha ya metsotso e le 68:22.[2] Morago ga go fenya kwa ,[4] o ne a fiwa boagi jwa Bahrain mme a simolola go gaisana le lefatshe leo.[2]
Chelimo o simolotse ngwaga wa 2016 ka dipalo tse pedi tse di kwa godimo thata. O ne a taboga metsotso e le 68:08 a le mo boemong jwa borobedi mo RAK Half Marathon, mme a fenya kgaisano ya gagwe ya ntlha kwa Seoul International Marathon, a kgabaganya mola ka nako ya diura tse 2:24:14.[5] Mo metshamekong ya gagwe ya ntlha ya Olimpiki kwa Rio Games ya 2016 o ne a fetsa mo maemong a borobedi ka nako ya diura tse 2:27:36, fa mopati wa gagwe Eunice Kirwa a ne a tsaya selefera.
Dikgaisano tsa Mafatshe
[fetola | Fetola Motswedi]| Ngwaga | Kgaisano | Lefelo | Maemo | Phadisano | Dintlha |
|---|---|---|---|---|---|
| 2016 | Olympic Games | Rio de Janeiro, Brazil | 8th | Marathon | 2:27:36 |
| 2017 | World Championships | London, UK | 1st | Marathon | 2:27:11 |
| 2018 | Asian Games | Jakarta, Indonesia | 1st | Marathon | 2:34:51 |
| 2019 | World Championships | Doha, Qatar | 2nd | Marathon | 2:33.46 |
| 2023 | World Championships | Budapest, Hungary | – | Marathon | DNF |
Metswedi
[fetola | Fetola Motswedi]- ↑ Rose Chelimo Archived 6 August 2016 at the Wayback Machine. Rio2016. Retrieved on 14 August 2016.
- 1 2 3 Rose Chelimo. Association of Road Racing Statisticians. Retrieved on 14 August 2016.
- ↑ Vazel, Pierre-Jean (10 September 2011). Kenyan sweep honours in Auray-Vannes race. IAAF. Retrieved on 2016-08-14.
- ↑ Favourites Cheroben and Chelimo triumph at the Ceske Budejovice Half Marathon. IAAF (6 June 2015). Retrieved on 2016-08-14.
- ↑ Loyanae gets course record at the Seoul International Marathon. IAAF (20 March 2016). Retrieved on 2016-08-14.